చిట్టి గువ్వ సాంగ్ లిరిక్స్.. కోర్ట్ మూవీలోని గుండెను మెలిపెట్టే పాట మీకోసం..

టాలీవుడ్ లో ఓ చిన్న సినిమాగా రిలీజై సంచలన విజయం సాధించిన మూవీ కోర్ట్: స్టేట్ వర్సెస్ ఎ నోబడీ. మూవీతోపాటు ఇందులోని పాటలు కూడా ప్రేక్షకులను ఆకట్టుకున్నాయి. ముఖ్యంగా ప్రేమలో సాంగ్ మరో లెవెల్. దీంతోపాటు గుండెను మెలిపెట్టే ఓ శాడ్ సాంగ్ చిట్టి గువ్వ కూడా ప్రేక్షకులను బాగానే ఆకర్షించింది.

చిట్టి గువ్వ సాంగ్ సూపర్ హిట్

కోర్ట్ మూవీకి విజయ్ బుల్గానిన్ మ్యూజిక్ అందించిన విషయం తెలిసిందే. ఇక ఈ చిట్టి గువ్వ పాటను పూర్ణాచారి రాశాడు. కాలభైరవ పాడాడు. రామ్ జగదీశ్ డైరెక్ట్ చేసిన ఈ కోర్ట్ మూవీలో ప్రియదర్శి, రోషన్, శ్రీదేవి నటించారు. ఈ మూవీలోని ప్రేమలో సాంగ్ యువతను బాగా ఆకట్టుకుంది. ఇక సినిమాలో కీలకమైన సమయంలో వచ్చే ఈ చిట్టి గువ్వ పాట కూడా ఆకట్టుకునేలానే ఉంది.

కోర్ట్ మూవీ ఓ ప్రేమ జంట చుట్టూ తిరుగుతుంది. చిన్నారులపై లైంగిక దాడులు చేసే వారిని కఠినంగా శిక్షించడానికి తీసుకొచ్చిన పోక్సో చట్టాన్ని ఎలా దుర్వినియోగం చేస్తున్నారో ఈ సినిమా ద్వారా చూపించే ప్రయత్నం చేశారు. ఈ మూవీకి అటు థియేటర్లలో, ఇటు ఓటీటీలో మంచి ఆదరణ లభించింది. ప్రస్తుతం నెట్‌ఫ్లిక్స్ లో స్ట్రీమింగ్ అవుతోంది.

చిట్టి గువ్వ సాంగ్ లిరిక్స్

చిట్టి గువ్వా.. ఊరుకోవే..

బాధ ఉంటే.. తట్టుకోవే..

ఏ వెలుగులో కనిపించని గీతే గీశారా

ఏం తెలియక దాటడమే నేరం అంటారా

ఏ న్యాయం నీ కోసం సాయం రాలేదా

ఈ ప్రశ్నలు అడగాలని ఆశగ చూశావా

కాలం రాసే కథనంలోనా

మన కథలన్నీ ఇంతేరా

బడి చదువేదీ చెప్పని పాఠం

నేర్పే గురువే కాలంరా

చిట్టి గువ్వా.. ఊరుకోవే..

బాధ ఉంటే.. తట్టుకోవే..

చిట్టి గువ్వా.. ఊరుకోవే..

బాధ ఉంటే.. తట్టుకోవే..

చరణం 1

రాలే చినుకుల్లో అన్ని రంగులు చూశావా

దూకే పిడుగుల్నే తట్టుకోవా

వీచే గాలుల్లో చిన్ని చిందులు వేశావా

రేగే మంటల్నే తట్టుకోవా

అమ్మా అంటే ఏరా అంటూ ఆమె నోటి మాట

చెమ్మగిల్లే కళ్లల్లోనే పాపం ఆగిపోయేనంటా

చుక్క రాలి ఆకాశాల దారే వీడిపోతూ ఉన్నా

చెప్పలేని బాధే మౌనంగానే మోసే జాబిలమ్మా

ఏ జాలిని చూపించని వలయం ప్రేమా..

చిట్టి గువ్వా.. ఊరుకోవే..

బాధ ఉంటే.. తట్టుకోవే..

చిట్టి గువ్వా.. ఊరుకోవే..

బాధ ఉంటే.. తట్టుకోవే..