Malayalam OTT: ఓటీటీలోకి ట్విస్ట్‌ల‌తో సాగే మ‌ల‌యాళం యాక్ష‌న్ థ్రిల్ల‌ర్ మూవీ - విల‌న్స్‌గా బిగ్‌బాస్ కంటెస్టెంట్స్‌!

Malayalam OTT: మ‌ల‌యాళం యాక్ష‌న్ థ్రిల్ల‌ర్ మూవీ ప‌ణి ఓటీటీలోకి వ‌స్తోంది. జోజూ జార్జ్ హీరోగా న‌టిస్తూ ఈ మూవీకి ద‌ర్శ‌క‌త్వం వ‌హించాడు. యాక్ష‌న్ థ్రిల్ల‌ర్‌గా తెర‌కెక్కిన ప‌ణి మూవీ ఈ ఏడాది మ‌ల‌యాళంలో బిగ్గెస్ట్ క‌మ‌ర్షియ‌ల్ హిట్స్‌లో ఒక‌టిగా ఈ మూవీ నిలిచింది.

డిసెంబ‌ర్ మూడో వారంలో...

ప‌ణి మూవీ ఓటీటీ రిలీజ్ ఎప్పుడ‌న్న‌ది అభిమానుల్లో ఆస‌క్తిక‌రంగా మారింది. ఈ యాక్ష‌న్ థ్రిల్ల‌ర్ మూవీ స్ట్రీమింగ్ రైట్స్‌ను సోనీ లివ్ సొంతం చేసుకున్న‌ట్లు స‌మాచారం. డిసెంబ‌ర్ 20న ఈ మూవీ ఓటీటీలోకి రానున్న‌ట్లు వార్త‌లు వినిపిస్తున్నాయి. మ‌ల‌యాళంతో పాటు తెలుగు, క‌న్న‌డ‌, త‌మిళం, హిందీ భాష‌ల్లో ఈ మూవీ స్ట్రీమింగ్ కానున్న‌ట్లు తెలుస్తోంది. డిసెంబ‌ర్ సెకండ్ వీక్‌లో ప‌ణి ఓటీటీ రిలీజ్ డేట్‌పై అఫీషియ‌ల్ అనౌన్స్‌మెంట్ రానుంది.

బిగ్‌బాస్ కంటెస్టెంట్స్‌...

ప‌ణి మూవీతోనే జోజూ జార్జ్ డైరెక్ట‌ర్‌గా మ‌ల‌యాళ సినీ ప‌రిశ్ర‌మ‌కు ప‌రిచ‌యం అయ్యాడు. అభిన‌య హీరోయిన్‌గా న‌టించింది. బిగ్‌బాస్ మ‌ల‌యాళం సీజ‌న్ 5 కంటెస్టెంట్స్ అయిన సాగ‌ర్ సూర్య‌, జునైజ్‌ విలన్ పాత్ర‌ల్లో క‌నిపించారు. ప‌ణి మూవీకి ముగ్గురు మ్యూజిక్ డైరెక్ట‌ర్లు ప‌నిచేయ‌డం గ‌మ‌నార్హం. విష్ణు విజ‌య్‌, సంతోష్ నారాయ‌ణ‌న్‌, సామ్ సీఎస్ మ్యూజిక్ అందించారు.

ప‌దిహేను కోట్ల బ‌డ్జెట్‌...

అక్టోబ‌ర్ 24న థియేట‌ర్ల‌లో రిలీజైన ప‌ణి మూవీ క‌మ‌ర్షియ‌ల్‌గా పెద్ద విజ‌యాన్ని సాధించింది. దాదాపు 15 కోట్ల బ‌డ్జెట్‌తో తెర‌కెక్కిన ఈ మూవీ ఇర‌వై ఐదు కోట్ల‌కుపైగా క‌లెక్ష‌న్స్ ద‌క్కించుకున్న‌ది.

ప‌ణి క‌థ ఇదే...

గిరి (జోజూ జార్జ్‌) రియ‌ల్ ఎస్టేట్ బిజినెస్ చేస్తుంటాడు. భార్య గౌరితో (అభిన‌య‌) క‌లిసి సంతోషంగా అత‌డి జీవితం సాగిపోతుంటుంది. గిరి స్నేహితుడైన రియ‌ల్ ఎస్టేట్ వ్యాపారి దారుణ హ‌త్య‌కు గుర‌వుతాడు. డాన్‌, శిజీ అనే యువ‌కులు గిరి స్నేహితుడిని హ‌త్య చేసిన‌ట్లుగా పోలీసుల విచార‌ణ‌లో బ‌య‌ట‌ప‌డుతుంది. గిరిని డాన్‌, శిజీ టార్గెట్ చేస్తారు. గిరితో వారికి ఉన్న ప‌గ‌కు కార‌ణ‌మేమిటి? త‌న కుటుంబానికి జ‌రిగిన అన్యాయానికి గిరి ఎలా ప్ర‌తీకారం తీర్చుకున్నాడు? డాన్‌, శిజీల‌ను ఎలా ప‌ట్టుకున్నాడు అన్న‌దే ఈ మూవీ క‌థ‌. ప‌ణి మూవీ కాన్సెప్ట్ పాత‌దే అయినా జోజు జార్జ్ టేకింగ్‌, స్క్రీన్‌ప్లేతో పాటు యాక్ష‌న్ ఎపిసోడ్స్ అభిమానుల‌ను అల‌రించాయి.

మ‌ణిర‌త్నం థ‌గ్ లైఫ్‌లో...

హీరోగా, క్యారెక్ట‌ర్ ఆర్టిస్ట్‌గా మ‌ల‌యాళంతో పాటు త‌మిళం, తెలుగు భాష‌ల్లో ప‌లు సినిమాల చేస్తోన్నాడు జోజు జార్జ్‌. క‌మ‌ల్ హాస‌న్‌, మ‌ణిర‌త్నం థ‌గ్‌లైఫ్‌తో పాటు సూర్య‌, కార్తీక్ సుబ్బ‌రాజు మూవీలో జోజూ జార్జ్ న‌టిస్తోన్నాడు. బాలీవుడ్‌లో అనురాగ్ క‌శ్య‌ప్ ద‌ర్శ‌క‌త్వంలో ఓ మూవీ చేస్తోన్నాడు.