Horror Comedy OTT: సడెన్‍గా ఓటీటీలోకి వచ్చేసిన సూపర్ హిట్ హారర్ కామెడీ సినిమా.. ఎక్కడ చూడొచ్చంటే..
Munjya OTT Streaming: ముంజ్య సినిమా ఓటీటీలోకి వచ్చేసింది. స్ట్రీమింగ్ కోసం చాలా రోజులుగా ఎదురుచూస్తున్న ఈ చిత్రం నేడు సడెన్‍గా ఎంట్రీ ఇచ్చేసింది. రూ.130కోట్లకు పైగా కలెక్షన్లతో ఈ చిత్రం బ్లాక్‍బస్టర్ అయింది. ఈ సినిమాను ఏ ఓటీటీలో చూడొచ్చంటే..
ఎలాంటి అంచనాలు లేకుండా వచ్చిన ముంజ్య సినిమా బాక్సాఫీస్ వద్ద బ్లాక్‍బస్టర్ అయింది. శార్వరీ వాఘ్, అజయ్ వర్మ ప్రధాన పాత్రల్లో తక్కువ బడ్జెట్‍తో రూపొందిన ఈ హారర్ కామెడీ మూవీ మంచి కలెక్షన్లు కొల్లగొట్టింది. జూన్ 7న థియేటర్లలో రిలీజైన ఈ మూవీ పాజిటివ్ టాక్ తెచ్చుకొని సుమారు రూ.130కోట్ల వసూళ్లతో అదరగొట్టింది. ఈ ముంజ్య మూవీ ఎప్పుడెప్పుడు ఓటీటీలోకి వస్తుందా అని ప్రేక్షకులు ఎదురుచూస్తున్నారు. అనూహ్యంగా ఓటీటీ కంటే ముందే టీవీలో ఈ చిత్రం వచ్చింది. అయితే, ఇప్పుడు సడెన్‍గా ఈ చిత్రం ఓటీటీలో స్ట్రీమింగ్‍కు వచ్చేసింది.
స్ట్రీమింగ్ వివరాలు
ముంజ్య సినిమా డిస్నీ+ హాట్‍స్టార్ ఓటీటీ ప్లాట్‌ఫామ్‍లో నేడు (ఆగస్టు 25) స్ట్రీమింగ్‍కు వచ్చేసింది. హిందీలో స్ట్రీమింగ్‍కు అడుగుపెట్టింది. ముందుగా ఎలాంటి ప్రకటన లేకుండా సడెన్‍గా ఈ చిత్రాన్ని హాట్‍స్టార్ తీసుకొచ్చింది.
థియేటర్లలో రిలీజైన సుమారు 11 వారాల తర్వాత ముంజ్య చిత్రం డిస్నీ+ హాట్‍స్టార్ ఓటీటీలోకి వచ్చింది. గత వారమే ఈ సినిమా స్టార్ గోల్డ్ ఛానెల్‍లో ప్రసారమైంది. ప్రస్తుతం హాట్‍స్టార్‌లో హిందీలో ఒక్కటే ఈ చిత్రం స్ట్రీమింగ్‍కు అడుగుపెట్టింది. మరి తెలుగు వెర్షన్ వస్తుందా అనేది చూడాలి.
ముంజ్య సినిమాకు ఆదిత్య సర్పోట్దార్ దర్శకత్వం వహించారు. హారర్ ఎలిమెంట్లతో పాటు కామెడీతో ఈ చిత్రాన్ని తెరకెక్కించారు. ఈ మూవీ ప్రేక్షకులను విపరీతంగా మెప్పించింది. మిక్స్డ్ రివ్యూలు వచ్చినా.. బాక్సాఫీస్ వద్ద మాత్రం ఈ చిత్రం మంచి కలెక్షన్లు దక్కించుకుంది. సూపర్ హిట్‍గా నిలిచింది.
ముంజ్య సినిమాలో శార్వరి, అభయ్ వర్మతో పాటు సత్యరాజ్, మోనా సింగ్, సుహాస్ జోషి, తరణ్‍జ్యోతి సింగ్, అజయ్ పుర్కర్, ఆయుష్ ఉలగాడే, భాగ్యశ్రీ లిమయే కీలకపాత్రలు పోషించారు. ఈ సినిమాలో నటీనటుల పర్ఫార్మెన్స్ కూడా మెప్పించింది.
రూ.30 కోట్ల బడ్జెట్.. రూ.132 కోట్ల కలెక్షన్లు
ముంజ్య సినిమా రూ.30కోట్ల బడ్జెట్‍తో రూపొందింది. అయితే, మొదటి నుంచి కలెక్షన్లలో దూసుకెళ్లింది. రెండో వారం నుంచి మరింత జోరు కనబరిచింది. ఈ చిత్రానికి లాంగ్ థియేట్రికల్ రన్ సాధ్యమైంది. దీంతో ఈ మూవీ సుమారు రూ.132 కోట్ల గ్రాస్ కలెక్షన్లను దక్కించుకుంది. బ్లాక్‍బస్టర్‌గా నిలిచింది.
ముంజ్య సినిమాను మాడ్‍డాక్ ఫిల్మ్స్ పతాకంపై దినేశ్ విజన్, అమర్ కౌశిక్ నిర్మించారు. ఈ మూవీకి సచిన్ - జిగార్, జస్టిన్ వర్గీస్ సంగీతం అందించారు. ఈ మూవీకి సౌరభ్ గోస్వామి సినిమాటోగ్రఫీ చేయగా.. మోనిషా ఆర్ బల్‍దావా ఎడిటింగ్ చేశారు.
మహారాష్ట్రలోని కొంకన్ అనే గ్రామంలో ముంజ్య స్టోరీ మొదలవుతుంది. ప్రేమ కోసం చిన్నతనంలోనే చేతబడి చేసి.. అనుకోకుండా చనిపోయే ఓ పిల్లాడు ముంజ్య అనే దెయ్యంగా మారతాడు. ఆ తర్వాత ముంజ్య నుంచి తనను, తన ప్రేయసిని ఓ యువకుడు ఎలా కాపాడుకున్నాడన్న అంశం చుట్టూ ఈ సినిమా సాగుతుంది. కథనాన్ని ఉత్కంఠభరితంగా దర్శకుడు తెరకెక్కించారు. దీంతో ఈ చిత్రం ఆసక్తికరంగా సాగి.. ప్రేక్షకులను మెప్పించింది. ఈ సినిమా హిట్ అవడంతో సీక్వెల్ కోసం కూడా మేకర్స్ ప్లాన్ చేస్తున్నారు.
