Aadi Saikumar: మాస్ ఎంటర్టైనర్‌గా ‘తీస్ మార్ ఖాన్' ట్రైలర్.. ఓ లుక్కేయండి

ఆది సాయి కుమార్ హీరోగా రూపొందిన సరికొత్త చిత్రం తీస్ మార్ ఖాన్. ఇందులో పాయల్ రాజ్‌పుత్ హీరోయిన్‌గా చేస్తోంది. కల్యాణ్ జీ గోగుల దర్శకత్వం వహించిన ఈ సినిమా టీజర్, పాటు ఇప్పటికే విడుదలై సినిమాపై అంచనాలు పెంచేశాయి. ముఖ్యంగా ఇటీవల పాయల్ రాజ్‌పుత్-ఆదిపై వచ్చిన రొమాంటిక్ మెలోడీ ప్రేక్షకులను ఆకట్టుకుంది. తాజాగా ఈ సినిమా ట్రైలర్‌ను విడుదల చేశారు మేకర్స్.

పర్పెక్ట్ మాస్ మసాలా యాక్షన్‌గా తెరకెక్కిన తీస్ మార్ ఖాన్ ట్రైలర్ ఆకట్టుకుంటోంది. "మా అమ్మను తప్పుగా చూశారు. మా అమ్మ జోలికి వస్తే ఏ అమ్మ కొడుకునైనా కొడతా" అనే సంభాషణతో ఈ సినిమా ట్రైలర్ ప్రారంభమవుతుంది. ఇందులో సన్నివేశాలను చూస్తంటు మాస్ ఎంటర్టైనర్‌గా తెరకెక్కినట్లు తెలుస్తోంది. ఆది లుక్స్, స్టైల్, డైలాగ్ డెలివరీ ఆకట్టుకునేలా ఉన్నాయి.

ఇందులో ఆది మూడు విభిన్న పాత్రల్లో కనిపించనున్నాడని తెలుస్తోంది. స్టూడెంట్, రౌడీ, పోలీస్ అధికారి ఇలా మూడు వైవిధ్యమైన రోల్స్ ఆదిని చూడబోతున్నాం. సునీల్, పూర్ణ, కబీర్ సింగ్, అనూప్ సింగ్ ఠాకూర్ కీలక పాత్రల్లో నటించారు. మాస్ యాక్షన్ థ్రిల్లర్‌గా తెరకెక్కిన ఈ చిత్రంపై ప్రేక్షకుల్లో భారీ అంచనాలు ఏర్పడ్డాయి.

ఈ సినిమాకు ప్రొడక్షన్ నెంబర్ 3, విజన్ సినిమాస్ పతాకంపై ప్రముఖ వ్యాపారవేత్త డాక్టర్ నాగం తిరుపతి నిర్మాతగా వ్యవహరించారు. ఆది కెరీర్‌లోనే అత్యంత భారీ బడ్జెట్‌తో ఈ సినిమా నిర్మిస్తున్నట్లు తెలుస్తోంది. ఆది సాయికుమార్ సరసన పాయల్ రాజ్ పుత్ హీరోయిన్‌గా చేసింది.నాటకం సినిమాకు దర్శకత్వం వహించిన కల్యాణ్ జీ గోగన ఈ చిత్రానికి దర్శకత్వం వహించారు. ఈ సినిమా ప్రపంచ వ్యాప్తంగా ఆగస్టు 19న ప్రేక్షకుల ముందుకు రానుంది.