Telangana Loksabha Results 2024 : తెలంగాణ లోక్ సభ ఎన్నికలు - ప్రారంభమైన 'కౌంటింగ్'

Telangana Loksabha Election Results 2024 : తెలంగాణలోని 17 పార్లమెంట్ స్థానాల్లో ఎన్నికల కౌంటింగ్ ప్రక్రియ ప్రారంభమైంది. ముందుగా పోస్టల్ ఓట్లను లెక్కిస్తున్నారు. ఆ తర్వాత సాధారణ ఓట్లను లెక్కించనున్నారు.

తొలి ఫ‌లితం మ‌ధ్యాహ్నం ఒంటి గంట‌ వ‌ర‌కు వెలువ‌డే అవ‌కాశం ఉంది. తుది ఫ‌లితం సాయంత్రం 6 గంట‌ల వ‌ర‌కు వ‌చ్చే అవ‌కాశం ఉందని తెలుస్తోంది. తొలి ఫ‌లితం నిజామాబాద్ లోక్‌స‌భ నియోజ‌క‌ వ‌ర్గంలో వెలువ‌డ‌నుంది.

క‌రీంన‌గ‌ర్, న‌ల్ల‌గొండ‌, హైద‌రాబాద్ నియోజ‌క‌వ‌ర్గాల ఫ‌లితాలు చివ‌ర‌లో వెలువ‌డే అవ‌కాశం ఉంది. ఈ నియోజ‌క‌ వ‌ర్గాల్లో 24 రౌండ్ల చొప్పున ఓట్ల లెక్కింపు పూర్తి కానుంది.

తెలంగాణలోని మొత్తం 17 లోక్ సభ నియోజకవర్గాల్లో కాంగ్రెస్, బీజేపీ, బీఆర్‌ఎస్ అభ్యర్థులు సహా మొత్తం 525 మంది పోటీలో ఉన్నారు.ఎలాంటి అవాంఛనీయ ఘటనలు చోటుచేసుకోకుండా ఇవాళ ఉదయం 6 గంటల నుంచే 144 సెక్షన్‌ అమల్లోకి తీసుకొచ్చారు.

నియోజ‌క‌వ‌ర్గాల వారీగా రౌండ్ల వివ‌రాలు :

• ఆదిలాబాద్ – 23
• పెద్ద‌ప‌ల్లి – 21
• క‌రీంన‌గ‌ర్ – 24
• నిజామాబాద్ – 15
• జ‌హీరాబాద్ – 23
• మెద‌క్ – 23
• మ‌ల్కాజ్‌గిరి – 21
• సికింద్రాబాద్ – 20
• హైద‌రాబాద్ – 24
• చేవెళ్ల – 23
• మ‌హ‌బూబ్‌ న‌గ‌ర్ – 21
• నాగ‌ర్‌క‌ర్నూల్ – 22
• న‌ల్ల‌గొండ – 24
• భువ‌న‌గిరి – 23
• వ‌రంగ‌ల్ – 18
• మ‌హ‌బూబాబాద్ – 22
• ఖ‌మ్మం – 21