Kiran Abbavaram: ఈ మూవీ కోసం రాసిన డైలాగ్స్ పూరి జగన్నాథ్ సినిమాలను గుర్తుకుతెస్తాయి.. హీరో కిరణ్ అబ్బవరం కామెంట్స్

Kiran Abbavaram On Puri Jagannadh Movies Dialogues: టాలీవుడ్ యంగ్ హీరో కిరణ్ అబ్బవరం నటించిన కొత్త రొమాంటిక్ యాక్షన్ థ్రిల్లర్ మూవీ "దిల్‌రూబా". ఈ సినిమాలో రుక్సర్ ధిల్లాన్ హీరోయిన్‌గా నటిస్తోంది. దిల్‌రూబా చిత్రాన్ని శివమ్ సెల్యులాయిడ్స్, ప్రముఖ మ్యూజిక్ లేబుల్ సారెగమ తమ నిర్మాణ సంస్థ అయినటువంటి ఏ యూడ్లీ ఫిలిం సంయుక్తంగా నిర్మిస్తున్నాయి.

హోలీ పండుగ సందర్భంగా

రవి, జోజో జోస్, రాకేష్ రెడ్డి, సారెగమ దిల్‌రూబా చిత్రానికి నిర్మాతలుగా వ్యవహరిస్తున్నారు. ఈ మూవీకి విశ్వ కరుణ్ దర్శకత్వం వహించారు. దిల్‌రూబా సినిమా ఇవాళ (మార్చి 14) హోలీ పండుగ సందర్భంగా గ్రాండ్ థియేట్రికల్ రిలీజ్‌కు రెడీ అవుతోంది. ఈ సందర్భంగా మార్చి 13న క్యూ అండ్ ఏ ప్రెస్ మీట్‌ను హైదరాబాద్‌లో నిర్వహించారు. ఈ కార్యక్రమంలో హీరో కిరణ్ అబ్బవరం ఇంట్రెస్టింగ్ విశేషాలు చెప్పాడు.

హీరో కిరణ్ అబ్బవరం మాట్లాడుతూ.. "దిల్‌రూబా సినిమా గురించి వీలైనంతగా మిమ్మల్ని కలిసి చెబుతూ వస్తున్నాం. ఈ రోజు (మార్చి 13) ప్రీమియర్స్ పడుతున్నాయి. సినిమా స్క్రీన్స్ మీదకు వచ్చే ముందు మరోసారి మా సినిమా గురించి మాట్లాడాలని మీ ముందుకు వచ్చాం" అని అన్నాడు.

30 నిమిషాల తర్వాత

"దిల్‌రూబా సినిమా ఫస్ట్ 30 మినిట్స్ సరదాగా వెళ్తూ ఆ 30 నిమిషాల తర్వాత కథలోకి తీసుకెళ్తుంది. ఈ కథలో ప్రేమ ఒక్కటే కాదు స్నేహం, ఫాదర్ సన్, ఫాదర్ డాటర్ రిలేషన్.. ఇలా అన్ని ఎమోషన్స్ ఉంటాయి. ఎక్స్ లవర్ మళ్లీ ఆ ప్రేమికుడి జీవితంలోకి వచ్చి అతని ప్రెజెంట్ లవ్‌ను కలిపే ప్రయత్నం చేయడం అనేది దిల్‌రూబాలో కొత్తగా ఉంటుంది" అని కిరణ్ అబ్బవరం చెప్పాడు.

శత్రువులా చూడాల్సిన పనిలేదు

"మాజీ ప్రేయసి, ప్రేమికుడు అంటే శత్రువులా చూడాల్సిన పనిలేదు. వారితోనూ స్నేహాన్ని కొనసాగించవచ్చు అనే ఫీల్ గుడ్ ఎలిమెంట్ మిమ్మల్ని ఆకట్టుకుంటుంది. మీరు మీ ఫ్యామిలీతో వచ్చి హాయిగా ఈ సినిమా చూడొచ్చు. ఎలాంటి ఇబ్బందికర డైలాగ్స్, సన్నివేశాలు ఉండవు. ఈ మూవీలో నటించిన తర్వాత నటుడిగా ఇంకాస్త పరిణితి సాధించా అనిపించింది" అని కిరణ్ అబ్బవరం తెలిపాడు.

హాట్ సమ్మర్‌లో 8 రోజులు

"ఫైట్స్ విషయంలో చాలా సంతృప్తిగా ఉన్నాను. ఇంటర్వెల్ బ్యాంగ్‌లో వచ్చే లెంతీ ఫైట్ సీక్వెన్స్ కోసం చాలా కష్టపడ్డాను. మంగళూరులో హాట్ సమ్మర్‌లో ఆ సీక్వెన్స్ ఎనిమిది రోజుల పాటు చేశాం. ఆ ఫైట్ మీకు బాగా నచ్చుతుంది. అందుకే మా ప్రొడ్యూసర్ రవి గారు కూడా ఫైట్స్ గురించి కొంచెం బోల్డ్ స్టేట్‌మెంట్ ఇచ్చారు. రుక్సర్, క్యాతీ క్యారెక్టర్స్ ఆకట్టుకుంటాయి" అని కిరణ్ అబ్బవరం పేర్కొన్నాడు.

కనెక్ట్ అయితేనే

"అలాగే మా డైరెక్టర్‌కు ఈ సినిమా తర్వాత మంచి పేరొస్తుంది. ఆయన ఈ మూవీ కోసం రాసిన డైలాగ్స్ అప్పట్లో పూరి (డైరెక్టర్ పూరి జగన్నాథ్) గారి సినిమాలను గుర్తుకుతెస్తాయి. క సినిమా కంటెంట్, స్క్రీన్ ప్లే మీద వెళ్తుంది. ఆ సినిమా సక్సెస్‌ను ప్రెడిక్ట్ చేయొచ్చు. కానీ, దిల్ రూబా మ్యాజిక్ మూవ్‌మెంట్స్ మీద వెళ్లే కమర్షియల్ మూవీ. ఈ కథకు మీరు కనెక్ట్ అయితే సినిమా బాక్సాఫీస్ వద్ద ఎవరూ ఉహించనంత రేంజ్‌కు వెళ్తుంది. దిల్‌రూబాను థియేటర్స్‌లో చూసి మీ రెస్పాన్స్ తెలియజేస్తారని వేచి చూస్తున్నాం" అని కిరణ్ అబ్బవరం చెప్పుకొచ్చాడు.