Shahrukh Khan Deepika Padukone: అప్పుడు హీరోయిన్ - ఇప్పుడు స్పెషల్ సాంగ్ - జవాన్ కోసం మరోసారి హిట్ కాంబో?
Shahrukh Khan Deepika Padukone: పఠాన్ తర్వాత మరోసారి షారుఖ్ఖాన్, దీపికా పడుకోణ్ జోడీ సిల్వర్ స్క్రీన్పై మెరవనుంది. వీరిద్దరు కలిసి చేయబోతున్న ఆ సినిమా ఏదంటే...
Shahrukh Khan Deepika Padukone: షారుఖ్ఖాన్, దీపికాపడుకోణ్ జంటగా నటించిన పఠాన్ సినిమా బాలీవుడ్ చరిత్రలోనే అత్యధిక కలెక్షన్స్ రాబట్టిన సినిమాగా చరిత్రను సృష్టించింది.. సిద్ధార్థ్ ఆనంద్ దర్శకత్వంలో స్పై యాక్షన్ థ్రిల్లర్గా తెరకెక్కిన ఈ సినిమా 1050 కోట్లకుపైగా కలెక్షన్స్ దక్కించుకొని రికార్డులను తిరగరాసింది.
ఈ సూపర్ హిట్ మూవీ తర్వాత మరోసారి షారుఖ్ఖాన్, దీపికా పడుకోణ్ జోడీ సిల్వర్స్క్రీన్పై మెరవబోతున్నది. పఠాన్ తర్వాత అట్లీ దర్శకత్వంలో జవాన్ అనే సినిమాచేస్తోన్నాడు షారుఖ్ఖాన్. యాక్షన్ థ్రిల్లర్ కథాంశంతో రూపొందుతోన్న ఈసినిమాలో నయనతార హీరోయిన్గా నటిస్తోంది.
ఈ సినిమాలో దీపికా పడుకోణ్ ఓ స్పెషల్ సాంగ్లో నటించబోతున్నట్లు బాలీవుడ్లో ప్రచారం జరుగుతోంది. మాస్ ప్రేక్షకుల్ని అలరించేలా ఓ స్పెషల్ సాంగ్ను ప్రత్యేకంగా మ్యూజిక్ డైరెక్టర్ అనిరుధ్ కంపోజ్ చేయబోతున్నట్లు సమాచారం.
ఏప్రిల్ సెకండ్ వీక్ తర్వాత ముంబైలో ఈ పాట చిత్రీకరణను మొదలుపెట్టే అవకాశం ఉన్నట్లు చెబుతోన్నారు. షారుఖ్ఖాన్, నయనతారతో పాటు దీపికా పడుకోణ్పై షూట్ చేయనున్న ఈ పాట సినిమాకు హైలైట్గా నిలుస్తోందనిఅంటున్నారు.
జూన్ 2న హిందీతో పాటు తెలుగు, తమిళ భాషల్లో జవాన్ సినిమాను రిలీజ్ కానుంది. ఈ సినిమాలో కోలీవుడ్ నటుడు విజయ్ సేతుపతి విలన్గా కనిపించబోతున్నాడు. జవాన్ సినిమాతోనే నయనతార బాలీవుడ్లోకి ఎంట్రీ ఇవ్వబోతున్నది. జవాన్ సినిమాలో తమిళ అగ్ర నటుడు విజయ్తో పాటు సంజయ్దత్ అతిథి పాత్రల్లో నటించబోతున్నట్లు ప్రచారం జరుగుతోంది. ప్రియమణి కీలక పాత్రలో నటిస్తోంది.