Bhagavanth Kesari Live Updates: భగవంత్ కేసరి లైవ్ అప్డేట్స్.. ప్రీమియర్ కలెక్షన్స్ ఇవే!

భగవంత్ కేసరి సినిమాకు యూకేలో ప్రీమియర్ షోస్ ద్వారా సుమారుగా 5 లక్షల డాలర్స్ మార్క్ ను చేరుకుందని ట్రేడ్ వర్గాలు చెబుతున్నాయి. వర్కింగ్ డేలో ఇంకా కలెక్షన్స్ పెరిగే అవకాశం ఉందని తెలుస్తోంది.

భగవంత్ కేసరి సినిమాలో బాలీవుడ్ పాపులర్ యాక్టర్ అర్జున్ రాంపాల్ విలన్ గా నటించాడు. ఆయనకు ఇదే తొలి తెలుగు సినిమా. ఇందులో ఆయన నటనకు తెలుగు సినిమా అవకాశాలు వచ్చే ఛాన్స్ ఉందని తెలుస్తోంది.

భగవంత్ కేసరి సినిమా ఆడుతున్న యూకే థియేటర్ లో ప్రభాస్ మేనియా సాగింది. సినిమా మధ్యలో సలార్ మూవీ టీజర్ వేసి ప్రభాస్ ఫ్యాన్సుకు ట్రీట్ ఇచ్చారు ఆ థియేటర్ నిర్వాహకులు. దీంతో థియేటర్ అంతా అరుపులు కేకలతో హోరెత్తింది.

భగవంత్ కేసరి సినిమా మంచి మెసేజ్ ఒరియెంటెడ్ చిత్రమని నెటిజన్లు అంటున్నారు. అమ్మాయిలకు గుడ్ టచ్, బ్యాడ్ టచ్ ఏంటో చెప్పే చిత్రమని చెబుతున్నారు.

తాజాగా తిరుమలను దర్శించుకున్నాడు మ్యూజిక్ డైరెక్టర్ తమన్. భగవంత్ కేసరి సినిమా విడుదల సందర్భంగా తిరుమలకు తమన్ వెళ్లినట్లుగా తెలుస్తోంది. కాగా భగవంత్ కేసరి సినిమాలో తమన్ బీజీఎమ్ అదిరిపోయిందని టాక్ వస్తోంది.

భగవంత్ కేసరి సినిమాకు హిట్ టాక్ వస్తోంది. దీంతో అభిమానుల కోలహాలం ఎక్కువైంది. ఓ థియేటర్ వద్ద పసుపు రంగు వెదజల్లుతూ ఫ్యాన్స్ సంబురాలు చేసుకున్నారు. దీంతో అక్కడ యెల్లో ఫీవర్ కనిపించింది.

భగవంత్ కేసరి మూవీ థియేటర్ల వద్ద బాలయ్య అభిమానుల సందడి బాగా నెలకొంది. ఓ థియేటర్ వద్ద బాలయ్య కటౌట్ కి మ్యాన్షన్ హౌజ్ మందుతో అభిషేకం చేశారు ఫ్యాన్స్. ఆ వీడియో చక్కర్లు కొడుతోంది.

భగవంత్ కేసరి బెన్ఫిట్ షో తర్వాత అభిమానులు టపాసులు కాలుస్తూ సంబురాలు చేసుకున్నారు. సినిమా బాగుందన్న సంతోషంలో ఈ వేడుక చేసుకున్నారు. దీనికి సంబంధించిన వీడియో గింగిరాలు తిరుగుతోంది.

భగవంత్ కేసరి మూవీలోని క్లైమాక్స్ సీన్ నెక్ట్స్ లెవెల్ అన్నట్లుగా ఉంది. బాలయ్య బాబు, శ్రీలీల ఎనర్జీ డ్రింక్ తాగుతూ.. చేతులతో సైగ, నోటితో చేసిన సౌండ్ చాలా ఆకట్టుకుంటోంది. ఆ వీడియో వైరల్ అవుతోంది.

సోషల్ మీడియాలో తెగ ట్రెండ్ అయిన కేసీపీడీ పదానికి భగవంత్ కేసరి టైపులో కొత్త అర్థం ఇచ్చారు నెటిజన్స్. K- కేసరి, C- చిచ్చా, P- పండుగ D- దావత్ అంటూ ట్విటర్ లో వైరల్ చేస్తున్నారు.

భగవంత్ కేసరి సినిమాలో బాలయ్య పోలీసుగా మరో పాత్ర చేశాడు. దానికి సంబంధించిన వీడియో నెట్టింట్లో వైరల్ అవుతోంది.

భగవంత్ కేసరి సినిమాలో కాజల్ అగర్వాల్ హీరోయిన్ గా కాకుండా కేవలం సైడ్ రోల్ చేసిందని అంటున్నారు. ఎందుకంటే ఆమె ఫస్టాఫ్ లో కేవలం 15 నిమిషాలు మాత్రమే కనిపించిందట.

బాలయ్య తన కంఫర్ట్ జోన్ నుంచి బయటకు వచ్చారంటూ మరొక నెటిజన్ రాసుకొచ్చాడు. ఇలాంటి కథలకు ఫ్యామిలీ ఆడియెన్స్ కనెక్ట్ అవుతారు. బాలకృష్ణ రెగ్యులర్ కమర్షియల్ సినిమాలా భగవంత్ కేసరిని ఊహించుకోవద్దు. ఇది వాటన్నికంటే భిన్నంగా చాలా బాగుంది. సినిమాకు పండుగ కలిసి వస్తుంది అని ఒక నెటిజన్ ట్విటర్ లో పేర్కొన్నాడు.

భగవంత్ కేసరి సినిమాలో ఎంట్రీ సీన్ నుంచి కొత్త బాలయ్యను చూస్తారని పలువురు అంటున్నారు. టెడ్డీ బాయ్ ఇరగదీసాడు. అన్ని చాలా బాగా వర్కౌట్ అయ్యాయని, సినిమాటోగ్రఫీ వేరే లెవెల్.. వర్త్ వర్మ.. వర్త్ అంటూ ట్వీట్స్ చేస్తున్నారు.

భగవంత్ కేసరి సినిమాలో ఎన్నడూ చూడని అవతారంలో బాలకృష్ణ కనిపించాడు. అలాగే మొదటిసారి తెలంగాణ స్లాంగ్ లో మాట్లాడి ఆకట్టుకున్నాడు. అయితే సినిమాలో పది నిమిషాల పాటు ఉండే పోలీస్ పాత్ర బాలయ్యకు సూట్ కాలేదని టాక్ వస్తోంది.

అఖండ, వీర సింహా రెడ్డి వంటి భారీ బ్లాక్ బస్టర్ హిట్ సినిమాల తర్వాత చేసిన బాలకృష్ణ చేసిన మూవీ భగవంత్ కేసరి. ఈ సినిమాతో హ్యాట్రిక్ హిట్ కొట్టేందుకు బాలకృష్ణ చూస్తున్నాడు. అయితే, ఈ మూవీకి ఇప్పటికే పలు చోట్ల ప్రీమియర్స్ పడగా.. బ్లాక్ బస్టర్ హిట్ అని టాక్ వస్తోంది. ఇక దర్శకుడు అనిల్ రావిపూడికి గుడి కడతామంటూ ఫ్యాన్స్ అంటున్నారు.