ఐఎండీబీలో 9.2 రేటింగ్ ఉన్న మలయాళం రొమాంటిక్ మూవీ.. ఓటీటీలోకి వచ్చేస్తోంది

మలయాళం ఇండస్ట్రీ నుంచి వచ్చిన లేటెస్ట్ డ్రామా అభిలాషం (Abhilasham). మార్చి 29న థియేటర్లలో రిలీజైన ఈ సినిమాకు ఓ మోస్తరు రెస్పాన్స్ వచ్చింది. అయితే ఐఎండీబీలో మాత్రం ప్రేక్షకులు 9.2 రేటింగ్ ఇచ్చారు. ఈ సినిమా ఇప్పుడు డిజిటల్ ప్రీమియర్ కు సిద్ధమవుతోంది. వచ్చే వారమే ఈ మూవీ ఓటీటీలోకి అడుగుపెట్టనుంది.

అభిలాషం ఓటీటీ రిలీజ్ డేట్

మలయాళం నటుడు సైజు కురుప్ నటించిన మూవీ అభిలాషం. ఈ సినిమా మే 23 నుంచి అమెజాన్ ప్రైమ్ వీడియోలో స్ట్రీమింగ్ కానుంది. కేవలం మలయాళం ఆడియోతోనే ఇంగ్లిష్ సబ్ టైటిల్స్ తో ఈ మూవీ రానుంది.

మార్చి 29న థియేటర్లలో రిలీజైన ఈ సినిమా.. సుమారు రెండు నెలల తర్వాత ఓటీటీలోకి వస్తోంది. ఇందులో సైజు కురుప్ తోపాటు అర్జున్ అశోకన్, తన్వి రామ్ నటించారు. ఈ సినిమా మిక్స్‌డ్ రివ్యూలు వచ్చాయి. దీంతో బాక్సాఫీస్ దగ్గర పెద్దగా సక్సెస్ కాలేకపోయింది.

అభిలాషం మూవీ గురించి..

అభిలాషం మూవీ అభిలాష్ కుమార్ అనే ఓ వ్యక్తి చుట్టూ తిరుగుతుంది. కొట్టక్కల్ లో అతడు ఓ అత్తరు షాపు, కొరియర్ సర్వీస్ నడుపుతుంటాడు. అతని స్కూల్ ఫ్రెండ్, చిన్ననాటి క్రష్ అయిన షెరిన్ చాలా ఏళ్ల తర్వాత మళ్లీ అదే టౌన్ కు తిరిగి వస్తుంది. అప్పటికే ఆమెకు పెళ్లై ఓ సంతానం కూడా ఉంటుంది.

సింగిల్ మదర్ కావడంతో అభిలాష్ మరోసారి ఆమెకు తన ఫీలింగ్ చెప్పడానికి ప్రయత్నిస్తుంటాడు. కానీ ఎప్పటికప్పుడు అది చెప్పలేక బాధపడుతుంటాడు. అతడు తనకిష్టమైన ఆ అమ్మాయి ముందు తన ఫీలింగ్స్ ను చెబుతాడా లేదా అన్నదే ఈ అభిలాషం మూవీ స్టోరీ. ఓ సింపుల్ స్టోరీకి కాస్త కామెడీని జోడించి ఈ సినిమాను తీసుకొచ్చారు.

ఆ అభిలాష్ పాత్రను సైజు కురుప్ పోషించగా.. తన్వీ రామ్ ఆ సింగిల్ మదర్ పాత్రలో నటించింది. ఈ సినిమాను షంజు జైబా డైరెక్ట్ చేశారు. అర్జున్ అశోకన్, బిను పప్పు, నవస్ వల్లిక్కున్ను, ఉమా కేపీ, నీరజ రాజేంద్రన్, షీతల్ జకారియా, అజిషా ప్రభాకరన్ లాంటి వాళ్లు నటించారు. సైజు ఈ మధ్యే వచ్చిన దావీద్ సినిమాలోనూ నటించాడు. ఈ సినిమా ఇప్పటికే జీ5 ఓటీటీలో స్ట్రీమింగ్ అవుతోంది.