Guppedantha Manasu: గుప్పెడంత మనసు సీరియల్ టైమ్‌లో వస్తున్న కొత్త సీరియల్ ఇదే.. ఇది కూడా అలరిస్తుందా?

Guppedantha Manasu: గుప్పెడంత మనసు సీరియల్ గత శనివారం (ఆగస్ట్ 31)తో ముగిసిన విషయం తెలుసు కదా. నాలుగేళ్ల పాటు అలరించిన ఈ సీరియల్ చివరి రెండు నెలలు స్టార్ మాలో సాయంత్రం 6 గంటలకు ప్రసారం అయ్యేది. ఇప్పుడా సీరియల్ ముగియడంతో దాని స్థానంలో స్టార్ మా మరో సీరియల్ తీసుకొచ్చింది.

గుప్పెడంత మనసు స్థానంలో సత్యభామ

గుప్పెడంత మనసు సీరియల్ టైమ్ అయిన సాయంత్రం 6 గంటల స్లాట్ ను సోమవారం (సెప్టెంబర్ 2) నుంచి సత్యభామ సీరియల్ కు స్టార్ మా కేటాయించింది. గతేడాది డిసెంబర్ లో మొదలైన ఈ సీరియల్ ప్రతి రోజూ రాత్రి 9.30 గంటలకు టెలికాస్ట్ అయ్యేది.

అయితే ఇప్పుడా సీరియల్ కు ప్రైమ్ టైమ్ అయిన సాయంత్రం 6 గంటల స్లాట్ ఇవ్వడం విశేషం. ఇక నుంచి సత్యభామ సోమవారం నుంచి శనివారం వరకు సాయంత్రం 6 గంటలకు టెలికాస్ట్ అవుతుంది.

గుప్పెడంత మనసుకు ఎండ్ కార్డ్

నాలుగేళ్లు, 1168 ఎపిసోడ్ల పాటు సాగిన గుప్పెడంత మనసు సీరియల్ కు శుభం కార్డు పడిన విషయం తెలుసు కదా. ఈ సందర్భంగా ఆదివారం (సెప్టెంబర్ 1) జరిగిన ఆదివారం విత్ స్టార్ మా పరివారం షోలో భాగంగా గుప్పెడంత మనసు టీమ్ ఫేర్‌వెల్ పార్టీ కూడా జరిగింది. దీనికి టీమ్ మొత్తం హాజరైంది.

ఈ షో చివర్లో సీరియల్ టీమ్ ఎంట్రీ ఇచ్చింది. ఇందులో రిషి పాత్ర పోషించిన ముఖేష్ గౌడ, వసుధార పాత్ర పోషించిన రక్ష గౌడతోపాటు సీరియల్లో ప్రధాన పాత్రధారులందరూ ఈ పార్టీకి వచ్చారు. ఇందులో వాళ్లు స్పెషల్ గుప్పెడంత మనసు థీమ్ తో రూపొందించిన టీషర్ట్స్ ను వేసుకున్నారు.

రిషి, వసు ఎమోషనల్

ఈ ఫేర్‌వెల్ పార్టీ సందర్భంగా రిషి, వసు పాత్రలు పోషించిన ముఖేష్, రక్ష గౌడ ఎమోషనల్ అయిపోయారు. ఒకరి టీషర్ట్ పై మరొకరు ఫేర్‌వెల్ మెసేజ్‌లు రాసిన తర్వాత ఈ ప్రాజెక్టుతో తమకు ఉన్న అనుభవాలను పంచుకున్నారు. రక్ష తన లక్కీయెస్ట్ హీరోయిన్ అని ఆమె టీషర్ట్ పై రాయడంతోపాటు ఆమెను హగ్ చేసుకొని ఇదే విషయం చెప్పాడు ముఖేష్.

ఈ సీరియల్లోని అందరూ ఓ ఫ్యామిలీగా మారిపోయారని, వాళ్లందరి మిస్ అవుతామని రక్ష కంటతడి పెట్టింది. అటు ముఖేష్ గౌడ మాట్లాడుతూ.. ఈ సీరియల్ అందరికీ పేరు తెస్తే తనకు లైఫ్ ఇచ్చిందని అన్నాడు.

ఈ సందర్భంగా గతేడాది కన్నుమూసిన తన తండ్రిని గుర్తు చేసుకొని అతడు భావోద్వేగానికి గురయ్యాడు. తన తండ్రి మరణించే ముందు ఆయన కళ్ల ముందే తనకు అవార్డు ఇవ్వడం గర్వంగా ఉందని అన్నాడు. ఈ సీరియల్ ను సూపర్ హిట్ చేసిన అభిమానులకు థ్యాంక్స్ చెప్పాడు. రక్ష తన లక్కీయెస్ట్ హీరోయిన్ అని అన్నాడు.

గుప్పెడంత మనసు సీరియల్ ఇలా..

గుప్పెడంత మనసు సీరియల్ డిసెంబర్ 7, 2020న ప్రారంభమైంది. సుమారు నాలుగేళ్ల పాటు ఏకంగా 1168 ఎపిసోడ్ల పాటు ఈ సీరియల్ అలరించింది. మొత్తానికి శనివారం (ఆగస్ట్ 31) చివరి ఎపిసోడ్ టెలికాస్ట్ అయింది.

ఒక దశలో టీఆర్పీల్లో టాప్ రేటింగ్స్ సాధించిన ఈ సీరియల్ మధ్యలో కొన్ని ఒడుదుడుకులు కూడా ఎదుర్కొంది. సీరియల్ టైమింగ్స్ ను కూడా అప్పుడప్పుడూ మార్చారు. మొత్తానికి సీరియల్ చివరికి వచ్చే సరికి మరోసారి మంచి రేటింగ్స్ తోనే ముగించింది. ఈ సీరియల్ ను అభిమానులు చాలా మిస్ కాబోతున్నారు.