ఒకేసారి రెండు ఓటీటీల్లోకి మలయాళం థ్రిల్లర్ మూవీ.. థియేటర్లలో రిలీజైన పది నెలల తర్వాత..

మలయాళ థ్రిల్లర్ మూవీ ‘కర్ణిక’ థియేటర్లలో విడుదలైన పది నెలల తర్వాత, శనివారం (జూన్ 7) నుండి ఆన్‌లైన్‌లో స్ట్రీమింగ్ అవుతోంది. ఈ థ్రిల్లర్ సినిమా ఇప్పుడు మనోరమ మ్యాక్స్, సింప్లీ సౌత్ ఓటీటీ ప్లాట్‌ఫామ్‌లలో అందుబాటులో ఉంది.

'కర్ణిక' ఓటీటీ స్ట్రీమింగ్

ప్రియాంక నాయర్ ప్రధాన పాత్రలో నటించిన కర్ణిక మూవీ జూన్ 7 అర్ధరాత్రి 12 గంటల నుండి మనోరమ మ్యాక్స్, సింప్లీ సౌత్ ఓటీటీ ప్లాట్‌ఫామ్‌లలో విడుదలైంది. విదేశాల్లోని ప్రేక్షకులకు ఈ సినిమా సింప్లీ సౌత్ ద్వారా అందుబాటులో ఉంటుంది.

2024లో థియేటర్లలో విడుదలైనప్పుడు 'కర్ణిక' మూవీకి పెద్దగా రెస్పాన్స్ రాలేదు. అయితే, ఇప్పుడు ఓటీటీ విడుదల తర్వాత ఈ థ్రిల్లర్ సినిమాకు మంచి ఆదరణ లభిస్తుందని భావిస్తున్నారు. ఈ మధ్యే మలయాళ మూవీస్ 'బిగ్ బెన్', 'హంట్', 'ఊసెప్పెంటే ఒసియతు', 'అం అ:', 'మరణమాస్' వంటి మలయాళ మూవీస్ వివిధ ఓటీటీ ప్లాట్‌ఫామ్‌లలోకి వచ్చాయి. నస్లెన్ నటించిన స్పోర్ట్స్ డ్రామా 'ఆలప్పుర జింఖానా' జూన్ 13 నుండి సోనీ లివ్ లో స్ట్రీమింగ్ కానుంది.

కర్ణిక మూవీ గురించి..

మలయాళం మూవీ ‘కర్ణిక’ 2024 ఆగస్టు 23న థియేటర్లలో విడుదలైంది. ఈ చిత్రానికి ఆసక్తికరమైన స్క్రీన్‌ప్లే ఉన్నప్పటికీ, థియేటర్లలో విడుదలైన తర్వాత మిశ్రమ అభిప్రాయాలు వచ్చాయి. ఈ సినిమాలో ప్రధాన పాత్రధారి ఒక రచయిత్రి పయ్యవూర్ గ్రామంలో విచిత్రమైన పరిస్థితుల్లో ఆమెపై దాడి జరుగుతుంది. ఈ దాడి కేసుపై పోలీసులు దర్యాప్తు చేస్తుండగా, అన్ని ఆధారాలు పూవరసి మణ అనే పూర్వీకుల ఇంటి వైపు చూపుతాయి.

ఈ లోపు ఆ రచయిత గతంలో ఈ ఇంటిని సందర్శించి కొన్ని భయంకరమైన రహస్యాలను కనుగొన్నట్లు తెలుస్తుంది. దర్యాప్తు కొనసాగుతున్న కొద్దీ అనేక ఆశ్చర్యకరమైన విషయాలు వెలుగులోకి వస్తాయి, ఈ రచయితకు, ఆ దెయ్యాల ఇంటికి మధ్య ఉన్న సంబంధాన్ని అవి వెల్లడిస్తాయి. సినిమా మొత్తం దీని చుట్టూనే తిరుగుతుంది.

'కర్ణిక'లో ప్రియాంక నాయర్‌తో పాటు వియాన్ మంగళశేరి, టీజీ రవి, క్రిస్ వేణుగోపాల్, ఆధవ్ రామచంద్రన్ కీలక పాత్రల్లో నటించారు. అరుణ్ వెంపల ఈ చిత్రానికి దర్శకత్వం వహించారు. చిత్ర స్క్రీన్‌ప్లేను కూడా దర్శకుడే రాశారు. ఏరీస్ టెలికాస్టింగ్ ఆధ్వర్యంలో అభిని సోహన్ దీనిని నిర్మించారు. అరుణ్ వెంపల, జ్యోతిష్ జోసెఫ్ ఎడిటర్లుగా, అశ్వంత్ మోహన్ సినిమాటోగ్రాఫర్‌గా పనిచేశారు.