ఓటీటీల్లో తప్పక చూడాల్సిన ఐదు లేటెస్ట్ చిత్రాలు.. తెలుగులో స్ట్రీమింగ్.. వీకెండ్‍లో ప్లాన్ చేసుకోండి!

ఓటీటీల్లో కొత్తగా తెలుగులో వచ్చిన సినిమాలు చూడాలనుకుంటే.. ఈ వీకెండ్‍కు అదిరిపోయే చిత్రాలు అందుబాటులోకి వచ్చాయి. ఈ వారం తెలుగులో కొన్ని సినిమాలు ఎంట్రీ ఇచ్చాయి. వాటిలో ఐదు చాలా ఇంట్రెస్టింగ్‍గా ఉన్నాయి. ఇందులో ఒకటి తెలుగు సూపర్ హిట్ కామెడీ మూవీ ఉంది. మిగిలిన నాలుగు సినిమాలు తెలుగు డబ్బింగ్‍లో అందుబాటులోకి వచ్చాయి. ఈ ఐదు సినిమాలు తప్పకుండా చూడాల్సినవే. ఈ వారం తెలుగులో ఓటీటీల్లోకి వచ్చిన ఐదు ఇంట్రెస్టింగ్ చిత్రాలు ఏవో ఇక్కడ తెలుసుకొని.. వీకెండ్ ఎంజాయ్ చేయండి.

మ్యాడ్ స్క్వేర్ (నెట్‍ఫ్లిక్స్)

తెలుగు కామెడీ ఎంటర్‌టైనర్ మ్యాడ్ స్క్వేర్ ఈ శుక్రవారం ఏప్రిల్ 25వ తేదీన నెట్‍ఫ్లిక్స్ ఓటీటీలో స్ట్రీమింగ్‍కు వచ్చింది. తెలుగుతో పాటు తమిళం, మలయాళం, కన్నడ, హిందీ భాషల్లో స్ట్రీమింగ్‍కు వచ్చింది. మార్చి 28వ తేదీన థియేటర్లలో రిలీజై.. రూ.70కోట్లకు పైగా కలెక్షన్లతో సూపర్ హిట్ అయింది ఈ చిత్రం. సంగీత్ శోభన్, నార్నె నితిన్, రామ్ నితిన్, విష్ణు ఓయ్ లీడ్ రోల్స్ చేసిన ఈ చిత్రానికి కల్యాణ్ శంకర్ దర్శకత్వం వహించారు. ఈ వీకెండ్‍లో సరదాగా నవ్వుతూ ఎంజాయ్ చేసేందుకు నెట్‍ఫ్లిక్స్ ఓటీటీలో మ్యాడ్ స్క్వేర్ మూవీని మిస్ కాకుండా చూసేయండి.

వీర ధీర శూరన్ పార్ట్ 2 (అమెజాన్ ప్రైమ్ వీడియో)

తమిళ యాక్షన్ థ్రిల్లర్ చిత్ర వీర ధీర శూరన్ పార్ట్ 2 చిత్రం అమెజాన్ ప్రైమ్ వీడియో ఓటీటీలో ఈ వారమే స్ట్రీమింగ్‍కు వచ్చింది. ఈ గురువారం తమిళం, తెలుగు, హిందీ, తమిళం, కన్నడ భాషల్లో ఈ మూవీ ప్రైమ్ వీడియోలోకి ఎంట్రీ ఇచ్చింది. చియాన్ విక్రమ్ హీరోగా నటించిన ఈ చిత్రం మార్చి 27న థియేటర్లలో విడుదలై హిట్ కొట్టింది. ఈ మూవీని డైరెక్టర్ ఎస్‍యూ అరుణ్ కుమార్ తెరకెక్కించారు.

సూపర్ బాయ్స్ ఆఫ్ మాలేగావ్ (అమెజాన్ ప్రైమ్ వీడియో)

హిందీ సినిమా ‘సూపర్ బాయ్స్ ఆఫ్ మాలేగావ్’ ఈ శుక్రవారం అమెజాన్ ప్రైమ్ వీడియో ఓటీటీలో రెగ్యులర్ స్ట్రీమింగ్‍కు అడుగుపెట్టింది. ఫిల్మ్ మేకింగ్ అంటే ఇష్టం ఉన్న వారికి ఈ మూవీ బాగా నచ్చుతుంది. ఆదర్శ్ గౌరవ్ ప్రధాన పాత్రలో రీమా కగ్తి దర్శకత్వం వహించిన ఈ చిత్రం థియేటర్లలో మంచి టాక్ తెచ్చుకుంది. స్ఫూర్తికలిగించేలా ఉండే సూపర్ బాయ్స్ ఆఫ్ మాలేగావ్ మూవీని అమెజాన్ ప్రైమ్ వీడియోలో మిస్ కాకండి. హిందీతో పాటు తెలుగు, కన్నడ, మలయాళం, తమిళంలో ఈ మూవీ స్ట్రీమ్ అవుతోంది.

ఎల్2: ఎంపురాన్ (జియో హాట్‍స్టార్)

మలయాళ ఆల్‍టైమ్ బ్లాక్‍బస్టర్ ఎల్2: ఎంపురాన్ సినిమా ఏప్రిల్ 24న జియో హాట్‍స్టార్ ఓటీటీలో స్ట్రీమింగ్‍కు అడుగుపెట్టింది. పృథ్విరాజ్ సుకుమారన్ దర్శకత్వంలో మోహన్‍లాల్ హీరోగా నటించిన ఈ మలయాళ పొలిటికల్ యాక్షన్ థ్రిల్లర్ చిత్రం మార్చి 27న థియేటర్లలో విడుదలై రూ.260కోట్లకు పైగా కలెక్షన్లను దక్కించుకుంది. జియో హాట్‍స్టార్ ఓటీటీలో ఈ సీక్వెల్ ఎంపురాన్ చిత్రాన్ని తప్పకచూడండి.

హవోక్ (నెట్‍ఫ్లిక్స్)

యాక్షన్ థ్రిల్లర్ సినిమా హవోక్ ఏప్రిల్ 25వ తేదీన నెట్‍ఫ్లిక్స్ ఓటీటీలోకి డైరెక్ట్ స్ట్రీమింగ్‍కు వచ్చింది. ఈ హాలీవుడ్ మూవీ ఇంగ్లిష్‍తో పాటు తెలుగు, హిందీ, తమిళం భాషల్లోనూ ఎంట్రీ ఇచ్చింది. ఈ చిత్రంలో టామ్ హార్డీ హీరోగా నటించగా.. గరెత్ ఇవాన్స్ దర్శకత్వం చేశారు.