త్వరలో యూపీఎస్సీ ఫైనల్ రిజల్ట్.. వచ్చాక ఫలితాలు ఇలా చూసుకోవాలి

యూనియన్ పబ్లిక్ సర్వీస్ కమిషన్(యూపీఎస్సీ) 2024 సివిల్ సర్వీసెస్ ఫైనల్ ఫలితాలను త్వరలో విడుదల చేసేందుకు రెడీ అవుతోంది. యూపీఎస్సీ సీఎస్ఈ 2024 తుది ఫలితాలను యూపీఎస్సీ upsc.gov.in అధికారిక వెబ్‌సైట్‌లో విడుదల చేయనుంది.

ఇంటర్వ్యూలు కంప్లీట్

యూపీఎస్సీ 2025 జనవరి 7 నుంచి చివరి విడత సెలక్షన్ ఇంటర్వ్యూలను ప్రారంభించింది. ఇంటర్వ్యూ రౌండ్ 2025 ఏప్రిల్ 17న ముగిసింది. ఈ నియామక ప్రక్రియ ద్వారా 1132 ఐఏఎస్, ఐపీఎస్, ఇతర సర్వీసుల పోస్టులకు అభ్యర్థులను యూపీఎస్సీ ఎంపిక చేయనుంది.

యూపీఎస్సీ మన దేశంలో అత్యంత కఠినమైన పరీక్షల్లో ఒకటి. ఏటా లక్షలాది మంది అభ్యర్థులు పరీక్షకు హాజరవుతున్నారు. ఇండియన్ అడ్మినిస్ట్రేటివ్ సర్వీసెస్(ఐఏఎస్), ఇండియన్ పోలీస్ సర్వీసెస్ (ఐపీఎస్), ఇండియన్ ఫారిన్ సర్వీసెస్ (ఐఎఫ్ఎస్), రైల్వే గ్రూప్ ఏ(ఇండియన్ రైల్వే అకౌంట్స్ సర్వీస్), ఇండియన్ పోస్టల్ సర్వీసెస్, ఇండియన్ ట్రేడ్ సర్వీసెస్ తదితర పోస్టులకు అభ్యర్థులను ఎంపిక చేయడానికి యూపీఎస్సి సివిల్ సర్వీసెస్ నిర్వహిస్తుంది. ప్రిలిమ్స్, మెయిన్స్, ఇంటర్వ్యూ ఆధారంగా అభ్యర్థులను ఎంపిక చేస్తారు. దీని ఆధారంగా తుది మెరిట్ జాబితాను రూపొందిస్తారు. ఫలితాలు వచ్చాక రిజల్ట్ కింది విధంగా చూసుకోవచ్చు.

యూపీఎస్సీ ఫైనల్ రిజల్ట్-1 ఎలా చెక్ చేసుకోవాలి

1. ముందుగా upsc.gov.in అధికారిక వెబ్‌సైట్‌లోకి వెళ్లాలి.

2. దీని తరువాత హోమ్ పేజీలో ఇచ్చిన కొత్తది విభాగానికి వెళ్లాలి.

3. తర్వాత యూపీఎస్సీ సీఎస్ఈ ఫైనల్ రిజల్ట్ 2024 లింక్ మీద క్లిక్ చేయాలి.

4. దీని తరువాత యూపీఎస్సీ సివిల్ సర్వీసెస్ ఫైనల్ రిజల్ట్ 2024 పీడీఎఫ్ ఫైల్ మీ స్క్రీన్ మీద ఓపెన్ అవుతుంది.

5. ఇప్పుడు పీడీఎఫ్ ఫైల్లో మీ పేరు, రోల్ నెంబర్ నొక్కడం ద్వారా రిజల్ట్ తెలుసుకోవచ్చు.

6. తర్వాత యూపీఎస్సీ సివిల్ సర్వీసెస్ ఫైనల్ రిజల్ట్ 2024 పీడీఎఫ్ ఫైల్ డౌన్‌లోడ్ చేసుకోవాలి.