IPL 2025 SRH vs RR Toss: ఉప్పల్ లో మ్యాచ్.. టాస్ గెలిచిన రాజస్థాన్.. స‌న్‌రైజ‌ర్స్ ఫస్ట్ బ్యాటింగ్.. పరుగుల విందుకు సై

ఐపీఎల్ 2025 కిక్కులో మునిగిపోయేందుకు తెలుగు ఫ్యాన్స్ రెడీ అయ్యారు. హైదరాబాద్ లోని ఉప్పల్ స్టేడియంలో ఈ సీజన్ లో నేడే ఫస్ట్ మ్యాచ్. ఆదివారం స‌న్‌రైజ‌ర్స్ హైద‌రాబాద్‌తో రాజస్థాన్ రాయల్స్ తలపడుతోంది. మధ్యాహ్నం 3.30 గంటలకు మ్యాచ్ స్టార్ట్ అవుతోంది. టాస్ గెలిచిన రాజస్థాన్ రాయల్స్ బౌలింగ్ ఎంచుకుంది. దీంతో స‌న్‌రైజ‌ర్స్ హైద‌రాబాద్‌ మొదట బ్యాటింగ్ చేయనుంది.

ఇషాన్ కు చోటు

ప్రమాదకర బ్యాటర్లతో స‌న్‌రైజ‌ర్స్ హైద‌రాబాద్‌ పటిష్ఠంగా కనిపిస్తోంది. ఓపెనర్లుగా విధ్వంసకర పెయిర్ ట్రావిస్ హెడ్, అభిషేక్ శర్మ మరోసారి సత్తాచాటేందుకు సిద్ధమయ్యారు. ఇక మెగా వేలంలో దక్కించుకున్న యంగ్ డైనమైట్ ఇషాన్ కిషన్ కు తుది జట్టులో చోటు దక్కింది. ఈ వికెట్ కీపర్ బ్యాటర్ టాప్ ఆర్డర్లో ఆడబోతున్నాడు. ఇక వైజాగ్ ఆల్ రౌండర్ నితీశ్ కుమార్ రెడ్డి మరోసారి అట్రాక్షన్ గా నిలవబోతున్నాడు.

బలంగా రాజస్థాన్

రాజస్థాన్ రాయల్స్ కూడా బలంగానే ఉంది. రెగ్యులర్ కెప్టెన్ సంజు శాంసన్ పూర్తి ఫిట్ నెస్ సాధించకపోవడంతో ఈ సీజన్ లో తొలి మూడు మ్యాచ్ లకు రియాన్ పరాగ్ కెప్టెన్ గా వ్యవహరిస్తున్నాడు. శాంసన్ ఇంపాక్ట్ ప్లేయర్ గా ఆడబోతున్నాడు.

పరుగుల పండగ

హైదరాబాద్ లోని ఉప్పల్ స్టేడియం పిచ్ బ్యాటింగ్ కు స్వర్గధామం. ఈ పిచ్ పై గత ఐపీఎల్ సీజన్ లో స‌న్‌రైజ‌ర్స్ హైద‌రాబాద్‌ బ్యాటింగ్ లో చెలరేగి కొత్త రికార్డులు నెలకొల్పిన సంగతి తెలిసిందే. ఈ సీజన్ లోనూ బ్యాటింగ్ ఊచకోత కొనసాగించేందుకు స‌న్‌రైజ‌ర్స్ హైద‌రాబాద్‌ సై అంటోంది.

తుది జట్లు

స‌న్‌రైజ‌ర్స్ హైద‌రాబాద్‌: ట్రావిస్ హెడ్, అభిషేక్ శర్మ, ఇషాన్ కిషన్, నితీశ్ కుమార్, హెన్రిచ్ క్లాసెన్, అనికేత్ వర్మ, అభినవ్ మనోహర్, కమిన్స్, సిమర్జీత్ సింగ్, హర్షల్ పటేల్, మహ్మద్ షమి

రాజస్థాన్ రాయల్స్: యశస్వి జైస్వాల్, శుభమ్ దూబె, నితీశ్ రాణా, రియాన్ పరాగ్, ధ్రువ్ జూరెల్, హెట్ మయర్, ఆర్చర్, తీక్షణ, తుషార్ దేశ్ పాండే, సందీప్ శర్మ, ఫజల్ హక్ ఫరూఖీ