IPL 2025 CSK vs RCB Toss: 17 ఏళ్ల వెయిటింగ్.. చెపాక్ లో ఆర్సీబీ గెలుస్తుందా? ధోని వర్సెస్ విరాట్.. సీఎస్కేదే టాస్
IPL 2025 CSK vs RCB Toss: ఐపీఎల్ 2025లో మరో మెగా పోరుకు రంగం సిద్ధమైంది. రెండు టాప్ టీమ్స్ ఫ్యాన్స్ ను ఎంటర్ టైన్ చేసేందుకు సిద్ధమయ్యాయి. నేడు ఆర్సీబీతో సీఎస్కే తలపడుతోంది. టాస్ గెలిచిన సీఎస్కే బౌలింగ్ ఎంచుకుంది.
తలా వర్సెస్ కింగ్.. సీఎస్కే వర్సెస్ ఆర్సీబీ..ఫ్రైడే బ్లాక్ బస్టర్ ను అందించేందుకు చెపాక్ స్టేడియం సిద్ధమైంది. ఐపీఎల్ లోని రెండు టాప్ టీమ్స్ అయిన చెన్నై సూపర్ కింగ్స్, రాయల్ ఛాలెంజర్స్ బెంగళూరు నేడు (మార్చి 28) తలపడుతున్నాయి. ఈ మెగా పోరులో టాస్ గెలిచిన సీఎస్కే బౌలింగ్ ఎంచుకుంది. ఆర్సీబీ ఫస్ట్ బ్యాటింగ్ చేయనుంది.
2009 నుంచి
ఐపీఎల్ 2025లో భాగంగా చెపాక్ స్టేడియంలో సీఎస్కే, ఆర్సీబీ మ్యాచ్ జరుగుతోంది. ఈ స్టేడియంలో ఆర్సీబీకి చెత్త రికార్డుంది. 2008లో ఈ స్టేడియంలో మ్యాచ్ గెలిచిన కోహ్లి టీమ్.. ఆ తర్వాత 16 సీజన్లలో ఒక్క మ్యాచ్ కూడా గెలవలేదు. చెపాక్ స్టేడియం ఈ రెండు జట్లు 9 మ్యాచ్ లాడాయి. సీఎస్కే 8 గెలవగా.. ఆర్సీబీ ఒకటి మాత్రమే నెగ్గింది. ఇప్పుడు 17 ఏళ్ల వెయిటింగ్ కు ఆర్సీబీ ఎండ్ కార్డు వేస్తుందా? లేదా సీఎస్కే డామినెన్స్ కొనసాగుతుందా? చూడాలి.
స్పిన్నర్ల జోరు
చెపాక్ అంటేనే స్పిన్నర్లకు స్వర్గధామం. ఇక్కడ స్పిన్నర్లదే ఆధిపత్యం. ఈ సీజన్ లో ముంబయి ఇండియన్స్ తో మ్యాచ్ లో సీఎస్కే స్పిన్నర్ నూర్ అహ్మద్ చెలరేగిన సంగతి తెలిసిందే. ఆ టీమ్ లో అశ్విన్, జడేజా, నూర్ అహ్మద్ లాంటి స్పిన్నర్లున్నారు. ఆర్సీబీలో కృనాల్ పాండ్య, సుయాష్ శర్మ, లివింగ్ స్టన్ ఉన్నారు.
విజయంతో
ఈ ఐపీఎల్ సీజన్ ను సీఎస్కే, ఆర్సీబీ గెలుపుతో మొదలెట్టాయి. చెపాక్ లో ముంబయి ఇండియన్స్ తో జరిగిన మ్యాచ్ లో సీఎస్కే 4 వికెట్ల తేడాతో విజయం సాధించింది. ఫస్ట్ ముంబయి 20 ఓవర్లలో 155/9 స్కోరు చేసింది. సీఎస్కే స్పిన్నర్ నూర్ అహ్మద్ 4 వికెట్లతో చెలరేగాడు. ఛేజింగ్ లో సీఎస్కే 19.1 ఓవర్లలో 6 వికెట్లు కోల్పోయి విజయాన్ని అందుకుంది. రచిన్ రవీంద్ర (65 నాటౌట్), రుతురాజ్ (53) బ్యాటింగ్ లో చెలరేగాడు.
కోహ్లి క్లాస్
మరోవైపు ఈ ఐపీఎల్ సీజన్ ఆరంభ మ్యాచ్ లోనే డిఫెండింగ్ ఛాంపియన్ కోల్ కతా నైట్ రైడర్స్ కు ఆర్సీబీ షాకిచ్చింది. ఈడెన్ గార్డెన్స్ లో జరిగిన మ్యాచ్ లో ఆర్సీబీ 7 వికెట్ల తేడాతో నెగ్గింది. ఫస్ట్ కేకేఆర్ 174/8 స్కోరు చేసింది. ఆర్సీబీ స్పిన్నర్ కృనాల్ పాండ్య మూడు వికెట్లు పడగొట్టాడు. ఛేజింగ్ లో విరాట్ కోహ్లి (59 నాటౌట్), ఫిల్ సాల్ట్ (56) అదరగొట్టారు.
తుది జట్లు
చెన్నై సూపర్ కింగ్స్: రచిన్ రవీంద్ర, రాహుల్ త్రిపాఠి, రుతురాజ్ గైక్వాడ్, దీపక్ హుడా, జడేజా, ధోని, అశ్విన్, నూర్ అహ్మద్, పతిరన, ఖలీల్ అహ్మద్.
రాయల్ ఛాలెంజర్స్ బెంగళూరు: ఫిల్ సాల్ట్, విరాట్ కోహ్లి, దేవ్ దత్ పడిక్కల్, రజత్ పాటీదార్, లివింగ్ స్టన్, జితేశ్ శర్మ, టిమ్ డేవిడ్, కృనాల్ పాండ్య, భువనేశ్వర్, హేజిల్ వుడ్.
Chandu Shanigarapu
సంబంధిత కథనం