Kangana Ranaut Chandramukhi 2: నేషనల్ అవార్డ్... గోల్డెన్ గ్లోబ్ విన్నర్స్తో కంగనా - చంద్రముఖి -2 అప్డేట్ ఇదే
Kangana Ranaut Chandramukhi 2: చంద్రముఖి -2 సెట్స్లో అడుగుపెట్టింది కంగనా రనౌత్. ఈ సినిమాకు సంబంధించి కొత్త అప్డేట్ను రివీల్ చేసింది.
Kangana Ranaut Chandramukhi 2: ఇటీవలే ఎమర్జెన్సీ షూటింగ్ను పూర్తిచేసిన కంగనా రనౌత్ ఒక్క రోజు కూడా గ్యాప్ తీసుకోకుండా చంద్రముఖి -2 రిహార్సల్స్ మొదలుపెట్టింది. తలైవి తర్వాత తమిళంలో కంగనా రనౌత్ నటిస్తోన్న సినిమా ఇది.
రజనీకాంత్ హీరోగా 2005లో విడుదలైన కల్ట్ క్లాసిక్ ఫిల్మ్ చంద్రముఖికి సీక్వెల్గా తెరకెక్కుతోన్న ఈ సినిమాలో లారెన్స్ హీరోగా నటిస్తోన్నాడు. ఈ సీక్వెల్కు పి. వాసు దర్శకత్వం వహిస్తున్నాడు. చంద్రముఖి -2 క్లైమాక్స్ సాంగ్ షూట్ రిహార్సల్స్ మొదలుపెట్టినట్లు ట్విట్టర్ ద్వారా కంగనా రనౌత్ తెలిపింది.
నేషనల్ అవార్డ్ విన్నర్ కళ మాస్టర్తో కలిసి దిగిన ఓ ఫొటోను ట్విట్టర్లో పోస్ట్ చేసింది. ఈ పాటకు గోల్డెన్ గ్లోబ్ విన్నర్ ఎంఎం కీరవాణి సంగీతాన్ని అందించబోతున్నట్లు కంగనా రనౌత్ తెలిపింది. చంద్రముఖి -2 సినిమాకు పి.వాసు దర్శకత్వం వహించనున్నట్లు తెలిపింది. లెజెండరీ టీమ్తో కలిసి పనిచేయడం గౌరవంగా భావిస్తున్నట్లు చెప్పింది.
ఈ సినిమాలో టైటిల్ పాత్రను కంగనా రనౌత్ పోషిస్తోంది. చంద్రముఖి -2 సినిమాను లైకా ప్రొడక్షన్స్ సంస్థ నిర్మిస్తోంది. ప్రస్తుతం బాలీవుడ్లో కంగనా రనౌత్ ఎమర్జెన్సీ సినిమా చేస్తోంది. హీరోయిన్గా నటిస్తూనే స్వీయ దర్శకనిర్మాణంలో ఈ సినిమాను రూపొందిస్తోంది.
ఎమర్జెన్సీ సినిమాలో కంగనా రనౌత్ ఇందిరా గాంధీ పాత్రలో నటించనుంది. ఇండియాలో 1975 టైమ్లో ఎమెర్జెన్సీ విధించడానికి గల కారణాల్ని ఈ సినిమాలో చూపించబోతున్నట్లు సమాచారం.