విడాకులు తీసుకున్న జెన్నిఫర్ లోపెజ్, బెన్ అఫ్లెక్

గాయని జెన్నిఫర్ లోపెజ్, నటుడు బెన్ అఫ్లెక్ ఇప్పుడు అధికారికంగా విడాకులు తీసుకున్నారు. కోర్టు పత్రాలను పొందిన తర్వాత PEOPLE దీనిని నివేదించింది. లోపెజ్ 2024 ఆగస్టులో విడాకుల కోసం పత్రాలు దాఖలు చేసిన దాదాపు 20 వారాల తర్వాత ఈ తీర్పు వచ్చింది.

E! News ప్రకారం లోపెజ్, బెన్ అధికారికంగా వారి విడాకుల నిబంధనలను పరిష్కరించుకున్నారు. వారి రెండేళ్ల వివాహానికి ముగింపు పలికారు. నివేదిక ప్రకారం, ఇరు పార్టీలు విడాకుల నిబంధనలపై అంగీకరించాయి. 2022లో లాస్ వెగాస్ వేడుకలో ప్రారంభమైన వారి వివాహ బంధం 2024 ఆగస్టులో లోపెజ్ సమర్పించిన దరఖాస్తుతో ముగిసిపోయినట్టయింది.

లోపెజ్, బెన్ ఇద్దరూ కలిసి ఉన్న సమయంలో వ్యక్తిగతంగా సంపాదించిన ఆదాయాలను ఎవరికి వారే నిలుపుకుంటారు. ఇరు పార్టీలు జీవిత భాగస్వామికి మద్దతు చెల్లించాల్సిన అవసరం లేదని నిర్ణయానికి వచ్చినట్టు సమాచారం.

JLo, బెన్ కలిసిందిలా

లోపెజ్ 2024 ఆగస్టు 20న విడాకుల కోసం దాఖలు చేశారు. దాఖలు చేయడానికి ముందు నెలల్లో వారి సంబంధం గురించి ఊహాగానాలు పెరిగాయి. 2024 మెట్ గాలా, వివిధ ప్రచార కార్యక్రమాల్లో లోపెజ్ ఒంటరిగా హాజరు కావడం ఈ ఊహాగానాలకు మరింత బలాన్ని చేకూర్చింది.

వారు ఏప్రిల్ నుంచే వేరుగా ఉన్నప్పటికీ సామరస్యపూర్వక సంబంధాన్ని కొనసాగించారు. తరచుగా కుటుంబ కార్యక్రమాల్లో కలిసి కనిపించారు. E! News ప్రకారం, క్రిస్మస్ ముందు లాస్ ఏంజిల్స్‌లో సెలవు దినం భోజనానికి ఈ మాజీ జంట తిరిగి కలుసుకున్నారు. సోహో హౌస్‌లో కుటుంబ సభ్యులతో భోజనం చేశారు.

జెన్నిఫర్ లోపెజ్ కు నాలుగుసార్లు వివాహమైంది. సింగర్ మార్క్ ఆంటోనీతో వివాహమైనప్పుడు ఇద్దరు కవల పిల్లలు మ్యాక్స్, ఎమ్మీ పుట్టారు.