OTT Suspense Thriller: ఓటీటీలోకి 11 నెలల తర్వాత వచ్చిన సూపర్ హిట్ మలయాళం సస్పెన్స్ థ్రిల్లర్.. ఐఎండీబీలో 8.2 రేటింగ్

OTT Suspense Thriller: మలయాళం ఇండస్ట్రీ నుంచి వచ్చిన మరో సస్పెన్స్ థ్రిల్లర్ మూవీ కట్టీస్ గ్యాంగ్ (Kattis Gang). ఐఎండీబీలో 8.2 రేటింగ్ సాధించి ప్రేక్షకుల ఆదరణ సంపాదించిన ఈ మూవీ.. మొత్తానికి 11 నెలల తర్వాత ఓటీటీలోకి అడుగుపెట్టింది. ఈ సినిమా ప్రస్తుతం సన్ నెక్ట్స్ ఓటీటీలో స్ట్రీమింగ్ అవుతోంది.

కట్టీస్ గ్యాంగ్ ఓటీటీ స్ట్రీమింగ్

మలయాళం ఇండస్ట్రీ నుంచి వచ్చిన కట్టీస్ గ్యాంగ్ మూవీ గతేడాది మే 16వ తేదీన థియేటర్లలో రిలీజైంది. ఈ సినిమాకు ప్రేక్షకుల నుంచి మంచి రెస్పాన్స్ రావడం సూపర్ హిట్ అయింది. ఇప్పుడీ మూవీ సన్ నెక్ట్స్ ఓటీటీలో స్ట్రీమింగ్ అవుతున్నట్లు ఆ ప్లాట్‌ఫామ్ వెల్లడించింది.

“తన కలను నెరవేర్చుకోవడానికి ఆనంద్ బాషా సిద్ధంగా ఉన్నాడు. అతడు ఆ పని చేయగలడా? కట్టిస్ గ్యాంగ్ మూవీని సన్ నెక్ట్స్ లో చూడండి” అనే క్యాప్షన్ తో ఈ విషయాన్ని ఆ ఓటీటీ వెల్లడించింది. ఈ సినిమాకు ఐఎండీబీలో ఏకంగా 8.2 రేటింగ్ నమోదు కావడం విశేషం.

కట్టీస్ గ్యాంగ్ మూవీ గురించి..

కట్టీస్ గ్యాంగ్ ఓ డైరెక్టర్ కావాలని కలలు కనే యువకుడి చుట్టూ తిరిగే కథ. తన కలను నెరవేర్చుకునే క్రమంలో అతని వ్యక్తిగత జీవితంలో ఓ విషాదం చోటుచేసుకుంటుంది. అలాంటి పరిస్థితుల్లో అతడు తన కలను సాకారం చేసుకోగలడా లేదా అన్నది ఈ కట్టీస్ గ్యాంగ్ మూవీ స్టోరీ. అనీల్ దేవ్ ఈ సినిమాను డైరెక్ట్ చేశాడు. బిజిబల్ మ్యూజిక్ అందించాడు.

ఇక ఈ మూవీలో ఉన్ని లాలు, సౌందరరాజా, సజిన్ చెరుకాయిల్, అల్తాఫ్ సలీమ్, అమల్ రాజ్ దేవ్, ప్రమోద్ వేలియనాదన్ లాంటి వాళ్లు నటించారు. ఈ సినిమాకు ప్రేక్షకులతోపాటు రివ్యూయర్ల నుంచి కూడా పాజిటివ్ రివ్యూలు వచ్చాయి. అయితే సుమారు ఏడాదిగా ఈ సినిమాకు ఓటీటీ ప్లాట్‌ఫామ్ దొరకలేదు. మొత్తానికి ఇప్పుడు సన్ నెక్ట్స్ ఓటీటీ ఈ సినిమాను శుక్రవారం (ఏప్రిల్ 18) నుంచి స్ట్రీమింగ్ చేస్తోంది.