రేపే కమల్ హాసన్ థగ్ లైఫ్ ట్రైలర్ రిలీజ్.. హైదరాబాద్, వైజాగ్‌లలో భారీ ఈవెంట్స్.. ఎప్పుడెప్పుడంటే?

ఈ సంవత్సరం భారత సినీ ప్రేక్షకులు ఎంతో ఆసక్తిగా ఎదురు చూస్తున్న సినిమాల్లో “థగ్ లైఫ్” ఒకటి. యూనివర్సల్ స్టార్ కమల్ హాసన్ హీరోగా నటించిన సినిమా ఇది. ఈ మూవీకి లెజండరీ దర్శకుడు మణిరత్నం దర్శకత్వం వహించారు. ఈ హై-ఓక్టేన్ గ్యాంగ్‌స్టర్ డ్రామా థగ్ లైఫ్ మూవీ జూన్ 5న థియేటర్లలో విడుదలకు సిద్ధమవుతోంది.

ప్రమోషన్స్‌కి స్పెషల్ ప్లాన్

దీంతో థగ్ లైఫ్ టీమ్ ఇప్పుడు పూర్తి స్థాయి ప్రమోషన్లతో ప్రేక్షకుల ముందుకు రానుంది. ఏఆర్ రెహమాన్ సంగీతం అందించిన ఈ చిత్రంలో ఇప్పటికే విడుదలైన మొదటి సాంగ్ ఘన విజయాన్ని సాధించింది. ఈ ఉత్సాహాన్ని కొనసాగించేందుకు మూవీ టీమ్ ఇప్పుడు ప్రమోషన్స్‌కి స్పెషల్ ప్లాన్ రూపొందించింది.

లైవ్ పర్ఫామెన్స్‌తో

మే 17న అంటే రేపే థగ్ లైఫ్ ట్రైలర్ ఆన్‌లైన్‌లో విడుదల కానుంది. ఇక మే 24న హైదరాబాద్‌లో గ్రాండ్‌గా ఆడియో లాంచ్ జరగనుంది. ఆ తర్వాత మే 29న విశాఖపట్నంలో తెలుగు వెర్షన్ ప్రీ-రిలీజ్ ఈవెంట్‌ను ఘనంగా నిర్వహించనున్నారు. అంతకు ముందు, చెన్నైలోని సాయిరామ్ కాలేజీలో సంగీత దర్శకుడు ఏఆర్ రెహమాన్ లైవ్ పర్ఫామెన్స్ ఇస్తూ ఆడియో లాంఛ్ ఈవెంట్ నిర్వహించనున్నారు.

భారీ ఎత్తులో ప్రమోట్

ఇలా, థగ్ లైఫ్ ట్రైలర్‌ రిలీజ్‌తోపాటు భారీ ఈవెంట్స్‌ను నిర్వహించనున్నారు మేకర్స్. ఇక తెలుగులో కమల్ హాసన్‌కి హ్యూజ్ ఫ్యాన్ ఫాలోయింగ్ ఉంది. తెలుగు ఆడియన్స్ అందరినీ కలవాలని కమల్మహాసన్ ఈ సినిమాని అగ్రెసివ్‌గా భారీ ఎత్తులో ప్రమోట్ చేయబోతున్నారు.

విక్రమ్-అమరన్ లాంటి

ఇప్పటికే విడుదలైన ప్రతి ప్రమోషనల్ మెటీరియల్‌కి తెలుగులో సెన్సేషనల్ రెస్పాన్స్ వచ్చింది. టాలీవుడ్ హీరో నితిన్ తండ్రి ఎన్ సుధాకర్ రెడ్డి శ్రేష్ఠ్ మూవీస్ ద్వారా ఈ థగ్ లైఫ్ సినిమా తెలుగులో విడుదల కానుంది. గతంలో విక్రమ్, అమరన్ లాంటి బ్లాక్‌బస్టర్లు అందించిన ఈ సంస్థ ఇప్పుడు 'థగ్ లైఫ్' చిత్రాన్ని తెలుగు రాష్ట్రాల్లో భారీగా విడుదల చేయనుంది.

థగ్ లైఫ్‌లో భారీ తారాగణం

మల్టీ స్టేట్స్ ప్రమోషన్స్‌తో ‘థగ్ లైఫ్’ని ట్రూ పాన్-ఇండియా బ్లాక్‌బస్టర్‌గా నిలిపేందుకు టీమ్ కాంప్రమైజ్ కాకుండా అన్ని విధాలుగా కృషి చేస్తోంది. ఇక థగ్ లైఫ్ సినిమాలో కమల్ హాసన్‌తో పాటు శింబు, త్రిష కృష్ణన్, జయం రవి, ఐశ్వర్య లక్ష్మీ, సాన్య మల్హోత్రా, జోజు జార్జ్, పంకజ్ త్రిపాఠి వంటి భారీ తారాగణం నటిస్తోంది.

ఇండియన్ 2తో నిరాశ

ఇదిలా ఉంటే, చివరిగా కమల్ హాసన్ ఇండియన్ 2 సినిమాతో ప్రేక్షకుల ముందుకు వచ్చాడు. అయితే, ఆ సినిమా అనుకున్నంత స్థాయిలో విజయాన్ని రాబట్టలేకపోయింది. దీంతో కమల్ హాసన్ అభిమానులంత థగ్ లైఫ్ మూవీపై ఆశలు పెట్టుకున్నారు. మరి జూన్ 5న థియేటర్లలో ఆడియెన్స్ ముందుకు రానున్న థగ్ లైఫ్ ఎలాంటి రెస్పాన్స్ తెచ్చుకుంటుందో చూడాలి.