Rohit Sharma : ఐపీఎల్​లో కొనసాగుతున్న రోహిత్​ శర్మ చెత్త ప్రదర్శన- టీ20 వరల్డ్​ కప్​పై ఎఫెక్ట్​?

Rohit Sharma IPL 2024 : టీ20 వరల్డ్​ కప్​కు సమీపిస్తున్న తరుణంలో.. టీమిండియా అభిమానులకు కలవరపాటు! ఐపీఎల్​ 2024లో ముంబై ఇండియన్స్​ మాజీ కెప్టెన్​ రోహిత్​ శర్మ చెత్త ప్రదర్శన కొనసాగుతోంది. సోమవారం.. సన్​రైజర్స్​ హైదరాబాద్​తో జరిగిన మ్యాచ్​లో కూడా ఈ ముంబై ఇండియన్స్​ ఓపెనర్​ దారుణంగా విఫలమయ్యాడు. కేవలం 4 పరుగులు చేసి వెనుదిరిగాడు. అంతేకాదు.. గత 5 ఇన్నింగ్స్​లలో కేవలం 33 పరుగులే చేశాడు రోహిత్​ శర్మ. అతని ప్రదర్శనపై క్రికెట్​ లవర్స్​ అసంతృప్తి వ్యక్తం చేశారు.

రోహిత్​ శర్మకు ఏమైంది..?

ఐపీఎల్​ 2024 నుంచి ముంబై ఇండియన్స్​ జట్టు నిత్యం వార్తల్లో నిలుస్తోంది. రోహిత్​ శర్మ నుంచి కెప్టెన్సీని తీసుకుని హార్దిక్​ పాండ్యాకు అప్పగించింది జట్టు యాజమాన్యం. ఇది ఫ్యాన్స్​కి నచ్చలేదు. జట్టు చెత్త ప్రదర్శనతో మొన్నటివరకు ఐపీఎల్​ 2024 పాయింట్స్​ టేబుల్​లో చివరి స్థానంలో నిలిచింది. వీటన్నింటి మధ్య.. రోహిత్​ శర్మ బ్యాటింగ్​ కూడా ఆందోళనకు గురిచేస్తోంది.

సోమవారం మ్యాచ్​.. ముంబై ఇండియన్స్​కి చాలా కీలకం. అలాంటి మ్యాచ్​లో సన్​రైజర్స్​ హైదరాబాద్​ 173 రన్స్​ చేసింది. 174 పరుగుల టార్గెట్​లో బరిలో దిగిన ముంబై ఇండియన్స్​కు మొదట్లోనే షాక్​ తగిలింది! మొదటి బంతికే 4 కొట్టి ఊపు మీద ఉన్నట్టు కనిపించాడు రోహిత్​. కానీ.. ప్యాట్​ కమిన్స్​ బౌలింగ్​లో ఔట్​ అయ్యాడు. ఫ్లిక్​ షాట్​ ఆడబోయి, బాల్​ ఎడ్జ్​ తీసుకుని గాల్లోకి ఎగిరింది. వికెట్​ కీపర్​ క్లాసెన్​ పట్టుకున్నాడు.

Rohit Sharma stats : రోహిత్​ శర్మను ప్యాట్​ కమిన్స్​ ఔట్​ చేయ్యడం.. టీ20ల్లో ఇది నాలుగో సారి! పైగా.. 41 బాల్స్​ ఆడిన రోహిత్​ చేసింది 57 పరుగులు మాత్రమే! యావరేజ్​ 14.25గా ఉంది.

ఇదీ చూడండి:- MI vs SRH: వాంఖడేలో సూర్య సెంచరీ వీరంగం.. హైదరాబాద్‍ను దెబ్బకొట్టిన ముంబై ఇండియన్స్

సాధారణంగా.. ఐపీఎల్​ ఒక్కటే అయితే రోహిత్​ ప్రదర్శనపై అంత ఆందోళన ఉండదు. కానీ.. త్వరలోనే టీ20 వరల్డ్​ కప్​ ప్రారంభంకానుంది. టీమిండియా ఈసారైనా కప్ కొట్టాలంటే.. కెప్టెన్​గా, ఓపెనర్​గా రోహిత్​ శర్మ రాణించడం చాలా ముఖ్యం.

ఐపీఎల్​ 2024లో రోహిత్​ శర్మ చెత్త ప్రదర్శనపై ఫ్యాన్స్​ అసంతృప్తిగా ఉన్నారు.

"రోహిత్​ శర్మ జెర్సీ నెంబర్​ 4. అతను చేసిన పరుగులు 4. తన జెర్సీ నెంబర్​ని బాగా ప్రమోట్​ చేసుకున్నాడు," అని ఒక నెటిజన్​ సెటైర్​ వేశాడు.

MI vs SRH highlights : "ప్రస్తుత ప్రదర్శనని చూస్తే.. టీ20 వరల్డ్​ కప్​లో రోహిత్​ శర్మ స్థానాన్ని ప్రశ్నించాలి. 15 మంది సభ్యుల్లో.. అతను ఒక్కడే మరీ చెత్తగా ఆడుతున్నాడు," అని ఇంకొకరు అసంతృప్తి వ్యక్తం చేశారు.

"రోహిత్​ శర్మ వెంటనే అజిత్​ అగార్కర్​కి కాల్​ చేసి టీమిండియా కెప్టెన్సీ పదవికి రాజీనామా చేయాలి. ఈ ఫామ్​తో టీ20 వరల్డ్​ కప్​కి వెళ్లలేవు. సారీ నాట్​ సారీ," అని మరొకరు పేర్కొన్నారు.

"రోహిత్​ శర్మ పనైపోయింది. టీ20ల్లో రోహిత్​ పెద్దగా ఆడట్లేదు. కెప్టెన్​ కాకపోతే.. రానున్న టీ20 వరల్డ్​ కప్​లో అతను జట్టులో కూడా ఉండేవాడు కాదు!," అని ఇంకొకరు అన్నారు.

Rohit Sharma T20 world cup : "ఇలాంచి చెత్త ప్రదర్శనతో రోహిత్​ శర్మ టీ20 వరల్డ్​ కప్​లోకి వెళుతున్నాడు. టీమిండియాను లీడ్​ చేస్తాడు. అతని ఫ్యాన్స్​ మాత్రం విరాట్​ కోహ్లీని ట్రోల్​ చేస్తున్నారు," అని మరో క్రికెట్​ అభిమాని రాసుకొచ్చాడు.