Allu Arjun Top 7 Movies on OTT: ఓటీటీలో ఉన్న అల్లు అర్జున్ టాప్ 7 ఐఎండీబీ రేటింగ్ మూవీస్ ఇవే

Allu Arjun Top 7 Movies on OTT: అల్లు అర్జున్ తన కెరీర్లో ఎన్నో బ్లాక్‌బస్టర్ సినిమాల్లో నటించాడు. అయితే వాటిలో ప్రేక్షకులు ఇచ్చిన ఐఎండీబీ రేటింగ్ ప్రకారం.. టాప్ 7 మూవీస్ ఏవో మీకు తెలుసా? ప్రస్తుతం అవి వివిధ ఓటీటీ ప్లాట్‌ఫామ్స్ లో అందుబాటులో ఉన్నాయి.

మంగళవారం (ఏప్రిల్ 8) తన 43వ పుట్టిన రోజు జరుపుకుంటున్న ఈ స్టార్ హీరో కెరీర్లోనే బెస్ట్ 7 మూవీస్ ఏవో చూద్దాం. వీటిలో చాలా వరకు అతడు సుకుమార్, త్రివిక్రమ్ శ్రీనివాస్ డైరెక్షన్ లో చేసిన సినిమాలే కావడం విశేషం.

వేదం - ఎంఎక్స్ ప్లేయర్

క్రిష్ డైరెక్షన్ లో అల్లు అర్జున్ నటించిన వేదం మూవీకి ఐఎండీబీలో 8.1 రేటింగ్ ఉంది. అనుష్క, మంచు మనోజ్ లాంటి వాళ్లు కూడా నటించిన ఈ సినిమా ఎంఎక్స్ ప్లేయర్ ఓటీటీలో ఉంది. బన్నీ కెరీర్లో అత్యుత్తమ ఐఎండీబీ రేటింగ్ ఉన్న మూవీ ఇదే.

ఆర్య - జీ5 ఓటీటీ

అల్లు అర్జున్ కెరీర్లో తొలి మెగా హిట్ మూవీ ఆర్య. ఎప్పుడో 21 ఏళ్ల కిందట రిలీజై సంచలన విజయం సాధించిన ఈ సినిమాకు ఐఎండీబీలో 7.8 రేటింగ్ ఉంది. ఈ సినిమాను ప్రస్తుతం జీ5 ఓటీటీలో చూడొచ్చు. సుకుమార్ డైరెక్షన్ లో వచ్చిన సినిమా ఇది.

పుష్ప ది రైజ్ - అమెజాన్ ప్రైమ్ వీడియో

అల్లు అర్జున్, సుకుమార్ కాంబినేషన్ లో వచ్చిన బ్లాక్‌బస్టర్ హిట్ పుష్ప ది రైజ్. ఈ సినిమాకు ఐఎండీబీలో 7.6 రేటింగ్ ఉంది. ఈ మూవీని అమెజాన్ ప్రైమ్ వీడియోలో చూడొచ్చు. ఈ యాక్షన్ థ్రిల్లర్ మూవీకి దాని సీక్వెల్ కంటే మంచి ఐఎండీబీ రేటింగ్ ఉంది.

ఆర్య 2 - ప్రైమ్ వీడియో

ఇది కూడా బన్నీ, సుకుమార్ కాంబినేషన్ లో వచ్చిన సినిమానే. ఆర్య మూవీకి సీక్వెల్ ఆర్య 2. ఈ మూవీకి 7.5 రేటింగ్ ఉంది. అమెజాన్ ప్రైమ్ వీడియోలో ఆర్య 2 స్ట్రీమింగ్ అవుతోంది. కాజల్, నవదీప్ కూడా ఈ సినిమాలో నటించారు.

అలవైకుంఠపురంలో - సన్ నెక్ట్స్ ఓటీటీ

త్రివిక్రమ్ శ్రీనివాస్ డైరెక్షన్ లో అల్లు అర్జున్ నటించిన మూవీ అలవైకుంఠపురంలో. సంక్రాంతికి వచ్చి మెగా హిట్ కొట్టిన సినిమా ఇది. ఐఎండీబీలో 7.3 రేటింగ్ నమోదైంది. ఈ సినిమా సన్ నెక్ట్స్ ఓటీటీలో అందుబాటులో ఉంది.

జులాయి - జియోహాట్‌స్టార్

ఇది కూడా బన్నీ, త్రివిక్రమ్ కాంబినేషన్ లో వచ్చిన సినిమానే. 7.3 రేటింగ్ సాధించింది. ఇలియానా నటించిన ఈ యాక్షన్ ఎంటర్టైనర్ మూవీ జియోహాట్‌స్టార్ ఓటీటీలో స్ట్రీమింగ్ అవుతోంది.

రేసు గుర్రం - సోనీ లివ్ ఓటీటీ

సురేందర్ రెడ్డి డైరెక్షన్ లో వచ్చిన మూవీ రేసు గుర్రం. ఈ సినిమాకు కూడా ఐఎండీబీలో 7.3 రేటింగ్ ఉంది. అల్లు అర్జున్, శృతి హాసన్ నటించిన ఈ సినిమా సోనీ లివ్ ఓటీటీలో స్ట్రీమింగ్ అవుతోంది.