Goodachari 2 Pre Vision: గూఢాచారి 2 ప్రీవిజన్‌ వచ్చేసింది.. శేష్ స్టైలిష్ లుక్‌-goodachari 2 pre vision released on monday that is on january 9th ,ఎంటర్‌టైన్‌మెంట్ న్యూస్
తెలుగు న్యూస్  /  Entertainment  /  Goodachari 2 Pre Vision Released On Monday That Is On January 9th

Goodachari 2 Pre Vision: గూఢాచారి 2 ప్రీవిజన్‌ వచ్చేసింది.. శేష్ స్టైలిష్ లుక్‌

Hari Prasad S HT Telugu
Jan 09, 2023 06:54 PM IST

Goodachari 2 Pre Vision: గూఢాచారి 2 ప్రీవిజన్‌ రిలీజ్ చేశారు. ఇందులో అడివి శేష్‌ స్టైలిష్‌ లుక్‌లో అదరగొడుతున్నాడు. గతంలో వచ్చిన స్పై యాక్షన్‌ థ్రిల్లర్‌ గూఢాచారికి ఇది సీక్వెల్‌.

జీ2 మూవీలో అడివి శేష్
జీ2 మూవీలో అడివి శేష్

Goodachari 2 Pre Vision: టాలీవుడ్‌లో వరుస హిట్స్‌తో దూసుకెళ్తున్న హీరో అడివి శేష్‌. గతేడాది అతడు మేజర్‌, హిట్‌ 2 లాంటి హిట్స్‌ అందుకున్నాడు. ఇప్పుడదే ఊపులో తన సూపర్‌ హిట్‌ మూవీ గూఢాచారికి సీక్వెల్‌తో వస్తున్నాడు. జీ2 (G2)గా పిలుస్తున్న గూఢాచారి 2 మూవీ షూటింగ్‌ కోసం సిద్ధమవుతున్నాడు. ఈ సినిమా షూటింగ్‌ త్వరలోనే ప్రారంభం కానుంది.

అయితే సోమవారం (జనవరి 9) ప్రీవిజన్‌ పేరుతో మేకర్స్‌ ఓ వీడియో రిలీజ్‌ చేశారు. దీనిని అడివి శేష్‌ తన ఇన్‌స్టాగ్రామ్‌ ద్వారా ఫ్యాన్స్‌తో పంచుకున్నాడు. గూఢాచారి మూవీ ఇండియాకు పరిమితం కాగా.. ఈ జీ2 ఇంటర్నేషనల్‌ లెవల్‌కు వెళ్తోంది. ఈ సినిమాకు స్టోరీని శేష్ ఇవ్వడం విశేషం. ఈ లేటెస్ట్‌ వీడియోలో అతడు చాలా స్టైలిష్‌ లుక్‌లో కనిపిస్తున్నాడు.

ఈ సినిమా కోసం శేష్‌ మేకోవర్‌ ఫ్యాన్స్‌ను ఆకర్షిస్తోంది. 2023లో ఈ మూవీ షూటింగ్‌ ప్రారంభం కాబోతోందని మేకర్స్‌ ఈ వీడియో ద్వారా అనౌన్స్‌ చేశారు. అయితే కచ్చితంగా ఏ నెలలో ఈ షూటింగ్‌ ప్రారంభం కానున్న విషయాన్ని మాత్రం వెల్లడించలేదు. ముంబైలో జరిగిన ప్రెస్‌మీట్‌లో జీ2 ఫస్ట్‌లుక్‌ పోస్టర్‌తోపాటు ప్రీవిజన్‌ వీడియోను కూడా రిలీజ్ చేశారు.

గత నెలలోనే గూఢాచారికి సీక్వెల్‌ వస్తున్న విషయాన్ని అధికారికంగా ప్రకటించారు. వినయ్‌ కుమార్‌ సిరిగినీడి ఈ మూవీకి డైరెక్టర్‌. మేజర్‌ మూవీకి అతడు ఎడిటర్‌గా పని చేశాడు. కశ్మీర్‌ ఫైల్స్‌, కార్తికేయ 2, మేజర్‌లాంటి పాన్‌ ఇండియా మూవీస్‌ను నిర్మించిన నిర్మాతలు టీజీ విశ్వ, అభిషేక్‌ అగర్వాల్‌ ఈ జీ2 మూవీని నిర్మిస్తున్నారు. 2018లో వచ్చిన గూఢాచారి మూవీ స్పై డ్రామాగా ఆకట్టుకుంది. అందులో అడివి శేష్‌, శోభితా నటించారు.

ఫస్ట్‌ పార్ట్‌ ముగిసిన ఆల్ప్స్‌ పర్వతాల్లోనే ఈ సెకండ్‌ పార్ట్‌ ప్రారంభం కానుంది. ప్రీవిజన్‌ వీడియోచూస్తే ఈ విషయం స్పష్టమవుతోంది. అయితే సెకండ్‌ పార్ట్‌ చూడాలంటే ఫస్ట్‌ పార్ట్‌ చూడాల్సిన అవసరం లేదని గతంలో సీక్వెల్‌ అనౌన్స్‌మెంట్‌ సందర్భంగా అడివి శేష్‌ చెప్పాడు.

WhatsApp channel

సంబంధిత కథనం

టాపిక్

హిందుస్తాన్ టైమ్స్ తెలుగు నుంచి ఎంటర్‌టైన్మెంట్, అలాగే ఓటీటీ తాజా అప్‌డేట్స్ పొందండి.