మహారాష్ట్ర, జార్ఖండ్ అసెంబ్లీ ఎన్నికలకు మోగనున్న నగారా.. నేడు షెడ్యూలు విడుదల

మహారాష్ట్ర, జార్ఖండ్ రాష్ట్రాల అసెంబ్లీ ఎన్నికల షెడ్యూల్ ను కేంద్ర ఎన్నికల సంఘం ఈ రోజు మధ్యాహ్నం 3.30 గంటలకు ప్రకటించనుంది.మహారాష్ట్ర అసెంబ్లీ కాలపరిమితి నవంబర్ 26న ముగియనుండగా, జార్ఖండ్ అసెంబ్లీ పదవీకాలం 2025 జనవరి 5న ముగియనుంది. మహారాష్ట్రలో 288, జార్ఖండ్ లో 81 స్థానాలు ఉన్నాయి.

మహారాష్ట్ర ఎన్నికల్లో భారతీయ జనతా పార్టీ (బీజేపీ), శివసేన-ఏక్నాథ్ షిండే, ఎన్సీపీ-అజిత్ పవార్, మహా వికాస్ అఘాడీ (ఎంవీఏ) కూటమి, శివసేన (యూబీటీ), ఎన్సీపీ- శరద్ పవార్, కాంగ్రెస్‌ల మధ్య ద్విముఖ పోరు జరగనుంది. 2019లో బీజేపీ, అవిభాజ్య శివసేన కూటమి అధికారంలోకి వచ్చింది.

జార్ఖండ్‌లో బీజేపీ, జనతాదళ్ (యునైటెడ్), ఆల్ జార్ఖండ్ స్టూడెంట్స్ యూనియన్ (ఏజేఎస్యూ)లతో కూడిన జాతీయ ప్రజాస్వామ్య కూటమి (ఎన్డీఏ)తో అధికార జార్ఖండ్ ముక్తి మోర్చా (జేఎంఎం) పోటీ పడుతోంది. 2019 ఎన్నికల్లో హేమంత్ సోరెన్ నేతృత్వంలోని జేఎంఎం 30 సీట్లు గెలుచుకోగా, కాంగ్రెస్ 16 సీట్లు గెలుచుకోవడంతో సోరెన్ ముఖ్యమంత్రిగా ప్రమాణ స్వీకారానికి మార్గం సుగమమైంది.

ఇటీవల ముగిసిన హర్యానా, జమ్ముకశ్మీర్ అసెంబ్లీ ఎన్నికల తర్వాత మహారాష్ట్ర, జార్ఖండ్ రాష్ట్రాలకు ఎన్నికలు జరగనున్నాయి. హరియాణాలో బీజేపీ వరుసగా మూడోసారి విజయం సాధించి చరిత్ర సృష్టించింది.

జమ్ముకశ్మీర్ ఎన్నికల్లో నేషనల్ కాన్ఫరెన్స్-కాంగ్రెస్ కూటమి విజయం సాధించింది. హరియాణా, జమ్ముకశ్మీర్ ముఖ్యమంత్రులు ఈ వారంలో ప్రమాణ స్వీకారం చేయనున్నారు.