Hari Hara Veera Mallu sets photo: హరి హర వీర మల్లు సెట్స్‌లో పవన్‌.. ఫొటో వైరల్‌

Hari Hara Veera Mallu sets photo: పవర్‌ స్టార్‌ పవన్‌ కల్యాణ్‌ ఫ్యాన్స్‌కు రోజూ ఓ పండగలాంటి వార్త వస్తోంది. ఇంతకుముందే పవన్‌ నెక్ట్స్‌ మూవీ సాహో డైరెక్టర్‌ సుజీత్‌తో ఖరారైన విషయం తెలిసిందే. తాజాగా అతడు హరి హర వీర మల్లు మూవీ సెట్స్‌లో ఉన్న ఫొటో బయటకు వచ్చింది. ఈ ఫొటో ఇప్పుడు వైరల్‌ అవుతోంది.

వచ్చే ఏడాది రిలీజ్‌ కానున్న ఈ సినిమా షూటింగ్‌లో పవన్‌ బిజీగా ఉన్నాడు. ఈ షూటింగ్‌ సెట్స్‌లోని ఫొటోనే ఇప్పుడు ఇంటర్నెట్‌లో వైరల్‌గా మారింది. ఇందులో పవన్‌ చాలా పవర్‌ఫుల్‌గా రాయల్‌ లుక్‌లో కనిపిస్తున్నాడు. రెడ్‌ షర్ట్‌, మెడలో రెడ్‌ స్కార్ఫ్‌తో ఉన్న పవన్‌ చాలా హ్యాండ్సమ్‌గా ఉన్నాడు. ఈ ఫొటో ఫ్యాన్స్‌కు తెగ నచ్చేసింది.

హరి హర వీర మల్లు ఓ పీరియడ్‌ డ్రామా. ఈ మూవీకి క్రిష్‌ దర్శకత్వం వహిస్తున్నాడు. చాలా రోజులుగా షూటింగ్‌ సాగుతున్న ఈ సినిమాపై భారీ అంచనాలు ఉన్నాయి. నిధి అగర్వాల్ ఫిమేల్‌ లీడ్‌లో కనిపించనుంది. కీరవాణి మ్యూజిక్ అందిస్తున్నాడు. హైదరాబాద్‌లోని రామోజీ ఫిల్మ్‌ సిటీలో వేసిన సెట్‌లో ఈ సినిమా షూటింగ్‌ జరుగుతోంది.

పవన్‌ చాలా రోజులుగా రాజకీయాల్లో బిజీగా ఉండటంతో హరి హర వీర మల్లు షూటింగ్‌ నిలిచిపోయింది. దీనికితోడు క్రిష్‌ స్క్రిప్ట్‌ పవన్‌కు పూర్తిగా నచ్చలేదన్న వార్తలూ వచ్చాయి. ఒక దశలో సినిమా షూటింగ్‌ పూర్తిగా నిలిచిపోయేలా ఉన్నదన్న పుకార్లూ వినిపించాయి. అయితే మొత్తానికి ఈ సినిమా ప్రస్తుతం శరవేగంగా షూటింగ్‌ జరుపుకుంటుండటంతో ఫ్యాన్స్‌ ఆనందానికి అవధుల్లేకుండా పోయాయి.