యూపీఎస్సీ ఎన్డీఏ, ఎన్ఎ 1 ఫలితాల విడుదల; ఈ డైరెక్ట్ లింక్ తో చెక్ చేసుకోండి

నేషనల్ డిఫెన్స్ అకాడమీ (NDA), నేవల్ అకాడమీ (NA) ఎగ్జామినేషన్ (I) 2025 ఫలితాలను యూనియన్ పబ్లిక్ సర్వీస్ కమిషన్ (UPSC) విడుదల చేసింది. యూపీఎస్సీ అధికారిక వెబ్సైట్ upsc.gov.in లో ఫలితాలను ప్రచురించారు. నేషనల్ డిఫెన్స్ అకాడమీ, నేవల్ అకాడమీ రాత పరీక్షను 2025 ఏప్రిల్ 13న దేశవ్యాప్తంగా వివిధ కేంద్రాల్లో నిర్వహించారు. తదుపరి దశ - ఇంటర్వ్యూకు అర్హత సాధించిన అభ్యర్థుల రోల్ నంబర్లు ఇప్పుడు విడుదలయ్యాయి.

తదుపరి ఇంటర్వ్యూ

నేషనల్ డిఫెన్స్ అకాడమీ, నేవల్ అకాడమీ రాత పరీక్షలో అర్హత సాధించిన అభ్యర్థులు రక్షణ మంత్రిత్వ శాఖకు చెందిన సర్వీసెస్ సెలక్షన్ బోర్డు (SSB) నిర్వహించే ఇంటర్వ్యూ రౌండ్ కు వెళ్తారు. జనవరి 2, 2026 నుంచి ప్రారంభమయ్యే 155వ ఇండియన్ నేవల్ అకాడమీ కోర్సు, 117వ ఇండియన్ నేవల్ అకాడమీ కోర్సు (ఐఎన్ఏసీ)లో ఎన్డీఏకు చెందిన ఆర్మీ, నేవీ, ఎయిర్ ఫోర్స్ విభాగాల్లో ప్రవేశానికి ఈ ప్రక్రియ ఉంటుంది. ఈ దశలో అన్ని నామినేషన్లు తాత్కాలికమే.

రిజిస్టర్ చేసుకోవాలి..

రాత ఫలితాలు వెలువడిన రెండు వారాల్లోపు అభ్యర్థులు ఇండియన్ ఆర్మీ రిక్రూట్ మెంట్ వెబ్ సైట్ joinindianarmy.nic.in ఆన్ లైన్ లో రిజిస్టర్ చేసుకోవాల్సి ఉంటుంది. రిజిస్టర్ చేసుకున్న తర్వాత వారికి ఎంపిక కేంద్రాలు, ఇంటర్వ్యూ తేదీలను కేటాయిస్తారు. వీటిని వారి రిజిస్టర్డ్ ఈమెయిల్ ఐడీ ద్వారా అభ్యర్థులకు తెలియజేస్తారు. ఇప్పటికే రిజిస్టర్ చేసుకున్న అభ్యర్థులు మళ్లీ రిజిస్టర్ చేసుకోవాల్సిన అవసరం లేదు. ఏదైనా లాగిన్ సమస్యలు లేదా సందేహాలు ఉంటే, అభ్యర్థులు dir-recruiting6-mod@nic.in ఇమెయిల్ చేయవచ్చు.

రిజల్ట్ ను ఇలా చెక్ చేసుకోండి

నేషనల్ డిఫెన్స్ అకాడమీ (ఎన్డీఏ), నేవల్ అకాడమీ (ఎన్ఏ) రాత పరీక్ష ఫలితాల కోసం అభ్యర్థులు ఈ కింది స్టెప్స్ ఫాలో కావాలి.

• ముందుగా యూపీఎస్సీ అధికారిక వెబ్సైట్ ను సందర్శించాలి.
• ఎన్డీఏ, ఎన్ఏ 1 ఫలితాల కోసం లింక్ పై క్లిక్ చేయండి.
• అర్హత సాధించిన అభ్యర్థుల రోల్ నంబర్లతో కూడిన కొత్త పీడీఎఫ్ పేజీ కనిపిస్తుంది.
• అందులో మీ రోల్ నంబర్ ను చెక్ చేసుకోండి.
• తాజా అప్డేట్స్ కోసం యూపీఎస్సీ అధికారిక వెబ్సైట్ను సందర్శించండి.

డైరెక్ట్ లింక్