Vikrant Rona: సుదీప్ విక్రాంత్ రోనా ట్రైలర్ వచ్చేసింది.. ఓ లుక్కేయండి

ఈగ సినిమాతో తెలుగువారికి సుపరిచితులయ్యారు కిచ్చా సుదీప్. కన్నడలో సూపర్‌స్టార్‌ అయిన సుదీప్‌కు తెలుగులోనూ మంచి ఫాలోయింగ్ ఉంది. దబాంగ్-3 సినిమాతో బాలీవుడ్ ప్రేక్షకులకు కూడా పరిచయమయ్యారు. ప్రస్తుతం ఆయన నటించిన కొత్త చిత్రం విక్రాంత్ రోణ. ఇప్పటికే ఈ సినిమా టీజర్ విడుదలై సినిమాపై అంచనాలను పెంచేసింది. తాజాగా ఈ సినిమా ట్రైలర్‌ను విడుదల చేసింది చిత్రబృందం.

ఈ సినిమా ట్రైలర్ ఆద్యంతం ఆకట్టుకుంటోంది. అడ్వెంచర్ థ్రిల్లర్‌గా రానున్న ఈ సినిమా హాలీవుడ్ స్థాయిలో రూపొందించినట్లు ట్రైలర్‌ను చూస్తేనే తెలుస్తోంది. యాక్షన్ సన్నివేశాలు, అబ్బురపరిచే విజువల్స్‌తో ట్రైలర్ ఆకట్టుకుంటోంది. కిచ్చా సుదీప్ లుక్, యాక్షన్ పరంగా అదరగొట్టాడు.

ఈ చిత్రంలో జాక్వలిన్ ఫెర్నాండెజ్ ఓ ప్రత్యేక పాటలో నర్తించింది. రక్కమ్మ అంటూ సాగే ఈ సాంగ్ నెట్టింట హల్‌చల్ చేసింది. జాక్వెలిన్ స్టెప్పులతో పాట మంచి జోరుగా సాగింది. మాస్ ప్రేక్షకులను దృష్టిలో పెట్టుకుని రూపొందించిన ఈ పాట ఆద్యంతం ఆకట్టుకుంది. జాక్వెలిన్ అందం, పర్ఫార్మెన్స్ ఈ పాటకు అదనపు ఆకర్షణగా నిలిచింది. కిచ్చా సుదీప్ తనదైన శైలిలో అదిరిపోయే స్టెప్పులతో అలరించారు.

ఈ సినిమాను జులై 28న ప్రేక్షకుల ముందుకు తీసుకురానుంది. 3డీలో కూడా విడుదల కానుంది. అనూప్ భండారి దర్శకత్వం వహించిన ఈ సినిమాను షాలినీ జాక్ మంజూ, అలంకార్ పాండ్యన్ నిర్మిస్తున్నారు. నిరూప్ భండారి ఈ చిత్రంలో కీలక పాత్ర పోషిస్తున్నారు.