Bedurulanka 2012 First Look: బెదురులంక 2012 ఫస్ట్‌ లుక్‌ అదుర్స్‌.. ఆసక్తి రేపుతున్న కార్తికేయ-bedurulanka 2012 first look and motions poster launched ,ఎంటర్‌టైన్‌మెంట్ న్యూస్
తెలుగు న్యూస్  /  ఎంటర్‌టైన్‌మెంట్  /  Bedurulanka 2012 First Look: బెదురులంక 2012 ఫస్ట్‌ లుక్‌ అదుర్స్‌.. ఆసక్తి రేపుతున్న కార్తికేయ

Bedurulanka 2012 First Look: బెదురులంక 2012 ఫస్ట్‌ లుక్‌ అదుర్స్‌.. ఆసక్తి రేపుతున్న కార్తికేయ

HT Telugu Desk HT Telugu
Nov 30, 2022 04:00 PM IST

Bedurulanka 2012 First Look: బెదురులంక 2012 ఫస్ట్‌ లుక్‌ అదుర్స్‌ అనిపించేలా ఉంది. ఎంతో ఆసక్తి రేపేలా ఈ మూవీ ఫస్ట్‌ లుక్‌లో కార్తికేయ కనిపిస్తున్నాడు.

బెదురులంక 2012 మూవీలో కార్తికేయ
బెదురులంక 2012 మూవీలో కార్తికేయ

Bedurulanka 2012 First Look: టైటిల్‌కు తగినట్లే కాస్త వెరైటీగా, ఇన్నోవేటివ్‌గా బెదురులంక 2012 మూవీ ఫస్ట్‌ లుక్‌ను కూడా ఆవిష్కరించారు. క్లాక్స్‌ డైరెక్ట్‌ చేస్తున్న ఈ మూవీ ఫస్ట్‌ లుక్‌ను ఓ వీడియోతో లాంచ్ చేశారు. ఈ వీడియోలో వెనుకాల ఓ గడియారం తిరుగుతూ ఉంటుంది. ఆ తర్వాత రెండు గోల్డ్‌ రింగ్స్‌ను గాల్లోకి ఎగరేస్తూ హీరో ఎంట్రీ ఇస్తాడు.

ఇందులో హీరో కార్తికేయ క్యాజువల్‌ బ్లాక్‌ డ్రెస్‌లో కనిపించాడు. ఈ ఫస్ట్‌ లుక్‌ కంటే రెండు రోజుల ముందే కార్తికేయ ప్రీలుక్‌ను రిలీజ్‌ చేసిన విషయం తెలిసిందే. ఇందులో కేవలం హీరో చెయ్యి మాత్రమే కనిపిస్తోంది. ఆ చేతిపై రివైండ్‌, ఫార్వర్డ్‌, ప్లే, పాజ్ బటన్‌లు పచ్చబొట్టు పొడిపించుకొని హీరో కనిపిస్తాడు. ఆ ప్రీలుక్‌ ఎలా అయితే ఆసక్తి రేపిందో ఈ ఫస్ట్‌ లుక్‌ కూడా అలాగే ఉంది.

ఈ మూవీలో కార్తికేయ సరసన డీజే టిల్లు ఫేమ్‌ నేహా శెట్టి నటిస్తోంది. ఇప్పటి వరకూ చూడని అతిపెద్ద గాలివార్త గురించి ఈ సినిమా చూపించనుంది. ప్రపంచం ఇక ముగింపుకు వచ్చేసిందని నమ్మే ఓ ఊరి చుట్టూ తిరిగే కథ ఇది. 2012, డిసెంబర్‌ 21న ఇలాగే ప్రపంచం అంతమవుతుందని పుకార్లు వచ్చిన విషయం తెలిసిందే. దాని చుట్టూ సరదాగా సాగే కథ ఇది.

ఈ మోషన్‌ పోస్టర్‌ గురించి ప్రొడ్యూసర్‌ రవీంద్ర బెనర్జీ మాట్లాడాడు. "సినిమా ప్రత్యేకత గురించి మా బెదురులంక 2012 మోషన్‌ పోస్టర్‌ చెబుతుంది. ప్రపంచం అంతమవుతుందన్న భావనలో ఉన్న ఓ ఊరిలో తర్వాత జరగబోయే పరిణామాల చుట్టూ ఈ కథ తిరుగుతుంది. ఇదొక ఫన్‌ ఎంటర్‌టైనర్. కార్తికేయ, నేహా శెట్టి కాంబినేషన్ బాగుంటుంది. షూటింగ్‌ చివరి దశలో ఉంది. యానాం, కాకినాడ, గోదావరి పరిసరాల్లో షూటింగ్‌ చేశాం. ఇందులోని ఐదు పాటను ఎంతో బాగా ట్యూన్‌ చేశారు మణిశర్మ" అని చెప్పాడు.

ఇదొక డ్రామెడీ జానర్‌ ఫిల్మ్‌ అని డైరెక్టర్‌ క్లాక్స్‌ చెప్పాడు. కార్తికేయలో ఓ కొత్త నటుడిని మీరు చూస్తారని తెలిపాడు. గ్రామీణ వాతావరణంలో సాగే ఈ స్టోరీ కామెడీ, ఎమోషన్స్‌, థ్రిల్‌ను పంచుతుందన్నాడు.

టీ20 వరల్డ్ కప్ 2024