Horror Comedy Movie: 13 రోజుల టైమ్ ఇచ్చి చంపే దెయ్యం.. హారర్ కామెడీ మూవీ ట్రైలర్ చూశారా? నేరుగా ఓటీటీలోకే వచ్చేస్తోంది-horror comedy movie kakuda trailer out to stream in zee5 ott from friday 12th july sonakshi sinha riteish deshmukh ,ఎంటర్‌టైన్‌మెంట్ న్యూస్
తెలుగు న్యూస్  /  ఎంటర్‌టైన్‌మెంట్  /  Horror Comedy Movie: 13 రోజుల టైమ్ ఇచ్చి చంపే దెయ్యం.. హారర్ కామెడీ మూవీ ట్రైలర్ చూశారా? నేరుగా ఓటీటీలోకే వచ్చేస్తోంది

Horror Comedy Movie: 13 రోజుల టైమ్ ఇచ్చి చంపే దెయ్యం.. హారర్ కామెడీ మూవీ ట్రైలర్ చూశారా? నేరుగా ఓటీటీలోకే వచ్చేస్తోంది

Hari Prasad S HT Telugu
Jul 03, 2024 07:20 AM IST

Horror Comedy Movie: ఓటీటీలోకి నవ్విస్తూ భయపెట్టే మరో హారర్ కామెడీ మూవీ వచ్చేస్తోంది. ఈ సినిమా ట్రైలర్ మంగళవారం (జులై 2) రిలీజైంది. సోనాక్షి సిన్హా, రితేష్ దేశ్‌ముఖ్ నటించిన ఈ సినిమా నేరుగా ఓటీటీలోకి వచ్చేస్తోంది.

నేరుగా ఓటీటీలోకి వస్తున్న హారర్ కామెడీ మూవీ.. 13 రోజుల టైమ్ ఇచ్చి చంపే దెయ్యం.. ట్రైలర్ అదుర్స్
నేరుగా ఓటీటీలోకి వస్తున్న హారర్ కామెడీ మూవీ.. 13 రోజుల టైమ్ ఇచ్చి చంపే దెయ్యం.. ట్రైలర్ అదుర్స్

Horror Comedy Movie: నేరుగా ఓటీటీలోకి వస్తోంది ఓ హారర్ కామెడీ మూవీ. ఈ సినిమా పేరు కాకుదా. ఈ సినిమా ట్రైలర్ ను మంగళవారం (జులై 2) రాత్రి 7.15 గంటలకు రిలీజ్ చేశారు. నిజానికి ఈ రోజు, సమయానికి మూవీకి లింకు ఉంది. అందుకే అదే రోజు, అదే సమయానికి ట్రైలర్ రిలీజ్ చేశారు. సోనాక్షి సిన్హా, రితేష్ దేశ్‌ముఖ్ నటించిన ఈ సినిమా ట్రైలర్ నవ్విస్తూనే వెన్నులో వణుకు పుట్టిస్తోంది.

కాకుదా ట్రైలర్

హారర్ కామెడీ మూవీ కాకుదా థియేటర్లలో కాకుండా నేరుగా ఓటీటీలోకే వస్తోంది. జీ5 ఓటీటీ జులై 12 నుంచి ఈ సినిమాను స్ట్రీమింగ్ చేయనుంది. ఈ మధ్యే రూ.100 కోట్లకు వసూలు చేసిన హారర్ కామెడీ మూవీ ముంజ్యాను డైరెక్ట్ చేసిన ఆదిత్య సర్పోదర్ ఈ కాకుదాను కూడా డైరెక్ట్ చేశాడు. ఓటీటీలో అయినా సరే ఈ మూవీ సూపర్ హిట్ కావడం ఖాయమని ట్రైలర్ చూస్తేనే స్పష్టమవుతోంది.

రాజస్థాన్ లోని రథోడీ అనే ఊరు శాపగ్రస్తమైందనీ, ఆ ఊళ్లోకి ప్రతి మంగళవారం రాత్రి 7.15 గంటలకు కాకుదా అనే ఓ దెయ్యం వస్తుందన్న వాయిస్ ఓవర్ తో ఈ ట్రైలర్ మొదలవుతుంది. ఆ ఊళ్లో అన్ని ఇళ్లకూ రెండు డోర్లు ఉంటాయి. ఒకటి పెద్దది కాగా.. మరొకటి చిన్నది. ఆ చిన్న డోరును ఆ సమయానికి ప్రతి ఒక్కరూ తెరిచి ఉంచాలి.

ఒకవేళ ఎవరైనా తెరిచి ఉంచకపోతే మాత్రం 13 రోజుల్లో ఆ వ్యక్తి పని ఇక అయిపోయినట్లే. అలా ఓ వ్యక్తి కాకుదాకు దొరికిపోతాడు. ఆ వ్యక్తి భార్యనే ఇందిర (సోనాక్షి సిన్హా). ఇదంతా ఓ మూఢనమ్మకం అని ఆమె కొట్టిపారేస్తుంది. అంతేకాదు దెయ్యాలను పట్టుకునే వ్యక్తి (రితేష్ దేశ్‌ముఖ్)ని ఊరికి పిలిపిస్తారు. ఈ ఇద్దరూ కలిసి ఆ దెయ్యాన్ని పట్టుకుంటారా లేదా? అసలు ఆ దెయ్యం కథేంటి అన్నది సినిమాలోనే చూడాలి.

ఇంట్రెస్టింగ్ ట్రైలర్

నిజానికి కాకుదా ట్రైలర్ చాలా ఆసక్తికరంగా సాగింది. ఈ మధ్యే ముంజ్యాలాంటి మెగా హిట్ అందించిన డైరెక్టర్ ఆదిత్య.. మరోసారి నవ్విస్తూనే భయపెట్టాలని డిసైడయ్యాడు. ప్రతి మంగళవారం సాయంత్రం 7.15 గంటలకు ఆ శాపగ్రస్తమైన రథోడీ అనే ఊళ్లో ఏం జరుగుతుంది అనే ఆసక్తి ఈ ట్రైలర్ చూస్తే కలుగుతుంది. ఇది సినిమా కోసం ఆతృతగా ఎదురు చూసేలా చేస్తుంది.

"తన భర్త సన్నీని ఓ భయంకరమైన దెయ్యం కాకుదా శపించిన వేళ ఓ దెయ్యాలు పట్టుకునే వ్యక్తితో కలిసి ఇందిర పరిష్కారం కోసం ప్రయత్నిస్తుంది. ఆ శాపం తన భర్త ప్రాణాలను తీసే ముందు ఆమె అతన్ని కాపాడుకుంటుందా? జులై 12న ప్రీమియర్స్" అనే క్యాప్షన్ తో మేకర్స్ ఈ ట్రైలర్ ను షేర్ చేశారు.

ముంజ్యా మూవీ థియేటర్లలో రిలీజై సంచలన విజయం సాధించినా కూడా ఆదిత్య తన నెక్ట్స్ మూవీని ఇలా నేరుగా ఓటీటీలోకి తీసుకొస్తుండటం విశేషం. మరి ఈ సినిమాతో అతడు ప్రేక్షకులను ఎంతలా భయపెడతాడో చూడాలి.

WhatsApp channel