నలుగురు మలయాళం సూపర్ స్టార్లు, లేడీ సూపర్ స్టార్ ఒకే సినిమాలో.. మమ్ముట్టి, మోహన్‌లాల్ బ్లాస్ట్.. పాట్రియాట్ టీజర్

మలయాళ సినిమా దిగ్గజాలు మమ్ముట్టి, మోహన్‌లాల్ దాదాపు 16 సంవత్సరాల తర్వాత కలిసి నటించిన, ఎంతో ఆసక్తిగా ఎదురుచూస్తున్న 'పాట్రియాట్' టీజర్‌ను గురువారం (అక్టోబర్ 2) విడుదల చేశారు. వీళ్లతోపాటు ఫహాద్ ఫాజిల్, కుంచకో బొబన్, నయనతార కూడా ఇందులో నటించడం విశేషం. మహేష్ నారాయణన్ దర్శకత్వం వహించిన, ఆంటో జోసెఫ్ నిర్మించిన ఈ సినిమా గూఢచర్యం, యాక్షన్, దేశభక్తిని మేళవించిన ఒక గొప్ప సినిమాటిక్ విజువల్ ట్రీట్‌ను అందించనుందని టీజర్ స్పష్టం చేస్తోంది.

'పాట్రియాట్' టీజర్ విడుదల

'పాట్రియాట్' టీజర్ ఒక ఇంటెన్స్ థ్రిల్లర్‌కు కావలసిన సరైన టోన్‌ను సెట్ చేసింది. ఈ కథ రిటైర్ అయిన జేఏజీ ఆఫీసర్ చుట్టూ తిరుగుతుంది. ఈ పాత్రను మమ్ముట్టి పోషించాడు. గూఢచర్యం చేశారనే తప్పుడు ఆరోపణలతో అతను ఇరుక్కుంటాడు. తన పేరును క్లియర్ చేసుకోవడానికి, దేశాన్ని రక్షించుకోవడానికి నిశ్చయించుకున్న అతను ఒక రహస్య మిషన్‌ను ప్రారంభిస్తాడు. ఈ హై-స్టేక్స్ ఆపరేషన్‌లో, యుద్ధంలో గట్టి అనుభవం ఉన్న సాయుధ దళాల ఆపరేటివ్‌గా మోహన్‌లాల్ జతకడతాడు.

వారిద్దరూ కలిసి పనిచేయడంపై ఫహాద్ ఫాజిల్ పాత్ర ఆందోళన చెందడం, పవర్ స్ట్రగుల్స్‌, కుట్రలతో నిండిన సంక్లిష్టమైన కథనాన్ని సూచిస్తూ సాగిన ఈ టీజర్ టెన్షన్‌ను పెంచుతుంది. ఈ టీజర్లో నయనతార, రేవతి కూడా కీలక పాత్రల్లో కనిపిస్తారు. ఈ లేడీ స్టార్లు సినిమాపై అంచనాలను మరింత పెంచారు.

ఆరోగ్య సమస్యల కారణంగా 8 నెలల విరామం తర్వాత మమ్ముట్టి అధికారికంగా సిల్వర్ స్క్రీన్‌పైకి తిరిగి వస్తున్న సినిమా కూడా ఇదే. మంగళవారం (సెప్టెంబర్ 30) ఈ సూపర్‌స్టార్ హైదరాబాద్‌లో తిరిగి షూటింగ్ ప్రారంభించాడు. బాలీవుడ్ ఐకాన్స్ సల్మాన్ ఖాన్, కమల్ హాసన్ వంటి ఇండస్ట్రీ దిగ్గజాలు కూడా ఈ టీజర్‌ను తమ సోషల్ మీడియా ప్లాట్‌ఫామ్స్‌లో షేర్ చేయడంతో ‘పాట్రియాట్’పై బజ్ మరింత పెరిగింది.

ఫ్యాన్స్ రియాక్షన్ ఇలా..

పాట్రియాట్ టీజర్ పై ఫ్యాన్స్ నుంచి మిక్స్‌డ్ రియాక్షన్స్ వస్తున్నాయి. ఒక అభిమాని స్పందిస్తూ.. "మమ్ముట్టి, మోహన్‌లాల్.. మలయాళ సినిమా సీఈఓలు చివరికి తిరిగి కలిశారు. ఇది రాజుల పునరాగమనం. డియర్ ఇండియన్ సినిమా, టేక్ దిస్" అని రాశారు. మరొకరు స్పందిస్తూ.. "ఇది హాలీవుడ్ సినిమానా? ఆ స్కేల్, తారాగణం, ఇంట్రీగ్, అన్నీ అద్భుతంగా కనిపిస్తున్నాయి" అని అన్నారు.

అయితే అన్ని రివ్యూలు పాజిటివ్ గా ఏమీ లేవు. కొంతమంది ప్రేక్షకులు టీజర్‌లో పంచింగ్ లేదని భావించారు. "మరింత పవర్‌ఫుల్ స్కోర్‌తో మాసీ కట్ చేసి ఉండాల్సింది. యాక్షన్ బాగుంది.. కానీ మ్యూజిక్ అంతగా హిట్ అవ్వలేదు" అని ఒక సోషల్ మీడియా యూజర్ రాశారు.

మరొకరు స్పందిస్తూ.. "మోహన్‌లాల్, మమ్ముట్టి ఉన్నప్పటికీ టీజర్ అంత గొప్పగా అనిపించలేదు. ఇప్పుడే అంత హైప్ పెంచేలా లేదు" అని అభిప్రాయపడ్డారు.

కుంచకో బొబన్, ఫహాద్ ఫాజిల్, నయనతార, రేవతి వంటి అద్భుతమైన నటీనటులతో.. 'పాట్రియాట్' ఇప్పటివరకు వచ్చిన అత్యంత ప్రతిష్టాత్మక మలయాళ చిత్రాలలో ఒకటిగా రూపుదిద్దుకుంటోంది. ఈ సినిమాను వచ్చే ఏడాది రిలీజ్ చేయబోతున్నారు.