Arjun Kapoor on Malaika Arora pregnancy: ఇంతలా దిగజారుతారా అంటూ మలైకా ప్రెగ్నెన్సీ వార్తలపై అర్జున్‌ సీరియస్‌-arjun kapoor on malaika arora pregnancy expressed his anger over this fake news ,ఎంటర్‌టైన్‌మెంట్ న్యూస్
తెలుగు న్యూస్  /  Entertainment  /  Arjun Kapoor On Malaika Arora Pregnancy Expressed His Anger Over This Fake News

Arjun Kapoor on Malaika Arora pregnancy: ఇంతలా దిగజారుతారా అంటూ మలైకా ప్రెగ్నెన్సీ వార్తలపై అర్జున్‌ సీరియస్‌

HT Telugu Desk HT Telugu
Nov 30, 2022 06:16 PM IST

Arjun Kapoor on Malaika Arora pregnancy: ఇంతలా దిగజారుతారా అంటూ మలైకా అరోరా ప్రెగ్నెన్సీ వార్తలపై చాలా ఘాటుగా స్పందించాడు అర్జున్‌ కపూర్‌. ఈ ఇద్దరూ డేటింగ్‌లో ఉన్న విషయం తెలిసిందే.

మలైకా అరోరా, అర్జున్ కపూర్
మలైకా అరోరా, అర్జున్ కపూర్ (Varinder Chawla)

Arjun Kapoor on Malaika Arora pregnancy: బాలీవుడ్‌ సెలబ్రిటీ కపుల్‌ మలైకా అరోరా, అర్జున్‌ కపూర్‌ పెళ్లి చేసుకోకపోయినా లివిన్‌ రిలేషన్‌షిప్‌ కొనసాగిస్తున్నారు. అర్బాజ్‌ఖాన్‌తో తెగదెంపుల తర్వాత మలైకా.. అర్జున్‌తో డేటింగ్‌లో ఉంది. అయితే ఈ మధ్య మలైకా అరోరా ప్రెగ్నెంట్‌ అన్న వార్తలు వస్తున్నాయి. దీనిపై అర్జున్‌ చాలా ఘాటుగా స్పందించాడు.

తన ఇన్‌స్టాగ్రామ్‌లో ఈ పుకార్లను తీవ్రంగా ఖండించాడు. ఈ వార్త రాసిన జర్నలిస్ట్‌, న్యూస్‌ పోర్టల్‌పై విరుచుకుపడ్డాడు. ఇంతకంటే దిగజారడానికి మరొకటి ఉండదని చాలా ఘాటుగా స్పందించాడు. తమ వ్యక్తిగత జీవితాలతో ఆడుకునే సాహసం చేయొద్దని హెచ్చరించాడు.

"ఇంతకంటే దిగజారుడుతనం మరొకటి ఉండదు. ఇలాంటి చెత్త వార్తను నువ్వు ఎంతో క్యాజువల్‌గా, ఏమాత్రం ఫీలింగ్స్ లేకుండా, అనైతికంగా రాశావు. ఈ జర్నలిస్ట్‌ చాలా రోజులుగా ఇలాంటి వార్తలే రాస్తున్నారు. ఇలాంటి ఫేక్‌ గాసిప్‌ వార్తలను మేము పెద్దగా పట్టించుకోము కాబట్టి నువ్వు బతికిపోతున్నావ్‌. అలా అని వదిలేయలేం. మా వ్యక్తిగత జీవితాలతో ఆడుకునే సాహసం చేయకు" అని చాలా గట్టిగా వార్నింగ్‌ ఇచ్చాడు.

అర్జున్‌, మలైకా తమ తొలి బిడ్డను ఎక్స్‌పెక్ట్‌ చేస్తున్నట్లు ఆ వార్త వెల్లడించింది. ఈ ఏడాది లండన్‌ ట్రిప్‌కు వెళ్లిన ఈ ఇద్దరూ ఈ విషయాన్ని తమ సన్నిహితులు, ఫ్రెండ్స్‌కు మాత్రమే చెప్పినట్లు ఆ వార్త తెలిపింది. గత నెలలోనే ఈ జంట లండన్‌ టూర్‌కు వెళ్లి వచ్చింది.

ఇక ఈ మధ్యే మూవింగ్ ఇన్‌ విత్‌ మలైకా ప్రోగ్రామ్‌తో ఓటీటీలోకి ఎంట్రీ ఇస్తున్న మలైకా అరోరా కూడా తన ఎంగేజ్‌మెంట్‌ అనే వార్తలకు ఊతమిచ్చేలా మాట్లాడింది. ప్రస్తుతానికి ఈ జంట అటు ఎంగేజ్‌మెంట్‌, ఇటు పెళ్లి విషయంలో ఎలాంటి కమిట్‌మెంట్‌ ఇవ్వలేదు. మూడేళ్ల కిందట ఈ జంట తమ మధ్య ఉన్న రిలేషన్‌షిప్‌ను పబ్లిగ్గా వెల్లడించింది.

WhatsApp channel

టాపిక్

హిందుస్తాన్ టైమ్స్ తెలుగు నుంచి ఎంటర్‌టైన్మెంట్, అలాగే ఓటీటీ తాజా అప్‌డేట్స్ పొందండి.