Vikram Movie: డైరెక్టర్కు కాస్ట్లీ కారు గిఫ్ట్గా ఇచ్చిన కమల్ హాసన్
తన కెరీర్లోనే అత్యధిక ఓపెనింగ్స్ ఇచ్చిన మూవీ విక్రమ్ సక్సెస్ను కమల్ హాసన్ బాగానే ఎంజాయ్ చేస్తున్నాడు. ఈ సక్సెస్కు కారణమైన ఫ్యాన్స్కు అన్ని భాషల్లో కృతజ్ఞతలు చెప్పడంతోపాటు డైరెక్టర్కు ఓ కాస్ట్లీ కారునూ గిఫ్ట్గా ఇవ్వడం విశేషం.
కమల్ హాసన్, విజయ్ సేతుపతి, ఫహద్ ఫాసిల్ నటించిన యాక్షన్ మూవీ విక్రమ్ బాక్సాఫీస్ను దున్నేస్తోంది. ఈ మూవీ దెబ్బకు బాలీవుడ్లో అక్షయ్ కుమార్ నటించిన సామ్రాట్ పృథ్వీరాజ్ తీవ్రంగా నష్టపోయింది. విక్రమ్ మూవీ అంచనాలకు అందని విధంగా నాలుగు రోజుల్లోనే ఏకంగా రూ.175 కోట్లకుపైగా వసూలు చేయడం విశేషం.
ఈ మూవీ సక్సెస్ కావడంతో మంగళవారం ఉదయం కమల్ హాసన్ ప్రేక్షకులకు కృతజ్ఞతలు చెప్పాడు. ఈ సినిమా ఐదు భాషల్లో విడుదల కావడంతో తాను కూడా ఆ ఐదు భాషల్లోనూ థ్యాంక్స్ చెబుతూ వీడియోలు రిలీజ్ చేశాడు. విక్రమ్ మూవీని తనే నిర్మించడంతో కమల్ ఆనందానికి అవధుల్లేకుండా పోయాయి. ఇదే ఆనందంలో ఇప్పుడతను మూవీ డైరెక్టర్ లోకేష్ కనగరాజ్కు ఓ కాస్ట్లీ కారును కూడా గిఫ్ట్గా ఇచ్చాడు.
లెక్సస్ కంపెనీకి చెందిన కారు అది. లోకేష్కు కమల్ కారు అందిస్తున్న ఫొటోలు ఇప్పుడు సోషల్ మీడియాలో వైరల్గా మారాయి. ఈ సర్ప్రైజ్ గిఫ్ట్ లోకేష్ను కూడా ఆశ్చర్యపరిచింది. విక్రమ్ సినిమాకు తొలి రోజు నుంచే పాజిటివ్ టాక్ వచ్చింది. ముఖ్యంగా యాక్షన్ లవర్స్కు ఈ సినిమా బాగా నచ్చింది. దీంతో బాక్సాఫీస్ దగ్గర సామ్రాట్ పృథ్వీరాజ్, మేజర్లాంటి సినిమాల పోటీని తట్టుకుంటూ కలెక్షన్ల వర్షం కురిపిస్తోంది. ఈ మూవీలో సూర్య అతిథి పాత్రలో కనిపించడం కూడా అభిమానులకు బాగా నచ్చింది.
సంబంధిత కథనం