Team India T20 World Cup jersey : 'చెత్తలా ఉంది'- టీమిండియా టీ20 వరల్డ్​ కప్​ జెర్సీపై ఫ్యాన్స్​!

Team India T20 World Cup : టీమిండియా టీ20 వరల్డ్​ కప్​ జట్టు వివరాలు కొన్ని రోజుల క్రితం బయటకు వచ్చాయి. ఇక ఇప్పుడు.. టీమిండియా టీ20 వరల్డ్​ కప్​ జెర్సీ..ఆన్​లైన్​లో లీక్​ అయ్యింది. కొత్త జెర్సీకి సంబంధించిన కొన్ని ఫొటోలు.. సోషల్​ మీడియాలో వైరల్​గా మారాయి.

టీమిండియా టీ20 వరల్డ్​ కప్​ జెర్సీ..

వైరల్​గా మారిన ఫొటోల ప్రకారం.. టీమిండియా జెర్సీలో.. వీ షేప్​ నెక్​కి ట్రై కలర్​ స్ట్రిప్స్​ ఉన్నాయి. పూర్తి బ్లూ రంగు కాకుండా.. ఈసారి జెర్సీలో బ్లూతో పాటు కాషాయం రంగు కూడా ఉంది. అడిడాస్​కి చెందిన లోగో.. జెర్సీ కుడివైపు ఉంది. బీసీసీఐ లోగో ఎడమవైపు ఉంది.

సోషల్​ మీడియాలో వైరల్​గా మారిన టీమిండియా జెర్సీ ఫొటోను ఇక్కడ చూడండి :

అయితే.. ఈ కొత్త జెర్సీకి మిశ్రమ స్పందన లభిస్తోంది. కొందరు.. టీమిండియా టీ20 వరల్డ్​ కప్​ జెర్సీ బాగుంది అని అంటుంటే.. ఇంకొందరు బాలేదంటున్నారు.

"ఇది చెత్తలా ఉంది," అని ఓ నెటిజెన్​ కామెంట్​ చేశారు.

T20 worldcup latest news : "మూడ్​ అంతా పాడైపోయింది. ఈ టీమిండియా జెర్సీని ఎవరు డిజైన్​ చేశారు?" అని మరో వ్యక్తి రాసుకొచ్చారు.

"వావ్​. లవ్లీ జెర్సీ. వీ-షేప్​ నెక్​ బాగా నచ్చింది," అని మరో వ్యక్తి పొగిడారు.

"నైస్​" అని ఒకరంటే.. "దారుణంగా ఉంది" అని ఇంకొకరు అన్నారు.

మరి ఈ టీమిండియా టీ20 వరల్డ్​ కప్​ జెర్సీ మీకెలా అనిపించింది?

టీమిండియా టీ20 వరల్డ్​ కప్​ స్క్వాడ్​..

Team India T20 World Cup squad : ప్రస్తుతం ఐపీఎల్​ 2024 జోష్​లో ఉన్న క్రికెట్​ అభిమానులకు.. ఆ తర్వాత కూడా టీ20 జోరు కొనసాగుతుంది. జూన్​ మొదటి వారంలో 2024 టీ20 వరల్డ్​ కప్​ మొదలవ్వనుంది. వెస్టిండీస్​- అమెరికాలు ఈ టోర్నీని నిర్వహిస్తున్నాయి.

ఇక ఈ వరల్డ్​ కప్​ కోసం.. టీమిండియా జట్టును ఇటీవలే ప్రకటించింది బీసీసీఐ. కేఎల్​ రాహుల్​, శ్రేయస్​ ఐయ్యర్​, శుభ్​మాన్​ గిల్​కు ఈ 15 సభ్యుల జట్టులో చోటు దక్కలేదు.

టీమిండియా టీ20 వరల్డ్​ కప్​ జట్టు- రోహిత్​ శర్మ (కెప్టెన్​), హర్దిక్​ పాండ్యా (వైస్​ కెప్టెన్​), యశస్వీ జైశ్వాల్​, విరాట్​ కోహ్లీ, సూర్యకుమార్​ యాదవ్​, రిషభ్​ పంత్​, సంజూ సామ్​సన్​, శివమ్​ దూబే, రవీంద్ర జడేజా, అక్షర్​ పటేల్​, కుల్దీప్​ యాదవ్​, యుజ్వేందర్​ చాహల్​, ఆర్షదీప్​ సింగ్​, జస్ప్రీత్​ బుమ్రా, మహమ్మద్​ సిరాజ్​.

రిజర్వ్​ ఆటగాళ్లు:- శుభ్​మాన్​ గిల్​, రింకు సింగ్​, ఆవేశ్​ ఖాన్​, ఖలీల్​ అహ్మద్​