Top 3 Telugu Serials: టాప్ 3 తెలుగు సీరియల్స్ ఇవే.. అర్బన్ ఆడియెన్స్ ఎక్కువగా చూస్తున్నవి ఈ సీరియల్స్‌నే..

Top 3 Telugu Serials: స్టార్ మా సీరియల్స్ దూకుడు ఎలా ఉందో కొన్నేళ్లుగా చూస్తూనే ఉన్నాం. అయితే అందులోనూ ఇప్పుడు కార్తీకదీపం 2 సీరియల్ అటు రూరల్, ఇటు అర్బన్ రెండింట్లోనూ టాప్ లోకి దూసుకురావడం విశేషం. పదో వారానికి సంబంధించిన రేటింగ్స్ లో అర్బన్ మార్కెట్ లోనూ గుండె నిండా గుడి గంటలు సీరియల్ వెనుకబడిపోయింది.

టాప్ 3 తెలుగు సీరియల్స్ ఇవే

ప్రతి వారం తెలుగు టీవీ సీరియల్స్ టీఆర్పీ రేటింగ్స్ రిలీజ్ చేస్తారన్న విషయం తెలుసు కదా. అయితే ఇందులో అర్బన్, రూరల్ కలిపి టాప్ లో ఏ సీరియల్స్ ఉన్నాయో చూస్తుంటాం. కానీ కేవలం అర్బన్ మార్కెట్ విషయానికి వస్తే ఈ రేటింగ్స్, టాప్ 3 స్థానాల్లో కొన్ని మార్పులు ఉంటాయి. తాజాగా 10వ వారానికి రిలీజ్ చేసిన రేటింగ్స్ లో అర్బన్ మార్కెట్ ప్రకారం తెలుగులో టాప్ 3 అన్నీ స్టార్ మాకు చెందిన సీరియల్సే.

వీటిలో కార్తీకదీపం 2 తొలిస్థానంలో నిలవడం విశేషం. నిజానికి ఓవరాల్ గా కొన్ని నెలలుగా ఈ సీరియల్ టాప్ లో ఉన్నా.. అర్బన్ మార్కెట్ లో మాత్రం గుండె నిండా గుడి గంటలు టాప్ లో ఉంటూ వస్తోంది. కానీ తాజా రేటింగ్స్ ప్రకారం చూస్తే.. 10.68 రేటింగ్ తో కార్తీకదీపం 2 సీరియల్ తొలి స్థానాన్ని ఆక్రమించింది.

గుండె నిండా గుడి గంటలు సీరియల్ రెండో స్థానానికి పడిపోయింది. ఈ సీరియల్ కు 10వ వారం అర్బన్ మార్కెట్ లో 10.43 రేటింగ్ నమోదైంది. ఇక మూడో స్థానంలో ఇంటింటి రామాయణం సీరియల్ ఉంది. ఈ సీరియల్ కు 9.53 రేటింగ్ వచ్చింది. ఆ లెక్కన తెలుగు టీవీ ఛానెల్స్ లో అర్బన్ ఏరియాలోని ప్రేక్షకులు ఎక్కువగా చూస్తున్న సీరియల్స్ ఈ మూడే అని తేలిపోయింది.

కార్తీకదీపం 2 దూకుడు

కార్తీకదీపం సీరియల్ తొలి సీజన్ లోనే కాదు రెండో సీజన్లోనూ తన దూకుడును కొనసాగిస్తోంది. ఈ సీరియల్ ప్రతి ఎపిసోడ్ రక్తి కట్టిస్తూ సాగుతోంది. దీంతో అటు రూరల్, ఇటు అర్బన్ రెండు ఏరియాల్లోనూ ఈ సీరియల్ ను ఎగబడి చూసేస్తున్నారు. నిజానికి దీనికంటే ముందు బ్రహ్మముడి సీరియల్ టాప్ లో ఉండేది.

కానీ ఆ సీరియల్ టైమ్ మార్చిన తర్వాత కార్తీకదీపం 2 హవా మొదలైంది. గడిచిన నాలుగైదు నెలలుగా ఈ సీరియల్ కు తిరుగులేకుండా పోతోంది. గుండె నిండా గుడి గంటలు, ఇల్లు ఇల్లాలు పిల్లలు, ఇంటింటి రామాయణంలాంటి సీరియల్స్ నుంచి గట్టి పోటీ ఎదురవుతున్నా.. అవేవీ ఈ సీరియల్ ను టీఆర్పీల్లో దాటలేకపోతున్నాయి.