AMB Classic at Airport: హైదరాబాద్ ఎయిర్పోర్టులో మహేష్ బాబు, రానా థియేటర్
AMB Classic at Airport: హైదరాబాద్ ఎయిర్పోర్టులో మహేష్ బాబు, రానా, వెంకటేశ్ కలిసి ఓ డ్రైవ్ ఇన్ థియేటర్ ఏర్పాటు చేయబోతున్నారు. ఇప్పుడీ థియేటర్ లో శంషాబాద్ ఎయిర్ పోర్టులో ప్రత్యేక ఆకర్షణగా నిలవనుంది.
AMB Classic at Airport: టాలీవుడ్ సూపర్ స్టార్ మహేష్ బాబు ఓవైపు సినిమాలతో బిజీగా ఉండటంతోపాటు మరోవైపు ఇతర వ్యాపారాలూ చేస్తున్నాడు. ఇప్పటికే అతడు థియేటర్లు, రెస్టారెంట్ల బిజినెస్ లో ఉన్న విషయం తెలిసిందే. ఏషియన్ సినిమాస్ తో కలిసి ఏఎంబీ సినిమాస్ ప్రారంభించాడు. మరోవైపు అదే ఏషియన్ తో కలిసి చెయిన్ రెస్టారెంట్లూ మొదలుపెట్టాడు.
నిజానికి తెలుగు రాష్ట్రాల్లో ఏషియన్ సినిమాస్ చెయిన్ చాలా పెద్దది. ఇప్పుడదే ఏషియన్ తో కలిసి మహేష్ బాబుతోపాటు వెంకటేశ్, రానా దగ్గుబాటిలు కలిసి శంషాబాద్ లోని రాజీవ్ గాంధీ ఇంటర్నేషనల్ ఎయిర్ పోర్టులో ఓ డ్రైవ్ ఇన్ థియేటర్ ప్రారంభించబోతున్నారు. దీనిపేరు ఏఎంబీ క్లాసిక్. ఇందులో ఏషియన్ అధిపతి సునీల్ నారంగ్ ప్రధాన వాటాదారు.
ఈ థియేటర్ కోసం ఇప్పటికే ఇంటర్నేషనల్ ఎయిర్ పోర్టులో కార్యకలాపాలు నిర్వహించే జీఎంఆర్ గ్రూపుతోనూ ఒప్పందం కుదుర్చుకున్నారు. ఈ డ్రైవ్ ఇన్ థియేటర్ లోనే ఓ ప్రైవేట్ ఎన్క్లోజర్, ఫుడ్ కోర్టు కూడా ఏర్పాటు చేయనున్నారు. వీటి పనులు త్వరలోనే ప్రారంభం కానున్నాయి. ముంబైకి చెందిన ఆర్కిటెక్ట్ కు ఈ థియేటర్ బాధ్యతలు అప్పగించారు.
ఈ ఏడాది దసరా నుంచి ఈ థియేటర్ అందుబాటులోకి వచ్చే అవకాశం ఉంది. తెలుగు రాష్ట్రాల్లోని చాలా సింగిల్ స్క్రీన్ థియేటర్లను ఇప్పటికే ఏషియన్ సినిమాస్ రెనోవేట్ చేయించి నడిపిస్తున్న విషయం తెలిసిందే.
సంబంధిత కథనం
టాపిక్