అక్కడ టికెట్ల బుకింగ్‍ల్లో ‘హరి హర వీరమల్లు’ సూపర్ స్టార్ట్.. జోరు చూపుతున్న పవన్ కల్యాణ్ చిత్రం

పవర్ స్టార్ పవన్ కల్యాణ్ హీరోగా నటించిన హరి హర వీరమల్లు చిత్రం విడుదలకు రెడీ అవుతోంది. ఈ సినిమా జూన్ 12వ తేదీన థియేటర్లలో విడుదల కానుంది. ఏపీ డిప్యూటీ సీఎంగా పవన్ బాధ్యతలు చేపట్టిన తర్వాత రానున్న తొలి సినిమా కావడంతో ఈ చిత్రానికి మరింత క్రేజ్ ఉంది. ఈ పీరియడ్ యాక్షన్ మూవీపై భారీ అంచనాలు ఉన్నాయి. ఈ తరుణంలో హరి హర వీరమల్లు సినిమా ప్రీమియర్ల బుకింగ్స్ అమెరికాలో మొదలయ్యాయి.

అదిరిపోయే స్టార్ట్

హరి హర వీరమల్లు సినిమా ప్రీమియర్ల అడ్వాన్స్ టికెట్ల బుకింగ్‍కు అమెరికాలో సూపర్ క్రేజ్ కనిపిస్తోంది. భారీ స్థాయిలో బుకింగ్స్ జరుగుతున్నాయి. ఈ చిత్రం బుకింగ్‍లకు అదిరిపోయే ఆరంభం దక్కింది. ఒక్క రోజులోనే 3లక్షల డాలర్ల విలువైన టికెట్ అమ్ముడయ్యాయి. ఇంకా జోరు పెరిగే ఛాన్స్ ఉంది. దీంతో ప్రీమియర్లకు భారీ కలెక్షన్లు దక్కే అవకాశాలు స్పష్టంగా కనిపిస్తున్నాయి. ఈ ట్రెండ్‍ను బట్టి చూస్తే పవన్ కెరీర్లో అమెరికాలో బిగ్గెస్ట్ ఓపెనింగ్‍గా ఈ మూవీ నిలువడం ఖాయంగా కనిపిస్తోంది.

ట్రైలర్ కోసం నిరీక్షణ

హరి హర వీరమల్లు సినిమా ట్రైలర్ కోసం అభిమానులు ఎంతగానో ఎదురుచూస్తున్నారు. ఈ మూవీ ట్రైలర్‌ను జూన్ తొలి వారంలో తీసుకొచ్చేందుకు టీమ్ ప్లాన్ చేస్తోంది. ట్రైలర్ అంచనాలకు తగ్గట్టు ఉంటే ఈ సినిమాకు బజ్ మరింత పెరిగే ఛాన్స్ ఉంది. ఈ చిత్రానికి భారీ ఓపెనింగ్ దక్కడం పక్కా అనే అంచనాలు ఉన్నాయి.

హరి హర వీరమల్లు చిత్రం షూటింగ్ ఐదేళ్ల క్రితమే మొదలైంది. పవన్ కల్యాణ్ రాజకీయాల్లో బిజీ అవడం, వేరే ప్రాజెక్టులపై దృష్టి సారిచడంతో ఈ చిత్రం ఆలస్యమవుతూ వచ్చింది. ఈ ప్రాజెక్ట్ నుంచి డైరెక్టర్ క్రిష్ తప్పుకున్నారు. ఆ తర్వాత ఏఎం జ్యోతికృష్ణ దర్శకత్వ బాధ్యతలు చేపట్టారు. ఈనెలలోనే ఈ మూవీ కోసం పెండింగ్ షూటింగ్‍ను పవన్ పూర్తి చేశారు. ప్రస్తుతం పోస్ట్ ప్రొడక్షన్ కార్యక్రమాలు జోరుగా సాగుతున్నాయి.

హరి హర వీరమల్లు చిత్రం నుంచి ఇటీవలే మూడో సాంగ్ వచ్చింది. దీనికి ఈవెంట్‍ను కూడా మూవీ టీమ్ నిర్వహింది. ఈ చిత్రానికి ఆస్కార్ విన్నర్ ఎంఎం కీరవాణి మ్యూజిక్ అందిస్తున్నారు. మొఘలు కాలం నాటి బ్యాక్‍డ్రాప్‍లో ఈ చిత్రం సాగుతుంది.

ఈ మూవీలో పవన్ కల్యాణ్ సరసన నిధి అగర్వాల్ హీరోయిన్‍గా నటించారు. బాబీ డియోల్, సత్యరాజ్, నర్గీస్ ఫక్రీ, నోరా ఫతేహి, విక్రమ్‍జీత్ విర్క్, జిస్సు సెంగుప్తా, పూజిత పొన్నాడ కీలకపాత్రలు పోషించారు. ఈ మూవీని దాయకర్ రావు, ఏఎం రత్నం ప్రొడ్యూజ్ చేశారు.

ఓజీ, ఉస్తాద్ భగత్ సింగ్‍ చిత్రాలపై ఫోకస్

సుజీత్ దర్శకత్వం వహిస్తున్న ఓజీ సినిమా షూటింగ్‍ను కూడా పూర్తి చేసేందుకు కూడా పవన్ కల్యాణ్ రెడీ అవుతున్నారు. గ్యాంగ్‍స్టర్స్ యాక్షన్ మూవీగా ఈ చిత్రం తెరకెక్కుతోంది. ఈ మూవీని సెప్టెంబర్‌లో విడుదల చేసేందుకు మేకర్స్ ప్లాన్ చేస్తున్నారు. ఉస్తాద్ భగత్ సింగ్ షూటింగ్ కూడా త్వరలో మొదలవుతుందని మూవీ టీమ్ ఇటీవలే ప్రకటించింది. వచ్చే నెలలో ఈ సినిమా షూటింగ్‍లో పవన్ జాయిన్ కానున్నారు. ఇలా పెండింగ్ చిత్రాలను త్వరలో పూర్తి చేయడంపై పవన్ ప్రస్తుతం దృష్టి సారిస్తున్నారు.