Angry Rantman: గట్టిగా అరుస్తూ రివ్యూలు చెప్పే ఫేమస్ యూట్యూబర్ మృతి: యాంగ్రీ ర్యాంట్‍మ్యాన్ గురించి 5 ముఖ్యమైన విషయాలు-famous youtuber abhradeep saha aka angry rantman dies 5 key points about him ,ఎంటర్‌టైన్‌మెంట్ న్యూస్
తెలుగు న్యూస్  /  ఎంటర్‌టైన్‌మెంట్  /  Angry Rantman: గట్టిగా అరుస్తూ రివ్యూలు చెప్పే ఫేమస్ యూట్యూబర్ మృతి: యాంగ్రీ ర్యాంట్‍మ్యాన్ గురించి 5 ముఖ్యమైన విషయాలు

Angry Rantman: గట్టిగా అరుస్తూ రివ్యూలు చెప్పే ఫేమస్ యూట్యూబర్ మృతి: యాంగ్రీ ర్యాంట్‍మ్యాన్ గురించి 5 ముఖ్యమైన విషయాలు

Chatakonda Krishna Prakash HT Telugu
Apr 17, 2024 08:39 PM IST

Angry Rantman - Abhradeep Saha: ఫేమస్ యూట్యూబర్ అభ్రదీప్ సాహా కన్నుమూశారు. యాంగ్రీ ర్యాంట్‍మ్యాన్‍గా ఆయన చాలా పాపులర్ అయ్యారు. అనారోగ్యంతో కొంతకాలంగా చికిత్స తీసుకుంటున్న ఆయన నేడు మృతి చెందారు.

Angry Rantman: కోపంగా అరుస్తూ రివ్యూలు చెప్పే ఫేమస్ యూట్యూబర్ మృతి: యాంగ్రీ ర్యాంట్‍మ్యాన్ గురించి 5 ముఖ్యమైన విషయాలు
Angry Rantman: కోపంగా అరుస్తూ రివ్యూలు చెప్పే ఫేమస్ యూట్యూబర్ మృతి: యాంగ్రీ ర్యాంట్‍మ్యాన్ గురించి 5 ముఖ్యమైన విషయాలు

Angry Rantman: పాపులర్ యూట్యూబర్, సోషల్ మీడియా సెన్సేషన్ అభ్రదీప్ సాహా (27) కన్నుమూశారు. యాంగ్రీ ర్యాంట్‍మ్యాన్‍గా ఆయన ఫేమస్ అయ్యారు. గత నెలలో ఆయన ఓ శస్త్రచికిత్స చేయించుకున్నారు. ఆ తర్వాత ఆరోగ్యం మరింత క్షీణించింది. కొన్ని అవయవాలు ఫెయిల్ అయ్యాయి. దీంతో ఆసుపత్రిలోనే ఉన్నారు. అయితే కోలుకోలేక 27 ఏళ్ల అభ్రదీప్ నేడు (ఏప్రిల్ 17) మృతి చెందారు. ఈ విషయాన్ని ఆయన కుటుంబ సభ్యులు వెల్లడించారు.

యాంగ్రీ ర్యాంట్‍మ్యాన్‍ యూట్యూబ్ ఛానెల్‍లో సినిమాలతో పాటు క్రికెట్, ఫుట్‍బాల్‍పై రివ్యూలు చెబుతుంటారు అభ్రదీప్ సాహా. కోపంగా అరుస్తూ ఆయన తన అభిప్రాయాలపై మాట్లాడతారు. దీంతో ఆయన చాలా పాపులర్ అయ్యారు. ఎంటర్‌టైనింగ్‍గా ఉండటంతో ఆ ఛానల్ బాగా ఫేమస్ అయింది. సోషల్ మీడియాలో ఆయన చాలా ఫ్యాన్ బేస్ ఉంది.

యాంగ్రీ ర్యాంట్‍మ్యాన్ గురించి ముఖ్యమైన విషయాలు

  • అభ్రదీప్ సాహాది పశ్చిమ బెంగాల్‍లోని కోల్‍కతా. 1996 ఫిబ్రవరి 19న ఆయన జన్మించారు. ఇప్పటి వరకు ఆయన యూట్యూబ్ ఛానెల్‍కు 4.83లక్షల మంది సబ్‍స్క్రైబర్లు, ఇన్‍స్టాగ్రామ్‍లో ఆయన అకౌంట్‍కు 1.20 లక్షల మంది ఫాలోవర్లు ఉన్నారు.
  • 2017లో అభ్రదీప్ తన వీడియో కంటెంట్ ప్రయాణాన్ని మొదలుపెట్టారు. సినిమాలు, క్రికెట్, ఫుట్‍బాల్ విషయాలపై చాలా వీడియోలు చేశారు.
  • అనాబెల్లే సినిమా గురించి ఆయన తొలి వీడియో చేశారు. తాను కన్‍జ్యూరింగ్ సినిమా చూసి భయపడ్డానని, అందుకే హారర్ చిత్రం చూడబోనని ఆ వీడియోలో చెప్పారు. అందుకే అనాబెలే చూడనని అన్నారు.
  • సినిమాలతో పాటు స్పోర్ట్స్ గురించి కూడా అభ్రదీప్ సాహా వీడియోలు చేశారు. ముఖ్యంగా కొన్ని ఫుట్‍బాల్, క్రికెట్ మ్యాచ్‍లపై కూడా తన అభిప్రాయాలను చెప్పారు. తన ఫేవరెట్ ఫుట్‍బాల్ టీమ్ చెల్సీ ఓడిపోవడంతో ఆయన చేసిన ఓ వీడియో 2017లో బాగా వైరల్ అయింది. అప్పటి నుంచి బాగా ఫేమస్ అయ్యారు. దేనీ గురించైనా గట్టిగా అరుస్తూ కోపంగా రివ్యూలు చెప్పడం ఆయన ప్రత్యేకతగా ఉంది.
  • చాలా సినిమాలకు అభ్రదీప్ సాహా తన స్టైల్‍లో రివ్యూలు చెప్పారు. ఆయన గత నెల మార్చి 8వ తేదీన సైతాన్ సినిమాపై తన అభిప్రాయాన్ని తెలుపుతూ వీడియో చేశారు. యాంగ్రీ ర్యాంట్‍మ్యాన్ ఛానెల్‍లో అదే ఆయన చివరి వీడియోగా ఉంది.

అభ్రదీప్ సాహా అలియాజ్ యాంగ్రీ ర్యాంట్‍మ్యాన్ నేటి ఉదయం 10 గంటల 18 నిమిషాలకు మృతి చెందారని ఆయన కుటుంబ సభ్యులు వెల్లడించారు. “తన నిజాయితీ, చమత్కారంతో లక్షలాది మంది హృదయలను ఆయన తాకారు. ఆయనను మనంమందరం మిస్ అవుతాం” అని అభ్రదీప్ ఫ్యామిలీ ఫేస్‍బుక్‍లో పోస్ట్ చేసింది.

గత నెలలో బెంగళూరులోని ఓ ఆసుపత్రిలో అభ్రదీప్ సాహా చేరారు. ఆ ముఖ్యమైన శస్త్రచికిత్స చేయించుకున్నారు. ఆ తర్వాత కూడా పరిస్థితి విషమించింది. కొన్ని రోజులుగా ఆయన వెంటిలేటర్‌పై ఉన్నారు. కోలుకోలేక నేడు (ఏప్రిల్ 17) అభ్రదీప్ కన్నుమూశారు.

ఆవేదన వ్యక్తం చేస్తున్న నెటిజన్లు

అభ్రదీప్ సాహా మృతిపై నెటిజన్లు ఆవేదన వ్యక్తం చేస్తున్నారు. షాక్‍కు గురయ్యామని సోషల్ మీడియాలో పోస్టులు చేస్తున్నారు. ఆయన ఆత్మకు శాంతి చేకూరాలని ఆకాంక్షిస్తున్నారు.

IPL_Entry_Point