ఇకపై క్రికెట్‌లో బన్నీ-హోప్స్ క్యాచ్‌లు ఉండవు.. అవి ఇల్లీగల్.. మ్యాచ్ కొత్త రూల్స్ ఇవే!

క్రికెట్‌ మ్యాచుల్లో పట్టే బన్నీ-హోప్స్ క్యాచ్‌లకు ఎంత క్రేజ్ ఉందో తెలిసిందే. బౌండరి లైన్ దాటకుండా గాల్లో పట్టే ఈ క్యాచ్‌లు అభిమానులను ఎంటర్‌టైన్ చేస్తాయి. అలాగే, మరికొంతమంది ప్రేక్షకులకు అవి అన్యాయంగా కనిపిస్తాయి. అయితే, ఈ బన్నీ హోప్స్ క్యాచ్‌లు ఉండవని తెలుస్తోంది.

ఇల్లీగల్‌గా ఆ క్యాచ్‌లు

క్రికెట్‌లో కొత్త క్యాచ్ నియమాన్ని తీసుకురానున్నాయి అంతర్జాతీయ క్రికెట్ మండలి (ఐసీసీ), మెరిల్‌బోన్ క్రికెట్ క్లబ్ (ఎమ్‌సీసీ). దీంతో ఈ నియమాల్లో బౌండరీ లైన్ వెలుపల గాల్లోకి ఎగిరి బాల్‌ను పట్టుకునే బన్నీ హోప్స్‌ క్యాచ్‌లను రద్దు చేస్తున్నారు. వాటిని ఇక నుంచి ఇల్లీగల్‌గా పరిగణిస్తారు.

అయితే, బౌండరీ లోపల నుంచి బాల్‌ను నెట్టి ఆ తర్వాత బయటకు వెళ్లి మళ్లీ తిరిగి డైవ్ చేసి క్యాచ్‌ను పూర్తి చేసేందుకు మాత్రం అనుమతి ఉంది. ఫీల్డరబ్ బంతిని తొలిసారి బౌండరీ వెలుపల నుంచి టచ్ చేస్తే ఆ క్యాచ్ చెల్లాలంటే ఆటగాడు కచ్చితంగా గ్రౌండ్‌ లోపలికి రావాలి. అంటే, బౌండరీ బయట ఇష్టం వచ్చినన్ని సార్లు బాల్‌ను ఎగరవేయడం ఇక నుంచి కుదరదు.

వచ్చే ఏడాది అక్టోబర్ నుంచి

ఈ కొత్త నియమం ఈ జూన్ నెలలోనే ప్లేయింగ్ కండిషన్‌లో పార్ట్ కానుంది. వచ్చే ఏడాది 2026 అక్టోబర్ నుంచి ఈ నియమాన్ని ఎమ్‌సీసీ అమలు చేయనుంది. అయితే, క్రికెట్ ఆడియెన్స్, అభిమానులకు కొన్ని క్యాచ్‌లు అన్యాయంగా అనిపిస్తున్నాయనే విమర్శల నేపథ్యంలో ఎమ్‌సీసీ ఈ మార్పు చేసింది.

ప్రస్తుతం ఉన్న నియమం ప్రకారం ఆటగాడు బాల్‌ను, మైదానాన్ని ఒకేసారి బౌండరి బయట తాకితేనే అది చెల్లని క్యాచ్ అవుతుంది. ఈ విషయంపై ఎమ్‌సీసీ కామెంట్స్ చేసింది. "మేము కొత్త నియమాలను రూపొందించాం. వాటి ప్రకారం బన్నీ-హోప్స్ క్యాచ్‌లను రద్దు చేశాం. బౌండరీ లోప నుంచి బాల్‌ను పైకి నెట్టి, బయటకు వెళ్లి ఆ తర్వాత డైవ్ చేసి క్యాచ్ పట్టేందుకు అనుమతి ఉంది" అని ఎమ్‌సీసీ తెలిపింది.

వచ్చే వారం నుంచే ఐసీసీలో అమలు

ఎమ్‌సీసీ ఇంకా కొనసాగిస్తూ "ఒకవేళ బాల్‌ను వేరే ఇతర ఆటగాడికి పంపినా లేదా గ్రౌండ్‌లోకే నెట్టినా ఫీల్డర్ బౌండరీ బయట ల్యాండ్ అయితే లేదా ఆ తర్వాత బయటకు వెళ్తే దాన్ని బౌండరీ కింద పరిగణిస్తారు. అంటే, బౌండరీ బయట నుండి గాల్లోకి ఎగిరి బంతిని తాకడానికి ఆటగాడికి ఒకే ఒక్క అవకాశం ఉంటుంది. ఆ తర్వాత మళ్లీ బౌండరీ లైన్ దాటి వెళ్లొద్దు" అని చెప్పుకొచ్చింది.

ఇక ఈ కొత్త నియమాలను ఐసీసీ వచ్చే వారం నుంచే అమలు చేయనుందని సమాచారం. ఈ నియమాల ప్రకారం 2023 సంవత్సరం బిగ్ బాష్ లీగ్‌లో మైఖేల్ నేసర్ పట్టిన క్యాచ్, ఐపీఎల్ 2025లో సీఎస్‌కే జట్టుకు ఆడిన డెవాల్డ్ బ్రెవిస్ క్యాచ్‌లు చెల్లవు.