ఒక్క సినిమాకు రూ.200 కోట్లు.. దేశంలోనే రిచెస్ట్ డైరెక్టర్ ఎవరో తెలుసా? మన సౌత్ నుంచే!

ఇండియాలో రిచెస్ట్ డైరెక్టర్ ఎవరు? ఒక సినిమాకు అత్యధిక పారితోషికం అందుకునే దర్శకుడు ఎవరు? అనే చర్చ ఎప్పటి నుంచో జోరుగా సాగుతోంది. అయితే ఈ ప్రశ్నలకు సమాధానం ఎస్ఎస్ రాజమౌళి. అవును.. మన రాజమౌళి భారత్ లోనే అత్యధిక పారితోషికం అందుకుంటున్న డైరెక్టర్. సల్మాన్ ఖాన్, షారుఖ్ ఖాన్ వంటి నటుల కంటే ఎక్కువ రెమ్యునరేషన్ తీసుకుంటున్నారు రాజమౌళి.

ఒక్క సినిమాకు ఎంతంటే?

ఇండియాలోనే అత్యధిక పారితోషికం తీసుకుంటున్న దర్శకుడిగా రాజమౌళి పేరు తెచ్చుకున్నారు. ఎస్.ఎస్.రాజమౌళి ఐఎండిబీ ప్రకారం తాను దర్శకత్వం వహించే ప్రతి సినిమాకు దాదాపు 200 కోట్ల రూపాయలు వసూలు చేస్తారు. ఇందులో అతని అడ్వాన్స్, ప్రాఫిట్ షేర్, రైట్స్ అమ్మకానికి బోనస్ కూడా ఉంటాయని చెబుతున్నారు. సినిమా విజయాన్ని బట్టి ఆయన షేర్ మరింత పెరిగే అవకాశం ఉంది. ఉదాహరణకు ఆర్ఆర్ఆర్ ప్రపంచవ్యాప్తంగా విజయం సాధించి ఆస్కార్ అవార్డులను కూడా తెచ్చిపెట్టింది. తన బాహుబలి ఫ్రాంచైజీ విజయం తర్వాత రాజమౌళికి రూ.200 కోట్ల పారితోషికం ఇచ్చినట్లు సమాచారం.

వాళ్లను దాటి

ఒకే సినిమాకు రూ.200 కోట్ల పారితోషికం అందుకోవడం ద్వారా దేశంలోనే అత్యధిక పారితోషికం అందుకుంటున్న సినీ ప్రముఖుల్లో రాజమౌళికి చోటు దక్కింది. వాస్తవానికి షారుక్ ఖాన్, సల్మాన్ ఖాన్ వంటి భారతదేశంలోని అత్యంత ధనవంతులైన సూపర్ స్టార్లు ఒక సినిమాకు 150-180 కోట్ల రూపాయలు సంపాదిస్తారని చెబుతారు. రాజమౌళి రెమ్యునరేషన్ వారి కంటే ఎక్కువగానే ఉంటుంది. దర్శక ధీరుడు ఎస్.ఎస్.రాజమౌళి భారీ పారితోషికం దర్శకుల్లో ఆయన సూపర్ స్టార్ స్టేటస్ ను చాటిచెబుతుంది.

బాహుబలి, ఆర్ఆర్ఆర్ తో

నార్త్ ఇండియాలో ఆర్ఆర్ఆర్ సినిమాను ప్రమోట్ చేసినప్పుడు సౌత్ ఇండస్ట్రీ నుంచి రామ్ చరణ్, జూనియర్ ఎన్టీఆర్ అనే ఇద్దరు హీరోలు ఉన్నప్పటికీ రాజమౌళి సినిమాగానే మార్కెట్ చేశారు. అలా జరగడానికి కారణం బాహుబలి సినిమాలే. ఆయనకు భారతదేశం అంతటా పేరు తెచ్చిపెట్టాయి. 2023లో పఠాన్ విడుదలయ్యే వరకు ఆరేళ్ల పాటు అత్యధిక వసూళ్లు సాధించిన హిందీ చిత్రంగా బాహుబలి 2 నిలిచింది. అదేవిధంగా ఆర్ఆర్ఆర్ హిందీ వెర్షన్లో రూ.270 కోట్లకు పైగా వసూలు చేసి టికెట్ల విండో వద్ద ఆకట్టుకునే బిజినెస్ చేసింది.

దగ్గర్లో లేని డైరెక్టర్లు

ఇండియాలో రాజమౌళి వర్సెస్ ఇతర దర్శకులు చూసుకుంటే ఇండస్ట్రీ ఇన్ సైడర్స్ ప్రకారం రాజమౌళి సంపాదనకు దగ్గరగా మరే దర్శకుడూ రాడు. భారత్ లో ఇతరులకు అందుతున్న దానికంటే రెట్టింపు ఛార్జీలు వసూలు చేస్తున్నాడు. సందీప్ రెడ్డి వంగా, ప్రశాంత్ నీల్ లాంటి బడా హీరోల డైరెక్టర్లు ఒక్కో సినిమాకు రూ.90 కోట్ల వరకు రెమ్యునరేషన్ తీసుకుంటున్నారట. ప్రముఖ దర్శకుడు రాజ్ కుమార్ హిరానీ రూ.80 కోట్లు తీసుకున్నట్లు సమాచారం. సుకుమార్, సంజయ్ లీలా భన్సాలీ, లోకేష్ కనగరాజ్, సిద్ధార్థ్ ఆనంద్ వంటి దర్శకులు కూడా భారీ మొత్తాన్ని తీసుకుంటున్నారు. ఒక్కొక్కరు ఒకే సినిమాకు 40 కోట్లకు పైగా సంపాదిస్తున్నారు.

కానీ ఆర్ఆర్ఆర్ దర్శకుడికి దగ్గరగా ఎవరూ లేరు. సాధారణంగా సొంతంగా సినిమాలు నిర్మించే కరణ్ జోహార్, రోహిత్ శెట్టి వంటి హిందీ దర్శకనిర్మాతలు ప్రాఫిట్ షేరింగ్ ద్వారా డబ్బు సంపాదిస్తున్నారు. ఫీజుల రూపంలో డబ్బులు వసూలు చేయొద్దని చెబుతున్నారు. దర్శకధీరుడు ఎస్ ఎస్ రాజమౌళి తెరకెక్కిస్తున్న తాజా చిత్రం 'ఎస్ఎస్ఎంబీ29'. ఇందులో మహేష్ బాబు, ప్రియాంక చోప్రా తదితరులు నటిస్తున్నారు. ఈ పాన్ ఇండియా మూవీ 2027లో ప్రేక్షకుల ముందుకు రానుంది.