USA T20 world cup squad : అమెరికా టీ20 వరల్డ్​ కప్​ జట్టులో.. సగం మంది భారత ప్లేయర్లే!

USA T20 world cup team : ఇంకొన్ని వారాల్లో జరగనున్న టీ20 వరల్డ్​ కప్​ 2024ని వెస్టిండీస్​తో పాటు అమెరికా నిర్వహిస్తున్న విషయం తెలిసిందే. ఇక ఇప్పుడు.. అమెరికా.. తన టీ20 వరల్డ్​ కప్​ జట్టును ప్రకటించింది. ఇందులో చాలా మంది భారత ప్లేయర్లు కనిపిస్తున్నారు. వీరిలో చాలా మంది రంజీతో పాటు ఐపీఎల్​ కూడా ఆడిన వారున్నారు.

యూఎస్​ఏ టీ20 వరల్డ్​ కప్​ జట్టులో భారతీయులు..

2018-19 రంజీ ట్రోఫీలో టాప్​ స్కోరర్​గా నిలిచిన మాజీ దిల్లీ బ్యాటర్​ మిలింద్​ కుమార్​.. యూఎస్​ఏ టీ20 వరల్డ్​ కప్​ జట్టులో చోటు సంపాదించుకున్నాడు. నాటి రంజీ సీజన్​లో సిక్కిం తరఫున ఆడి.. 1331 రన్స్​ చేశాడు మిలింద్​ కుమార్​. దిల్లీతో పాటు సిక్కిం, త్రిపుర తరఫున కూడా ప్రాతినిథ్యం వహించాడు. అంతేకాదు.. ఐపీఎల్​లో దిల్లీ డేర్​డెవిల్స్​ (ప్రస్తుతం దిల్లీ క్యాపిటల్స్​), రాయల్​ ఛాలెంజర్స్​ బెంగళూరు ఆర్సీబీ తరఫున కూడా ఆడాడు. 7 రంజీ సీజన్​లు ఆడిన అతను.. మెరుగైన అవకాశాల కోసం కొన్నేళ్ల క్రితం అమెరికాకు వలస వెళ్లిపోయాడు. 2021లో ఫిలడెల్ఫియన్స్​ మైనర్​ క్రికెట్​ లీగ్​తో అమెరికాలో అరంగేట్రం చేశాడు.

ఇక యూఎస్​ఏ టీ20 వరల్డ్​ కప్​ 2024 జట్టుకు కెప్టెన్​గా ఎంపికైన మోనిక్​ పటేల్​ కూడా భారతీయుడే. అతను.. గుజరాత్​లో జన్మించాడు.

USA T20 world cup sqaud : ఇక ముంబై మాజీ లెఫ్ట్​ ఆర్మ్​ స్పిన్నర్​ హర్మీత్​ సింగ్​కి కూడా.. అమెరికా టీ20 వరల్డ్​ కప్​ జట్టులో చోటు దక్కింది. ఈ 31ఏళ్ల ఆటగాడు.. 2012లో అండర్​-19 వరల్డ్​ కప్​ ఆడాడు. 2013లో రాజస్థాన్​ రాయల్స్​కి ప్రాతినిథ్యం వహించాడు. త్రిపుర తరఫున డొమెస్టిక్​ క్రికెట్​ ఆడాడు. 2021లో అమెరికా క్రికెట్​ ఆడటం మొదలుపెట్టాడు. మైనర్​ లీగ్​ క్రికెట్​లో సియాటెల్​ థండర్​బోల్ట్స్​కి కెప్టెన్సీ వహించాడు.

మరో ముంబై పేసర్​ సౌరభ్​ నేత్రావల్కర్​కి కూడా యూఎస్​ఏ టీ20 వరల్డ్​ కప్​ జట్టులో స్థానం లభించింది. 2010 అండర్​ 19 వరల్డ్​ కప్​ ఆడాడు సౌరభ్​. కేఎల్​ రాహుల్​, జయదేవ్​ ఉనడ్కత్​, మయాంక్​ అగర్వాల్​లు ఈ అండర్​ 19 వరల్డ్​ కప్​ జట్టు నుంచి వచ్చిన వారే.

అయితే.. 2012 అండర్​ 19 వరల్డ్​ కప్​ విన్నింగ్​ టీమ్​ కెప్టెన్​ ఉన్ముక్​ చాంద్​, వికెట్​ కీపర్​ స్మిత్​ పటేల్​లకు.. యూఎస్​ఏ టీ20 వరల్డ్​ కప్​ 2024 జట్టులో చోటు దక్కలేదు!

USA T20 world cup sqaud 2024 : భారతీయులే కాదు.. ఇతర దేశాల నుంచి కూడా అమెరికాకు వలస వెళ్లిన వారున్నారు. వారిలో ప్రముఖంగా వినిపించే పేరు కోరి ఆండర్సన్​. ఈ న్యూజిలాండ్​ మాజీ ఆల్​రౌండర్​కి ఇప్పుడు యూఏఎస్​ టీ20 వరల్డ్​ కప్​ జట్టులో చోటు దక్కింది. 2015 వరల్డ్​ కప్​, 2014-2016 టీ20 వరల్డ్​ కప్స్​లో న్యూజిలాండ్​ తరఫున ఆడిన అతను.. 2023లో అమెరికాకు వెళ్లిపోయాడు. గత నెలలో.. ఓ టీ20 లీగ్​లో ఆడాడు.

పాకిస్థాన్​కు చెందిన అలి ఖాన్​కి కూడా రాబోయే ప్రపంచ కప్​లో చోటు దక్కింది. అతను 2010లో కోల్​కతా నైట్​ రైడర్స్​ జట్టు తరఫున ఆడాడు.

టీ20 వరల్డ్​ కప్​లో.. ఇండియా, పాకిస్థాన్​, ఐర్లాండ్​లు ఉన్న గ్రూప్​ ఏలోనే.. యూఎస్​ఏ కూడా చోటు దక్కింది.

యూఎస్​ఏ టీ20 వరల్డ్​ కప్​ స్క్వాడ్​..

T20 world cup 2024 : మోనిక్​ పటేల్​ (కెప్టెన్​, వికెట్​ కీపర్​), ఆరోన్​ జోన్స్​ (వైస్​ కెప్టెన్​), ఆండ్రిస్​ గౌస్​, కోరి ఆండర్సన్​, అలీ ఖాన్​, హర్మీత్​ సింగ్​, జెస్సి సింగ్​, మిలింద్​ కుమార్​, నిసర్గ్​ పటేల్​, నితీశ్​ కుమార్​, నోషుతోష్​ కెంజిగి, సౌరభ్​ నేత్రవాల్కర్​, షాడ్లీ వాన్​, స్టీవెన్​ టేలర్​, షయన్​ జహంగీర్​.