Telugu News  /  Entertainment  /  Allu Arjun Pushpa To Release In Russia In December First Week
అల్లు అర్జున్
అల్లు అర్జున్

Pushpa Release in Russia: ర‌ష్యాలో రిలీజ్ కానున్న అల్లు అర్జున్ పుష్ప‌

26 November 2022, 10:59 ISTNelki Naresh Kumar
26 November 2022, 10:59 IST

Pushpa Release in Russia: అల్లు అర్జున్ హీరోగా న‌టించిన పుష్ప సినిమా ర‌ష్యాలో రిలీజ్ కానుంది. ఈ సినిమా ప్ర‌మోష‌న్స్ కోసం అల్లు అర్జున్ త్వ‌ర‌లోనే ర‌ష్యా వెళ్ల‌నున్న‌ట్లు స‌మాచారం.

Pushpa Release in Russia: ప్ర‌స్తుతం భాషాభేదాల‌తో సంబంధం లేకుండా వ‌ర‌ల్డ్‌వైడ్‌గా తెలుగు సినిమాలు ప్రేక్ష‌కాద‌ర‌ణ‌ను సొంతం చేసుకుంటున్నాయి. ప్ర‌పంచ‌వ్యాప్తంగా అద్భుత‌మైన వ‌సూళ్ల‌తో ఆర్ఆర్ఆర్ సంచ‌ల‌న సృష్టిస్తోంది. తాజాగా అల్లు అర్జున్ హీరోగా న‌టించిన పుష్ప సినిమా ర‌ష్యాలో రిలీజ్ కాబోతున్న‌ది.

ట్రెండింగ్ వార్తలు

డిసెంబ‌ర్ ఫ‌స్ట్ వీక్‌లో ర‌ష్యాలో ఈ సినిమాను విడుద‌ల‌కానుంది. ఈ సినిమా ప్ర‌మోష‌న్స్ కోసం అల్లు అర్జున్ ర‌ష్యా వెళ్ల‌నున్న‌ట్లు తెలిసింది. స్పెష‌ల్ ప్రీమియ‌ర్స్‌కు అత‌డు హాజ‌రుకాబోతున్న‌ట్లు ప్ర‌చారం జ‌రుగుతోంది. త్వ‌ర‌లోనే ఈ ప్రీమియ‌ర్ డేట్స్ రివీల్ కానున్నాయి. గ‌త ఏడాది డిసెంబ‌ర్‌లో పుష్ప సినిమా ప్రేక్ష‌కుల ముందుకొచ్చింది.

వ‌ర‌ల్డ్ వైడ్‌గా దాదాపు నాలుగు వంద‌ల కోట్ల క‌లెక్ష‌న్స్ రాబ‌ట్టిన ఈ సినిమా క‌రోనా సెకండ్ వేవ్ త‌ర్వాత ఫ‌స్ట్ బిగ్గెస్ట్ హిట్‌గా నిలిచింది. బాలీవుడ్‌లో వంద కోట్ల‌కుపైగా క‌లెక్ష‌న్స్ రాబ‌ట్టింది. పుష్ప‌రాజ్‌గా బ‌న్నీ పాత్ర‌ను ద‌ర్శ‌కుడు సుకుమార్ డిజైన్ చేసిన విధానంతో పాటు అత‌డి మేన‌రిజ‌మ్స్ అభిమానుల‌ను ఆక‌ట్టుకున్నాయి.

ప్ర‌స్తుతం ఈ సినిమాకు పుష్ప ది రూల్ పేరుతో సీక్వెల్‌నుతెర‌కెక్కుతోంది. త్వ‌ర‌లోనే ఈ సీక్వెల్ రెగ్యుల‌ర్ షూటింగ్ మొద‌లుకానుంది. ర‌ష్మిక మంద‌న్న హీరోయిన్‌గా న‌టిస్తోంది. ఫ‌హాద్ ఫాజిల్ విల‌న్‌గా క‌నిపించ‌బోతున్నాడు. పుష్ప పార్ట్ 1 సంచ‌ల‌న విజ‌యం సాధించడంతో సీక్వెల్ కోసం అభిమానులు ఆస‌క్తిగా ఎదురుచూస్తున్నారు. వ‌చ్చే ఏడాది చివ‌ర‌లో పుష్ప -2 ప్రేక్ష‌కుల ముందుకు వ‌చ్చే అవ‌కాశం ఉన్న‌ట్లు స‌మాచారం.