మీ పిల్లలకు హాలిడేస్‌లో కచ్చితంగా చూపించాల్సిన మైథలాజికల్ యానిమేషన్ మూవీస్.. ఏ ఓటీటీలో చూడాలంటే..

ఓటీటీలో ఎన్నో జానర్ల సినిమాలు అందుబాటులో ఉన్నాయి. వాటిలో పిల్లలకు సంబంధించిన కంటెంట్ కూడా చాలానే ఉంది. ఈ సమ్మర్ హాలిడేస్ లో మీ పిల్లలకు భారత పురాణ, ఇతిహాసాల గురించి చెప్పాలని మీరు అనుకుంటే.. ఇప్పుడు చెప్పబోయే యానిమేటెడ్ సినిమాలను చూపించండి. నెట్‌ఫ్లిక్స్, అమెజాన్ ప్రైమ్ వీడియ్, జియోహాట్‌స్టార్, యూట్యూబ్‌లాంటి ఓటీటీ ప్లాట్‌ఫామ్స్ లో వీటిని చూడొచ్చు.

1.బాల్ గణేష్ - ప్రైమ్ వీడియో

పిల్లలకు ఎంతో ఇష్టమైన దేవుడు గణపతి. అలాంటి దేవుడి మహిహలు, ఆయన చేసిన అడ్వెంచర్లను యానిమేషన్ రూపంలో తీసుకొచ్చిన మూవీ బాల్ గణేష్. దీనిని ప్రైమ్ వీడియోలో చూడొచ్చు. జియోహాట్‌స్టార్ లోనూ అందుబాటులో ఉంది.

2. మహాభారత్ (2013) - జియోహాట్‌స్టార్

మన దేశానికి చెందిన మరో గొప్ప ఇతిహాసం మహాభారతం. దీనిని 2013లో మహాభారత్ పేరుతో ఓ యానిమేటెడ్ సినిమా రూపంలో తీసుకొచ్చారు. దీనిని జియోహాట్‌స్టార్ లో చూడొచ్చు. ఇందులోనే మహాభారత్ ఒరిజినల్ టీవీ సిరీస్ కూడా అందుబాటులో ఉంది.

3. రామాయణ: ది ఎపిక్ - యూట్యూబ్

రాముడి కథను ఎన్నిసార్లు విన్నా, చూసినా బోర్ కొట్టదు. అందుకే రామాయణాన్ని కొన్ని దశాబ్దాలుగా వివిధ రూపాల్లో తెరకెక్కిస్తూనే ఉన్నారు. రామాయణ: ది ఎపిక్ యానిమేషన్ రూపంలో వచ్చిన సినిమా. దీనిని యూట్యూబ్ లో ఫ్రీగా చూడొచ్చు.

4. హనుమాన్ - యూట్యూబ్

హనుమాన్ పుట్టుక నుంచి ఆయన జీవితం మొత్తాన్ని చూపించే యానిమేటెడ్ మూవీ హనుమాన్. 2005లో వచ్చింది. ముఖేష్ ఖన్నా తన వాయిస్ లో హనుమాన్ జీవితాన్ని కళ్లకు కట్టాడు. దీనిని యూట్యూబ్ లో చూడొచ్చు.

5. కృష్ణ ది బర్త్ - ప్రైమ్ వీడియో, జీ5 ఓటీటీ

చిన్ని కృష్ణుడి లీలలు ఈ కృష్ణ ది బర్త్ యానిమేటెడ్ మూవీలో చూపించారు. ఇది ప్రైమ్ వీడియో, జీ5 ఓటీటీ ప్లాట్‌ఫామ్స్ లో అందుబాటులో ఉంది. 2006లో వచ్చిన సినిమా ఇది.

6. ది లెెజెండ్ ఆఫ్ బుద్ధా - ప్రైమ్ వీడియో, జియో హాట్‌స్టార్

బుద్దుడి జీవితం గురించి రూపొందించిన యానిమేషన్ మూవీ ది లెజెండ్ ఆఫ్ బుద్దా. ఈ సినిమాను ప్రైమ్ వీడియో, జియో హాట్‌స్టార్ లలో చూడొచ్చు. 77వ అకాడెమీ అవార్డుల్లో బెస్ట్ యానిమేటెడ్ మూవీ కేటగిరీలో ఈ సినిమాను పంపించినా.. నామినేట్ కాలేకపోయింది.

7. సన్స్ ఆఫ్ రామ్ - ప్రైమ్ వీడియో

సన్స్ ఆఫ్ రామ్ యానిమేషన్ మూవీని లవకుశుల జీవితం ఆధారంగా రూపొందించారు. ఈ సినిమా ప్రైమ్ వీడియోలో అందుబాటులో ఉంది.

8. అర్జున్ ది వారియర్ ప్రిన్స్ - నెట్‌ఫ్లిక్స్

మహాభారతంలోని కీలకపాత్ర అయిన అర్జునుడి ఆధారంగా రూపొందించిన యానిమేషన్ మూవీ ఇది. నెట్‌ఫ్లిక్స్, ప్రైమ్ వీడియోతోపాటు యూట్యూబ్ లోనూ ఈ సినిమాను చూడొచ్చు.