Kaatera OTT Release: కాటేరా ఓటీటీ స్ట్రీమింగ్‌ డేట్ ఇదే - తెలుగులో ఛాలెంజింగ్ స్టార్ ద‌ర్శ‌న్ మూవీ రిలీజ్‌

Kaatera OTT Release: ఛాలెజింగ్ స్టార్ ద‌ర్శ‌న్ హీరోగా న‌టించిన కాటేరా మూవీ ఓటీటీలోకి వ‌చ్చేస్తోంది. ఈ పీరియాడిక‌ల్ యాక్ష‌న్ ఎంట‌ర్‌టైన‌ర్ మూవీ స్ట్రీమింగ్ హ‌క్కుల‌ను జీ5 ఓటీటీ భారీ ధ‌ర‌కు ద‌క్కించుకున్న‌ది. ద‌ర్శ‌న్ పుట్టిన‌రోజును పుర‌స్క‌రించుకొని ఏడు రోజుల ముందుగానే కాటేరా మూవీ ఓటీటీలోకి రాబోతున్న‌ట్లు స‌మాచారం. ఫిబ్ర‌వ‌రి 9 నుంచి జీ5 ఓటీటీలో కాటేరా స్ట్రీమింగ్ కానున్న‌ట్లు వార్త‌లు వినిపిస్తున్నాయి. ఓటీటీ రిలీజ్ డేట్‌ను అఫీషియ‌ల్‌గా త్వ‌ర‌లోనే అనౌన్స్ చేయ‌బోతున్న‌ట్లు స‌మాచారం.

కాటేరా తెలుగులో రిలీజ్‌...

కాటేరా మూవీ డిసెంబ‌ర్ 29న థియేట‌ర్ల‌లో రిలీజైంది. తొలుత ఈ మూవీని పాన్ ఇండియ‌న్ లెవెల్‌లో అన్ని భాష‌ల్లో రిలీజ్ చేయాల‌ని భావించారు. కానీ డిసెంబ‌ర్ లాస్ట్ వీక్‌లో ప్ర‌భాస్ స‌లార్ బ‌రిలో నిల‌వ‌డంతో పాన్ ఇండియ‌న్ ఆలోచ‌న‌ను ప‌క్క‌న‌పెట్టి కేవ‌లం కాటేరా క‌న్న‌డ వెర్ష‌న్‌ను మాత్ర‌మే థియేట‌ర్ల‌లో రిలీజ్ చేశారు. ఓటీటీలో మాత్రం క‌న్న‌డంతో పాటు తెలుగులోనూ ఈ మూవీ స్ట్రీమింగ్ కానున్న‌ట్లు స‌మాచారం. ఫిబ్ర‌వ‌రి 9న జీ5 ఓటీటీలో క‌న్న‌డంతో పాటు తెలుగు, హిందీ, త‌మిళం, మ‌ల‌యాళ భాష‌ల్లో కాటేరా రిలీజ్ కానున్న‌ట్లు స‌మాచారం.

థియేట‌ర్ల‌లో…

తెలుగులో ఓటీటీ కంటే ముందు థియేట‌ర్ల‌లో కాటేరా రిలీజ్ కానున్న‌ట్లు ప్ర‌చారం జ‌రుగుతోంది. జ‌న‌వ‌రి 26న కాటేరా తెలుగు వెర్ష‌న్ థియేట‌ర్ల‌లోకి వ‌చ్చే అవ‌కాశం ఉన్న‌ట్లు వార్త‌లు వినిపిస్తున్నాయి. త్వ‌ర‌లోనే తెలుగు రిలీజ్ డేట్‌ను ప్ర‌క‌టించ‌బోతున్న‌ట్లు తెలిసింది.

1970 బ్యాక్‌డ్రాప్‌లో యాక్ష‌న్ డ్రామాగా రూపొందిన కాటేరా మూవీకి త‌రుణ్ సుధీర్ ద‌ర్శ‌క‌త్వం వ‌హించాడు. దాదాపు న‌ల‌భై ఐదు కోట్ల బ‌డ్జెట్‌తో రూపొందిన ఈ మూవీ 105 కోట్ల వ‌ర‌కు వ‌సూళ్ల‌ను రాబ‌ట్టింది. స‌లార్ పోటీని త‌ట్టుకొని క‌న్న‌డంలో వంద కోట్ల క్ల‌బ్‌లో చేరింది.కాటేరా మూవీలో సీనియ‌ర్ క‌థానాయిక మాలాశ్రీ కూతురు ఆరాధ‌న రామ్ హీరోయిన్‌గా న‌టించింది. ఈ సినిమాతోనే ఆమె క‌న్న‌డ ఇండ‌స్ట్రీలోకి ఎంట్రీ ఇచ్చింది. కాటేరాలో టాలీవుడ్ న‌టుడు జ‌గ‌ప‌తిబాబు విల‌న్‌గా న‌టించాడు. రాక్‌లైన్ వెంక‌టేష్ ఈ మూవీని నిర్మించాడు.

2023లో అత్య‌ధిక వ‌సూళ్లు...

కాటేరా మూవీ 2023లో సాండ‌ల్‌వుడ్‌లో అత్య‌ధిక వ‌సూళ్ల‌ను రాబ‌ట్టిన మూవీగా రికార్డ్ క్రియేట్ చేసింది. క‌న్న‌డ ఇండ‌స్ట్రీ చ‌రిత్ర‌లో హ‌య్యెస్ట్ క‌లెక్ష‌న్స్ ద‌క్కించుకున్న సినిమాల్లో ఏడో స్థానంలో నిలిచింది.

తొలిరోజే ఈ మూవీ 19 కోట్ల వ‌సూళ్ల‌ను రాబ‌ట్టింది. భూస్వాముల‌ను ఎదురించి పేద‌ల‌కు న్యాయం చేయాల‌ని త‌పించే కాటేరా అనే వ్య‌క్తి క‌థ‌తో ద‌ర్శ‌కుడు త‌రుణ్ సుధీర్ ఈ మూవీని తెర‌కెక్కించాడు. ఇందులో ద‌ర్శ‌న్ యాక్టింగ్‌, అత‌డిపై తెర‌కెక్కించిన యాక్ష‌న్ సీక్వెన్స్ అభిమానుల‌ను ఆక‌ట్టుకున్నాయి. య‌థార్థ ఘ‌ట‌న‌ల ఆధారంగా ద‌ర్శ‌కుడు ఈ క‌థ‌ను రాసుకున్నాడు.