Mad 2 First Song: బ్లాక్ బస్టర్ హిట్ మ్యాడ్కు సీక్వెల్గా మ్యాడ్ 2 ఫస్ట్ లుక్.. ఫస్ట్ సాంగ్ రిలీజ్ ఎప్పుడంటే?
Mad Square First Song Release Date: బ్లాక్ బస్టర్ హిట్ మూవీ మ్యాడ్కు సీక్వెల్గా మ్యాడ్ స్క్వేర్ ఫస్ట్ లుక్ను ఇటీవల విడుదల చేశారు. అలాగే, మ్యాడ్ స్క్వేర్ సినిమా నుంచి ఫస్ట్ సాంగ్ రిలీజ్ డేట్ను అధికారికంగా ప్రకటించారు. సంగీత్ శోభన్, నార్నే నితిన్, రామ్ నితిన్ నటిస్తున్న మ్యాడ్ 2 త్వరలో రానుంది.
Mad 2 First Song Release Date: యువ నటీనటులు, సాంకేతిక నిపుణులతో సితార ఎంటర్టైన్మెంట్స్ రూపొందించిన 'మ్యాడ్' చిత్రం గతేడాది విడుదలై ఎంతటి విజయాన్ని సాధించిందో తెలిసిందే. నార్నే నితిన్, సంగీత్ శోభన్, రామ్ నితిన్ ప్రధాన పాత్రలు పోషించిన ఈ వినోదాత్మక చిత్రం ప్రేక్షకులను విశేషంగా ఆకట్టుకొని, భారీ బ్లాక్ బస్టర్ను సాధించి అందరినీ ఆశ్చర్యపరిచింది.
వైభవంగా లాంచ్
కొన్ని నెలల క్రితం బ్లాక్ బస్టర్ సినిమా 'మ్యాడ్'కి సీక్వెల్గా 'మ్యాడ్ స్క్వేర్'ని రూపొందిస్తున్నట్లు ప్రకటించిన చిత్ర బృందం, వైభవంగా ప్రారంభ వేడుకను నిర్వహించింది. కేవలం ప్రకటనతోనే ఈ సినిమాపై భారీ అంచనాలు ఏర్పడ్డాయి. ముఖ్యంగా యువత ఈ మ్యాడ్ మ్యాక్స్ ఎంటర్టైనర్ కోసం ఎంతగానో ఎదురుచూస్తున్నారు.
ఫస్ట్ సింగిల్ ఆరోజే
ఈ క్రమంలో నిర్మాతలు ఒక గుడ్ న్యూస్ చెప్పారు. మ్యాడ్ స్క్వేర్ చిత్రం నుంచి మొదటి గీతాన్ని సెప్టెంబర్ 20వ తేదీన విడుదల చేయనున్నట్లు ప్రకటించారు. ఈ విషయం చెబుతూనే సాంప్రదాయ దుస్తులలో ఉన్న మ్యాడ్ గ్యాంగ్ ఫస్ట్ లుక్ పోస్టర్ను కూడా విడుదల చేసింది చిత్రం బృందం. ఈ పోస్టర్లో వారి వేషధారణ, శైలి మొదటి భాగానికి భిన్నంగా ఉంది.
మ్యాడ్ స్క్వేర్ ఫస్ట్ లుక్
మ్యాడ్ గ్యాంగ్ను సరికొత్తగా పరిచయం చేస్తున్న ఈ పోస్టర్ ఆకట్టుకునేలా ఉంది. 'మ్యాడ్ స్క్వేర్' పోస్టర్ను చూడగానే 'మ్యాడ్' అభిమానులు ప్రేమలో పడిపోతారు అనడంలో సందేహం లేదు. మొదటి భాగానికి భీమ్స్ సిసిరోలియో స్వరపరిచిన పాటలన్నీ చార్ట్బస్టర్లుగా నిలిచాయి. ఇప్పుడు రెండో భాగంలో అంతకుమించిన చార్ట్బస్టర్ పాటలు ఉంటాయని నిర్మాతలు చెబుతున్నారు.
మరింత వినోదాత్మకంగా
అందరూ మెచ్చుకునేలా 'మ్యాడ్' చిత్రాన్ని రూపొందించిన రచయిత, దర్శకుడు కళ్యాణ్ శంకర్.. సీక్వెల్ను మరింత వినోదాత్మకంగా మలిచే పనిలో ఉన్నారు. మొదటి భాగాన్ని ఇష్టపడిన ప్రతి ఒక్కరూ, రెండో భాగాన్ని మరింత ఇష్టపడతారని నిర్మాతలు ఎంతో నమ్మకంగా చెబుతున్నారు. రెట్టింపు వినోదంతో, రెట్టింపు విజయాన్ని ఖాతాలో వేసుకుంటామని చిత్ర బృందం చెబుతోంది.
రెండు బ్యానర్స్
శ్రీకర స్టూడియోస్తో కలిసి సితార ఎంటర్టైన్మెంట్స్, ఫార్చ్యూన్ ఫోర్ సినిమాస్ పతాకాలపై హారిక సూర్యదేవర, సాయి సౌజన్య సంయుక్తంగా ఈ చిత్రాన్ని నిర్మిస్తున్నారు. ప్రముఖ నిర్మాత సూర్యదేవ నాగవంశీ మ్యాడ్ స్క్వేర్ సినిమాను సమర్పిస్తున్నారు.
సాంకేతిక నిపుణులు
'మ్యాడ్' కోసం పని చేసిన ప్రతిభ గల సాంకేతిక నిపుణులు 'మ్యాడ్ స్క్వేర్' కోసం కూడా పని చేస్తున్నారు. భీమ్స్ సిసిరోలియో సంగీతం సమకూరుస్తున్న ఈ చిత్రానికి.. ప్రముఖ ఛాయాగ్రాహకుడు షామ్దత్ కెమెరా బాధ్యతలు నిర్వహిస్తుండగా, జాతీయ అవార్డు గ్రహీత నవీన్ నూలి ఎడిటర్గా వ్యవహరిస్తున్నారు. ఈ చిత్రానికి సంబంధించిన మరిన్ని వివరాలు త్వరలో ప్రకటించనున్నారు.
టాపిక్