Ayushi Patel: లిప్ లాక్, ఎక్స్‌పోజింగ్ నచ్చదు.. అవి మాత్రమే చేస్తా హీరోయిన్ కామెంట్స్-kaliyugam pattanamlo actress ayushi patel about lip lock and exposing ,ఎంటర్‌టైన్‌మెంట్ న్యూస్
తెలుగు న్యూస్  /  Entertainment  /  Kaliyugam Pattanamlo Actress Ayushi Patel About Lip Lock And Exposing

Ayushi Patel: లిప్ లాక్, ఎక్స్‌పోజింగ్ నచ్చదు.. అవి మాత్రమే చేస్తా హీరోయిన్ కామెంట్స్

Sanjiv Kumar HT Telugu
Mar 29, 2024 11:27 AM IST

Ayushi Patel About Lip Lock: లిప్ లాక్, ఎక్స్‌పోజింగ్ అంటే నచ్చదని యంగ్ హీరోయిన్ ఆయుషి పటేల్ చెబుతోంది. కలియుగం పట్టణంలో సినిమాతో హీరోయిన్‌గా ఎంట్రీ ఇస్తోన్న ఈ ముద్దుగుమ్మ తాజాగా చేసిన కామెంట్స్ వైరల్ అవుతున్నాయి.

లిప్ లాక్, ఎక్స్‌పోజింగ్ నచ్చదు.. అవి మాత్రమే చేస్తా హీరోయిన్ కామెంట్స్
లిప్ లాక్, ఎక్స్‌పోజింగ్ నచ్చదు.. అవి మాత్రమే చేస్తా హీరోయిన్ కామెంట్స్

Ayushi Patel About Lip Lock: తెలుగు ఇండస్ట్రీలోకి కొత్తగా హీరోయిన్‌గా వచ్చిన మరో నటి ఆయుషి పటేల్. కలియుగం పట్టణంలో సినిమాతో తెలుగు తెరకు హీరోయిన్‌గా ఆయుషి పటేల్ పరిచయం కానుంది. నాని మూవీ వర్క్స్, రామా క్రియేషన్స్ ఆధ్వర్యంలో రూపొందిన ఈ సినిమాలో విశ్వ కార్తికేయ, ఆయుషి పటేల్ హీరోహీరోయిన్లుగా నటిస్తున్నారు. ఈ మూవీకి కథ, డైలాగ్స్ ,స్క్రీన్ ప్లే, దర్శకత్వం రమాకాంత్ రెడ్డి వహించారు.

డాక్టర్ కందుల చంద్ర ఓబుల్ రెడ్డి, జి. మహేశ్వరరెడ్డి, కాటం రమేష్‌‌లు నిర్మించిన కలియుగం పట్టణంలో సినిమా మార్చి 29 అంటే శుక్రవారం విడుదలైంది. ఈ క్రమంలో ప్రమోషన్స్‌లో భాగంగా హీరోయిన్ ఆయుషి పటేల్ ఇంటర్వ్యూలో ఆసక్తికర విశేషాలు చెప్పారు.

కలియుగం పట్టణంలో మీ పాత్ర ఎలా ఉండబోతోంది?

నా పాత్ర చాలా కొత్తగా ఉంటుంది. మల్టిపుల్ షేడ్స్ ఉంటాయి. రెగ్యులర్ హీరోయిన్ పాత్రలా ఉండదు. ఒక్కో సీన్‌లో ఒక్కోలా ప్రేక్షకులకు అనిపిస్తుంది. నా పాత్రకు ఇంటర్వెల్‌లో ఒకలా, క్లైమాక్స్‌లో మరో ఒపీనియన్ వస్తుంది. ఈ సినిమా కోసం కడపలో షూట్ చేశాం. కడపలో అందమైన లొకేషన్స్ చాలా ఉన్నాయి. అక్కడి ప్రజలు ఎంతో సపోర్ట్ చేశారు. అక్కడ ఈ చిత్రాన్ని ఎంతో సరదాగా షూట్ చేశాం. చాలా పార్ట్ అక్కడే షూట్ చేశాం. కొంత మాత్రం హైద్రాబాద్‌లో షూట్ చేశాం.

కలియుగం పట్టణంలో అవకాశం ఎలా వచ్చింది? సినిమాలపై ఆసక్తి ఎలా వచ్చింది?

చిన్నతనం నుంచి నాకు సినిమాలంటే ఇష్టం. నేను పవన్ కల్యాణ్ గారి అభిమానిని. ఆయనలానే ఎదగాలని అనుకునేదాన్ని. ఈ మూవీ నాకు ఓ మేనేజర్ వల్ల వచ్చింది. ఈ మూవీ కోసం ఎన్నో వర్క్ షాప్స్ చేశాం. ఆ టైంలోనే హీరో విశ్వతో కలిసి ఎన్నో సీన్ల గురించి చర్చించుకున్నాం. ప్రస్తుతం మేం ఈ మూవీ ప్రమోషన్స్ కోసం టూర్స్ వేస్తున్నాం. వెళ్లిన ప్రతీ చోటా మంచి రెస్పాన్స్ వస్తోంది. మమ్మల్ని అందరూ గుర్తు పడుతున్నారు. మా సినిమా టీజర్, ట్రైలర్ గురించి చెబుతున్నారు. మా ఫ్రెండ్స్, ఫ్యామిలీ అందరూ కూడా నా గురించి, నా ఫస్ట్ సినిమా గురించి గొప్పగా మాట్లాడుకుంటున్నారు.

దర్శకుడు రమాకాంత్ రెడ్డితో పని చేయడం ఎలా అనిపించింది?

రెండు గంటలకు పైగా నాకు కథను నెరేట్ చేశారు. ఆయనకు ఎంతో క్లారిటీ ఉంది. మా దర్శకుడు ఎప్పుడూ కూడా కట్ చెప్పరు. కట్ చెబితే ఎండ్‌లో వచ్చే ఎక్స్‌ప్రెషన్స్ మిస్ అవుతాయ్ అని కట్ చెప్పరు. మా దర్శకుడు ఎంతో సరదాగా షూటింగ్ చేసేవారు. కథ ఏం చెప్పారో.. అదే తీశారు. ఆర్ఆర్ వల్ల సినిమా మరోస్థాయికి వెళ్లింది. విశ్వ కార్తికేయ నాకు ఎంతో సహకరించారు. ప్రతీ సీన్ గురించి చర్చించుకునేవాళ్లం. ఇలా చేద్దాం, అలా చేద్దాం అని మాట్లాడుకునేవాళ్లం. ఇంత మంచి వ్యక్తితో నా మొదటి సినిమా రావడం ఆనందంగా ఉంది.

తదుపరి చిత్రాల గురించి చెప్పండి?

కలియుగం పట్టణంలో రిలీజ్ కాకముందే నాకు మూడు ప్రాజెక్టుల్లో అవకాశాలు వచ్చాయి. లిప్ లాక్, ఎక్స్‌పోజింగ్ వంటివి నాకు నచ్చదు. అందుకే చాలా సినిమాలు ఒప్పుకోలేదు. నటనకు ప్రాధాన్యం ఉన్న సినిమాలనే ఎంచుకుంటున్నాను. డబ్బు సంపాదించాలనే ఉద్దేశంతో ఇండస్ట్రీలోకి రాలేదు. కొన్ని సినిమాలు చేసినా పర్లేదు. కానీ, మంచి చిత్రాలు చేయాలని అనుకుంటున్నాను.

IPL_Entry_Point