OTT Telugu Movies: కోర్ట్ మూవీ నచ్చిందా.. ఓటీటీలో తెలుగులో ఉన్న ఈ కోర్ట్ రూమ్ డ్రామాస్ అస్సలు మిస్ కావద్దు

OTT Telugu Movies: కోర్ట్: స్టేట్ వర్సెస్ ఎ నోబడీ మూవీ థియేటర్లలోనే కాదు ఇప్పుడు నెట్‌ఫ్లిక్స్ లోనూ సంచలనాలు సృష్టిస్తోంది. ప్రియదర్శి ఓ లాయర్ గా నటించిన ఈ మూవీ ప్రేక్షకులను అలరిస్తోంది. పోక్సో చట్టాన్ని ఎలా దుర్వినియోగం చేస్తున్నారో ఈ సినిమా కళ్లకు కట్టే ప్రయత్నం చేసింది. ఈ కోర్ట్ రూమ్ డ్రామా మీకు కూడా నచ్చిందా? ఇలాంటివే తెలుగులో మరికొన్ని మూవీస్ కూడా ఓటీటీ ప్లాట్‌ఫామ్స్ లో అందుబాటులో ఉన్నాయి. అవేంటో చూడండి.

వకీల్‌సాబ్ - ప్రైమ్ వీడియో

పవన్ కల్యాణ్ నటించిన బ్లాక్‌బస్టర్ కోర్ట్ రూమ్ డ్రామా వకీల్‌సాబ్. హిందీలో అమితాబ్ బచ్చన్ నటించిన పింక్ సినిమాకు ఇది రీమేక్. ముగ్గురు అమ్మాయిల చుట్టూ తిరిగే కథ ఇది. ఆ అమ్మాయిలను బలవంతం చేయబోయిన యువకులు, వాళ్లకు శిక్ష పడేలా చేసే ఓ వకీలు కథే ఈ మూవీ.

జై భీమ్ - ప్రైమ్ వీడియో

సూర్య నటించిన ఈ తమిళ సినిమా దేశాన్ని ఊపేసింది. దేశంలో ఇప్పటికే కుల వివక్ష, పోలీసుల దౌర్జన్యం, న్యాయం కోసం వాళ్లు చేసే పోరాటం చుట్టూ తిరిగే కథే ఈ జై భీమ్. తెలుగులోనూ ఈ మూవీ ప్రైమ్ వీడియోలో అందుబాటులో ఉంది.

జన గణ మన - నెట్‌ఫ్లిక్స్

మలయాళ మూవీ జన గణ మన. ఈ సినిమా తెలుగులోనూ నెట్‌ఫ్లిక్స్ లో స్ట్రీమింగ్ అవుతోంది. పృథ్వీరాజ్ సుకుమార్ నటించిన సినిమా ఇది. గుడ్డి దేశభక్తి, మీడియా ప్రభావంపై రూపొందిన ఈ పొలిటికల్ థ్రిల్లర్ మూవీ కూడా మీ కోర్ట్ రూమ్ డ్రామాస్ లిస్టులో ఉండాలి.

నాంది - ఆహా వీడియో

అల్లరి నరేష్ నటించిన మూవీ నాంది. ఎన్నో ఏళ్ల పాటు తప్పుడు శిక్ష అనుభవించిన ఓ ఖైదీ చేసే న్యాయపోరాటమే ఈ నాంది మూవీ. ఈ సినిమాను ఆహా వీడియోలో చూడొచ్చు. ఓ కమెడియన్ గా పేరుగాంచిన నరేష్.. ఈ సినిమాలో తన నట విశ్వరూపం చూపించాడు.

ముఖచిత్రం - ప్రైమ్ వీడియో

విశ్వక్సేన్ నటించిన మూవీ ముఖచిత్రం. ఓ ప్లాస్టిక్ సర్జన్ చుట్టూ తిరిగే స్టోరీ ఇది. తన భార్య ముఖాన్ని తన మాజీ గర్ల్‌ఫ్రెండ్ కు మార్చడం అతని జీవితాన్ని ఎలా మార్చిందన్నది ఈ లీగల్ డ్రామాలో చూడొచ్చు. మూవీ అమెజాన్ ప్రైమ్ వీడియోలో అందుబాటులో ఉంది.

గార్గి - ప్రైమ్ వీడియో

సాయి పల్లవి నటించిన మూవీ గార్గి. ఓ తప్పుడు కేసులో ఇరుక్కున్న తన తండ్రిని కాపాడుకునేందుకు ఆమె చేసే పోరాటం ఈ సినిమాలో చూడొచ్చు. అమెజాన్ ప్రైమ్ వీడియోలో తెలుగులోనూ ఈ సినిమా అందుబాటులో ఉంది.