Maxwell RCB : ‘నన్ను తీసేయమని నేనే చెప్పా’- ఐపీఎల్​ 2024 నుంచి బ్రేక్​ తీసుకుంటున్న మ్యాక్స్​వెల్​!-maxwell takes indefinite mental and physical break from ipl 2024 ,క్రికెట్ న్యూస్
తెలుగు న్యూస్  /  క్రికెట్  /  Maxwell Rcb : ‘నన్ను తీసేయమని నేనే చెప్పా’- ఐపీఎల్​ 2024 నుంచి బ్రేక్​ తీసుకుంటున్న మ్యాక్స్​వెల్​!

Maxwell RCB : ‘నన్ను తీసేయమని నేనే చెప్పా’- ఐపీఎల్​ 2024 నుంచి బ్రేక్​ తీసుకుంటున్న మ్యాక్స్​వెల్​!

Sharath Chitturi HT Telugu
Apr 16, 2024 10:13 AM IST

Maxwell IPL 2024 : ఐపీఎల్​ 2024 నుంచి నిరవధిక బ్రేక్​ తీసుకుంటున్నట్టు చెప్పాడు ఆర్సీబీ స్టార్​ ప్లేయర్​ మ్యాక్స్​వెల్​. ఇందుకు గల కారణాన్ని వివరించాడు.

ఐపీఎల్​ 2024 నుంచి బ్రేక్​ తీసుకుంటున్న మ్యాక్స్​వెల్​..
ఐపీఎల్​ 2024 నుంచి బ్రేక్​ తీసుకుంటున్న మ్యాక్స్​వెల్​.. (IPL-X)

RCB vs SRH IPL 2024 : ఐపీఎల్​ 2024లో పరాజయాల పరంపర కొనసాగిస్తున్న రాయల్​ ఛాలెంజర్స్​ బెంగళూరు (ఆర్సీబీ)కి మరో షాక్​! ఆ జట్టు స్టార్​ ప్లేయర్​, ఈ సీజన్​లో ఘోరంగా విఫలమైన గ్లెన్​ మ్యాక్స్​వెల్​.. ఐపీఎల్​ 2024 నుంచి నిరవధిక బ్రేక్​ తీసుకోవాలని నిర్ణయించుకున్నాడు. అందుకే.. సోమవారం సన్​రైజర్స్​ హైదరాబాద్​తో జరిగిన మ్యాచ్​లో మ్యాక్స్​వెల్​ ఆడలేదు. అంతేకాదు.. తానే స్వయంగా వెళ్లి, జట్టులో ఎంపిక చేయొద్దని చెప్పినట్టు వివరించాడు ఈ ఆస్ట్రేలియన్​ ప్లేయర్​.

మ్యాక్స్​వెల్​ ఎందుకు బ్రేక్​ తీసుకుంటున్నాడు?

ఎస్​ఆర్​హెచ్​తో జరిగిన మ్యాచ్​లో ఆర్సీబీ బౌలర్లు దారుణంగా విఫలమయ్యారు. ఫలితంగా.. ఐపీఎల్​ చరిత్రలోనే అత్యధిక రన్స్​ కొట్టిన టీమ్​గా నిలిచింది ప్యాట్​ కమిన్స్​ సేన. ఆర్సీబీ బ్యాటర్లు పోరాడినా.. అంతటి భారీ టార్గెట్​ను ఛేదించలేకపోయారు.

ఇక మ్యాచ్​ ముగిసిన తర్వాత నిర్వహించిన ప్రెస్​ కాన్ఫరెన్స్​లో పాల్గొన్నాడు మ్యాక్స్​వెల్​. మానసిక ఒత్తిడికి గురవుతున్నట్టు, అందుకే.. ఐపీఎల్​ 2024 నుంచి బ్రేక్​ తీసుకుంటున్నట్టు వెల్లడించాడు.

Maxwell RCB latest news : "నా మానసిక- భౌతిక పరిస్థితి అంత మెరుగ్గా లేదు. అందుకే బ్రేక్​ తీసుకోవాలని నిర్ణయించుకున్నాను. వ్యక్తిగతంగా ఇది నాకు సులభమైన నిర్ణయం కాదు. కానీ తప్పలేదు. ఫాఫ్​ డూప్లెసిస్​ (ఆర్సీబీ కెప్టెన్​), కోచ్​ల దగ్గరికి వెళ్లి.. నన్ను తీసేయాలని నేనే చెప్పాను. ఇలాంటి పరిస్థితి నాకు గతంలోనూ ఎదురైంది. ఇలాంటి పరిస్థితిలో ఎంత ఎక్కువ ఆడితే, అంత దారుణంగా ఉంటుంది. అందుక.. భౌతికంగా బ్రేక్​ తీసుకోవడానికి ఇదే సరైన సమయం అనుకుంటున్నాను. నా బాడీని సరిగ్గా చూసుకోవాలనుకుంటున్నాను. టోర్నీలో ఎప్పుడైనా నా అవసరం ఉండి.. మళ్లీ వచ్చి మంచి ప్రదర్శన చేసేందుకు రెడీ అవ్వాలి." అని చెప్పుకొచ్చాడు మ్యాక్స్​వెల్​.

ఇదీ చూడండి:- RCB bowlers : ‘టీ20ల్లో 300 కొట్టేది.. ఆర్సీబీ బౌలర్సే’- సోషల్​ మీడియోలో పేలుతున్న మీమ్స్​!

"పవర్​ప్లే తర్వాత జట్టు ప్రదర్శనలో లోటు కనిపిస్తోంది. ఆ సమయంలో ఆడటం నా బలం. కానీ ఇప్పుడు నేను పెద్దగా బ్యాట్​తో జట్టుకు సాయపడలేకపోతున్నాను. అందుకే.. వేరొకరికి అవకాశం ఇస్తే బాగుంటుంది అనిపించింది," అని ఆర్సీబీ ప్లేయర్​ మ్యాక్స్​వెల్​ అన్నాడు.

RCB IPL 2024 : నిజంగానే.. ఈ సీజన్​లో మ్యాక్స్​వెల్​ ఘోర ప్రదర్శన చేశాడు. ఆడిన 6 మ్యాచ్​లలో 3సార్లు డకౌట్​ అయ్యాడు. మిగిలిన మ్యాచ్​లలో కనీసం 30 కూడా దాటలేదు. 'వస్తాడు.. ఔట్​ అవుతాడు.. రిపీట్​' అని మ్యాక్స్​వెల్​ మీద సైటర్లు వెల్లువెత్తాయి.

అయితే.. మానసిక ఒత్తిడి కారణంతో మ్యాక్స్​వెల్​.. క్రికెట్​ నుంచి బ్రేక్​ తీసుకోవడం ఇది మొదటిసారి కాదు. గతంలోనూ ఇలా చేశాడు.

కానీ ఎస్​ఆర్​హెచ్​తో జరిగిన మ్యాచ్​లో ఆడకపోవడానికి బాధపడినట్టు చెప్పాడు మ్యాక్స్​వెల్​.

"పవర్​ప్లే సమయంలో పిచ్​ అనుకున్నంత నెమ్మదిగా లేదని అనిపించింది. ఈ గేమ్​ మిస్​ చేసుకున్నానని అనిపించింది. ఈ మ్యాచ్​లో నేను ఆడి ఉంటే బాగుండేది," అని చెప్పుకొచ్చాడు మ్యాక్స్​వెల్​.

టేబుల్​ బాటమ్​లో ఆర్సీబీ..

IPL 2024 points table : ఎస్​ఆర్​హెచ్​తో ఓటమితో ఆర్సీబీ ప్లేఆఫ్​కు చేరడం మరింత కష్టంగా మారింది. 7 మ్యాచ్​లలో ఒక్కటంటే ఒక్క మ్యాచ్​ మాత్రమే గెలిచి.. టేబుల్​ చివరి స్థానంలో ఉంది ఆర్సీబీ. ప్లేఆఫ్​కు చేరాలంటే.. ఇప్పటి నుంచి మిగిలిన అన్ని మ్యాచ్​లు గెలవాలి. అప్పటికీ.. డైరక్ట్​గా ప్లేఆఫ్​లో ఛాన్స్​ దక్కకపోవచ్చు. ఇతర జట్ల రన్​రేట్​పై భారీగా ఆధారపడాల్సి ఉంటుంది. మరి ఆర్సీబీ ఏం చేస్తుందో చూడాలి.

IPL_Entry_Point

సంబంధిత కథనం