OTT: అక్షయ్ కుమార్ లేెటెస్ట్ సినిమాకు ఓటీటీ పార్ట్‌నర్ ఫిక్స్
Kesari Chapter 2 OTT: కేసరి చాప్టర్ 2 చిత్రం థియేటర్లలో విడుదలయ్యేందుకు రెడీ అయింది. ఈలోగానే ఈ సినిమా ఓటీటీ పార్ట్‌నర్ ఏదో వెల్లడైంది. థియేట్రికల్ రన్ తర్వాత స్ట్రీమింగ్‍కు వస్తుంది.
బాలీవుడ్ హీరో అక్షయ్ కుమార్ ప్రధాన పాత్ర పోషించిన ‘కేసరి చాప్టర్ 2: ది అన్‍టోల్డ్ స్టోరీ ఆఫ్ ది జలియన్ వాలాబాగ’ సినిమాపై ఎక్కువ ఆసక్తి నెలకొంది. ఈ చిత్రం ఈ శుక్రవారం ఏప్రిల్ 18వ తేదీన థియేటర్లలో విడుదల కానుంది. జలియన్ వాలాబాగ్ మారణహోమం గురించి ఈ చిత్రం తెరకెక్కింది. కాగా, ఈ కేసరి చాప్టర్ 2 సినిమా ఓటీటీ హక్కుల గురించి సమాచారం వెల్లడైంది.
ఓటీటీ పార్ట్‌నర్ ఇదే
కేసరి చాప్టర్ 2 సినిమా డిజిటల్ స్ట్రీమింగ్ హక్కులను జియోహాట్‍స్టార్ ఓటీటీ సొంతం చేసుకుంది. థియేట్రికల్ రన్ తర్వాత ఈ మూవీ ఆ ఓటీటీలో స్ట్రీమింగ్‍కు వస్తుంది. జూన్‍లో ఈ సినిమా జియోహాట్‍స్టార్ ఓటీటీలో అడుగుపెట్టే ఛాన్స్ ఉంది.
కోర్ట్‌రూమ్ డ్రామాగా..
హిస్టారిక్ కోర్ట్‌రూమ్ డ్రామా మూవీ కేసరి చాప్టర్ 2 సినిమాకు కరణ్ సింగ్ త్యాగీ దర్శకత్వం వహించారు. న్యాయవాది, ఇండియన్ నేషనల్ కాంగ్రెస్ అప్పటి అధ్యక్షుడు సి.శంకరన్ నాయర్ పాత్రను ఈ చిత్రంలో అక్షయ్ కుమార్ పోషించారు. 1919 జలియన్ వాలాబాగ్ మారణహోమాన్ని సృష్టించిన బ్రిటీషర్లకు వ్యతిరేకంగా కోర్టులో పోరాడారు శంకరన్. ఆయన పాత్రనే అక్షయ్ చేశారు. భారత స్వాతంత్య్ర పోరాటం కూడా ఈ మూవీ ఉంటుంది.
కేసరి చాప్టర్ 2 మూవీలో ఆర్.మాధవన్ కూడా కీలకపాత్ర పోషించారు. బ్రిటీషర్ల తరఫున వాదించిన లాయర్ నేవిల్లే మెక్‍కిన్లే క్యారెక్టర్‌ను ఆయన చేశారు. అనన్య పాండే, రెజీనా కసాండ్రా, సైమన్ పైస్లే డే, విశాఖ్ నాయర్, అమిత్ సియాల్ కీలకపాత్రలు పోషించారు.
కేసరి చాప్టర్ 2 మూవీని ధర్మ ప్రొడక్షన్స్, లియో మీడియా కలెక్టివ్, కేప్ ఆఫ్ గుడ్ ఫిల్మ్స్ పతాకాలు నిర్మించాయి. సుమారు రూ.200కోట్ల బడ్జెట్‍తో ఈ చిత్రం రూపొందినట్టు అంచనా. ఈ చిత్రానికి శష్వంత్ సచ్‍దేవ్ సంగీతం అందించారు.
2019లో కేసరి చిత్రం వచ్చింది. బ్రిటీష్ ఆర్మీపై 21 మంది సిక్కు యోధులు పోరాడిన సరాగర్హి పోరాటం చుట్టూ ఈ మూవీ తెరకెక్కింది. అప్పట్లో బ్లాక్‍బస్టర్ అయింది. ఆ సినిమాకు అనురాగ్ సింగ్ దర్శకత్వం వహించారు. ఈ ఫ్రాంచైజీలో రెండో చిత్రంగా కేసరి చాప్టర్ 2 వస్తోంది. అయితే, సీక్వెల్ మాత్రం కాదు.
Chatakonda Krishna Prakash
సంబంధిత కథనం