Jersey Re-release Date: మళ్లీ థియేటర్లలోకి వచ్చేస్తున్న నాని బ్లాక్ బస్టర్ మూవీ ‘జెర్సీ’.. డేట్ ఇదే-jersey re release date nani super hit sport drama set to hit theaters again ,ఎంటర్‌టైన్‌మెంట్ న్యూస్
తెలుగు న్యూస్  /  ఎంటర్‌టైన్‌మెంట్  /  Jersey Re-release Date: మళ్లీ థియేటర్లలోకి వచ్చేస్తున్న నాని బ్లాక్ బస్టర్ మూవీ ‘జెర్సీ’.. డేట్ ఇదే

Jersey Re-release Date: మళ్లీ థియేటర్లలోకి వచ్చేస్తున్న నాని బ్లాక్ బస్టర్ మూవీ ‘జెర్సీ’.. డేట్ ఇదే

Chatakonda Krishna Prakash HT Telugu
Apr 13, 2024 03:00 PM IST

Jersey Re-release Date: జెర్సీ సినిమా మళ్లీ థియేటర్లలోకి వచ్చేస్తోంది. నాని హీరోగా నటించిన ఈ స్పోర్ట్స్ డ్రామా మూవీని మళ్లీ వెండితెరపై చూసే అవకాశం రానుంది. ఈ చిత్రం ఎవ్పుడు రీ రిలీజ్ కానుందంటే..

Jersey Re-release Date: మళ్లీ థియేటర్లలోకి వచ్చేస్తున్న నాని బ్లాక్ బస్టర్ మూవీ ‘జెర్సీ’.. డేట్ ఇదే
Jersey Re-release Date: మళ్లీ థియేటర్లలోకి వచ్చేస్తున్న నాని బ్లాక్ బస్టర్ మూవీ ‘జెర్సీ’.. డేట్ ఇదే

Jersey Re-release Date: నేచురల్ నాని హీరోగా నటించిన జెర్సీ హిట్ కావడంతో పాటు మంచి సినిమాగా నిలిచింది. నాని కెరీర్లో ఓ ప్రత్యేకమైన చిత్రంగా ఉంది. క్రికెట్ బ్యాక్‍డ్రాప్‍లో నడిచే ఈ స్పోర్ట్స్ లవ్ డ్రామా మూవీ 2019లో విడుదలైంది. ఈ చిత్రం బాక్సాఫీస్ వద్ద విజయం సాధించడంతో పాటు చాలా ప్రశంసలను దక్కించుకుంది. చాలా మంది ప్రేక్షకుల మనసుల్లోనూ మంచి చిత్రంగా నిలిచింది. ఈ మూవీలో నాని నటనకు మరోసారి ఆడియన్స్ ఫిదా అయ్యారు. అంత ఆదరణ పొందిన.. ‘జెర్సీ’ సినిమా మళ్లీ థియేటర్లలో అడుగుపెట్టనుంది.

ఆ సందర్భంగా.. రీ-రిలీజ్ డేట్ ఇదే..

జెర్సీ సినిమా ఏప్రిల్ 20వ తేదీన థియేటర్లలో రిలీజ్ కానుంది. ఆరోజున ఆంధ్రప్రదేశ్, తెలంగాణలోని థియేటర్లలో ఆ మూవీ స్పెషల్ షోలు ఉండనున్నాయి. ఏప్రిల్ 19 వతేదీకి జెర్సీ చిత్రం రిలీజై ఐదేళ్లు పూర్తికానుంది. ఈ సందర్భంగా ఏప్రిల్ 20వ తేదీన ఈ చిత్రాన్ని మళ్లీ థియేటర్లలోకి తీసుకొన్నారు మేకర్స్.

ఏప్రిల్ 20న జెర్సీ మూవీ రీ-రిలీజ్‍ అవుతుందంటూ అధికారిక ప్రకనట కూడా వచ్చింది. దీనికి సంబంధించి మేకర్స్ ఓ పోస్టర్ కూడా రిలీజ్ చేశారు.

జెర్సీ గురించి..

జెర్సీ చిత్రానికి గౌతమ్ తిన్ననూరి దర్శకత్వం వహించారు. క్రికెట్, లవ్ స్టోరీ, తండ్రీకొడుకుల ఎమోషన్ లాంటి అంశాలతో ఈ చిత్రాన్ని తెరకెక్కించి ప్రేక్షకులను మెప్పించారు. ఈ చిత్రం నాని యాక్టింగ్ మరోసారి అదిరిపోయింది. ముఖ్యంగా ఎమోషన్ సీన్లలో ప్రేక్షకులను కట్టిపడేశారు. రైల్వే స్టేషన్ సీన్ ఐకానిక్‍గా నిలిచిపోయింది. ఈ చిత్రంలో శ్రద్ధా శ్రీనాథ్ హీరోయిన్‍గా నటించగా.. నాని కొడుకు పాత్రను రోణిత్ కర్మ చేశారు. ఈ మూవీకి అనిరుధ్ రవిచందర్ అందించిన పాటలు, బ్యాక్‍గ్రౌండ్ మ్యూజిక్ చాలా ప్లస్ అయ్యాయి.

జెర్సీ మూవీకి గాను 2021 జాతీయ చలనచిత్ర అవార్డుల్లో బెస్ట్ ఎడిటర్ పురస్కారం నవీన్ నూలికి దక్కింది. ఈ చిత్రాన్ని సితార ఎంటర్‌టైన్‍మెంట్స్ పతాకంపై నాగవంశీ ఈ మూవీని నిర్మించారు. 2019 ఏప్రిల్ 19వ తేదీన ఈ చిత్రం థియేటర్లలో రిలీజ్ అయింది. రూ.25 కోట్లతో రూపొందించిన ఈ మూవీకి సుమారు రూ.50 కోట్ల వరకు వసూళ్లు వచ్చాయని అంచనాలు ఉన్నాయి. ఇప్పుడు, ఐదేళ్ల తర్వాత ఏప్రిల్ 20న ఈ మూవీ మళ్లీ థియేటర్లలో రానుంది.

ప్రస్తుతం నాని లైనప్ ఇలా..

నాని ప్రస్తుతం వరుస సినిమాలతో చాలా బిజీగా ఉన్నారు. పెద్ద లైనప్ పెట్టుకున్నారు. ప్రస్తుతం వివేక్ ఆత్రేయ దర్శకత్వంలో సరిపోదా శనివారం అనే యాక్షన్ థ్రిల్లర్ మూవీని నాని చేస్తున్నారు. ఆగస్టు 29న ఈ చిత్రం విడుదల కానుంది. ఈ చిత్రం పాన్ ఇండియా రేంజ్‍లో ప్రేక్షకుల ముందుకు రానుంది. సాహో ఫేమ్ సుజీత్ డైరెక్షన్‍లోనూ ఓ చిత్రానికి నేచురల్ స్టార్ గ్రీన్‍ సిగ్నల్ ఇచ్చారు.

తనకు దసరా లాంటి భారీ బ్లక్ బాస్టర్ ఇచ్చిన శ్రీకాంత్ ఓదెలతోనూ మరో చిత్రం చేయనున్నారు నాని. ఈ మూవీకి సంబంధించి ఇటీవల అధికారిక ప్రకటన వచ్చింది. అనౌన్స్‌మెంట్ పోస్టరే చాలా ఆసక్తిని రేకెత్తించింది. బలగం ఫేమ్ డైరెక్టర్ వేణు యెల్దండి దర్శకత్వంలోనూ నాని ఓ మూవీకి ఓకే చెప్పారు. ఎల్లమ్మ అనే టైటిల్ కూడా ఈ మూవీకి ఫిక్స్ అయినట్టు తెలుస్తోంది. ఇలా, వరుస సినిమాలో ఫుల్ బిజీగా ఉన్నారు నాని.

IPL_Entry_Point