OTT Star: రామ్ చరణ్ సినిమాలో ఓటీటీ బూతుల స్టార్.. గుర్తు పట్టలేని విధంగా లుక్‌ని మార్చేసిన మున్నా భయ్యా
Mirzapur fame Divyenndu: మీర్జాపూర్ వెబ్ సిరీస్లో అందర్నీ కట్టిపడేసిన క్యారెక్టర్ మున్నా భయ్యా .. తనకి నచ్చినట్లు చేసే మున్నా భయ్యా ఇష్టమొచ్చినట్లు బూతులు మాట్లాడినా ప్రేక్షకులు ఎంజాయ్ చేశారు. ఇప్పుడు మున్నా భయ్యా తెలుగులో సినిమా చేయబోతున్నాడు.
మున్నా భయ్యా.. మీర్జాపూర్ వెబ్ సిరీస్ చూసిన వాళ్లకి పరిచయం అక్కర్లేని పేరు. మీర్జాపూర్ వెబ్ సిరీస్లో బూతులతో జోక్‌లు పేల్చిన మున్నా భయ్యాకి యూత్‌లో బాగా క్రేజ్ ఏర్పడింది. ఇంతకీ ఈ మున్నా భయ్యా అసలు పేరు ఏంటో తెలుసా? దివ్యేందు శర్మ.
కానీ.. దివ్వేందు శర్మ అంటే చాలా మందికి ఇప్పటికీ తెలియదు.. మున్నా భయ్యా అంటే మాత్రం వెంటనే గుర్తు పట్టేస్తారు. అంతలా మీర్జాపూర్‌లో అతని క్యారెక్టర్ క్లిక్ అయ్యింది. ఈ వెబ్ సిరీస్ వచ్చి ఏళ్లు దాటుతున్నా.. ఇప్పటికీ సోషల్ మీడియాలో మున్నా భయ్యా జోక్స్ కనబడుతూ ఉంటాయి.
రామ్ చరణ్ మూవీలో మున్నా భయ్యా
గ్లోబల్ స్టార్ రామ్ చరణ్ నటిస్తున్న ‘ఆర్‌సీ16’లో దివ్యేందు శర్మ ఒక కీలక పాత్ర చేయబోతున్నట్లు శనివారం చిత్ర యూనిట్ ప్రకటించింది. బుచ్చిబాబు సనా దర్శకత్వం వహిస్తున్న ఈ సినిమాలో రామ్ చరణ్ సరసన.. జాన్వీ కపూర్ నటిస్తోంది. ఇందులో జగపతి బాబుతో పాటు కన్నడ సీనియర్ హీరో శివ రాజ్‌కుమార్ కూడా కీలక పాత్రలు పోషిస్తున్నారు.
స్పోర్ట్స్ బ్యాక్‌ డ్రాప్‌తో
ఆర్‌16 సినిమా పల్లెటూరు నేపథ్యంలో స్పోర్ట్స్ బ్యాక్‌డ్రాప్‌తో తెరకెక్కుతున్నట్లు తెలుస్తోంది. ఇందులో పాత్ర కోసం మున్నా భయ్యా లుక్ మొత్తం మార్చేశాడు. మీర్జాపూర్‌లో చాలా స్టయిలిస్‌గా కనిపించిన దివ్యేందు శర్మ.. రగ్డ్ లుక్‌లో ఆర్‌సీ 16లో కనిపించబోతున్నట్లు తెలుస్తోంది.
బూతులు మాట్లాడి యూత్‌లో క్రేజ్ పెంచుకున్న మున్నా భయ్యా.. ఆర్‌సీ 16లో వాటిని కొనసాగిస్తాడా? లేదా కొత్త పంథాలో తన మార్క్‌ని క్రియేట్ చేస్తాడో చూడాలి. ఉప్పెన సినిమాతో క్రేజీ హిట్‌ను అందుకున్న బుచ్చిబాబు సనా.. గత రెండేళ్ల నుంచి ఈ సినిమాపై వర్కవుట్ చేస్తున్నారు.
పెద్ది టైటిల్ ప్రచారం
ఆర్‌సీ 16కి పెద్ది అనే టైటిల్‌ని పెట్టబోతున్నట్లు జోరుగా ప్రచారం జరుగుతోంది. మైత్రీ మూవీ మేకర్స్‌తో కలిసి సుకుమార్ రైటింగ్స్, వృద్ధి సినిమాస్ సంయుక్తంగా ఈ సినిమాను నిర్మిస్తుండగా.. ఏఆర్ రెహమాన్ సంగీతం అందించున్నారు. ఇటీవల మైసూర్‌లో షూటింగ్ కూడా ప్రారంభమైంది.
గేమ్ ఛేంజర్ ఎప్పుడు రిలీజ్ అంటే
శంకర్ దర్శకత్వంలో రామ్ చరణ్ నటించిన గేమ్ ఛేంజర్ మూవీ విడుదలకి సిద్ధమైంది. వచ్చే ఏడాది సంక్రాంతి కానుకగా జనవరి 10న ఈ మూవీ థియేటర్లలోకి రానుంది. ఈ మూవీలో రామ్ చరణ్‌కి జోడీగా కియారా అద్వాని నటించింది.
టాపిక్