UGC NET admit card : యూజీసీ నెట్ అడ్మిట్ కార్డులు విడుదల- ఇలా డౌన్​లోడ్​ చేసుకోండి..

2025 జనవరి 3కు సంబంధించిన యూనివర్సిటీ గ్రాంట్స్ కమిషన్ (యూజీసీ) నేషనల్ ఎలిజిబిలిటీ టెస్ట్ (నెట్) అడ్మిట్ కార్డులను నేషనల్ టెస్టింగ్ ఏజెన్సీ (ఎన్టీఏ) విడుదల చేసింది. యూజీసీ నెట్ అడ్మిట్ కార్డును అభ్యర్థులు ugcnet.nta.ac.in నుంచి డౌన్​లోడ్​ చేసుకోవచ్చు.

లాగిన్ విండోలో కనిపించే సందేశం ప్రకారం.. ఇతర పరీక్ష రోజుల అడ్మిట్ కార్డులు తరువాత విడుదల అవుతాయి.

జనవరి 3, 6, 7, 8, 9, 10, 15, 16 తేదీల్లో 85 సబ్జెక్టులకు పరీక్ష నిర్వహించనున్నారు.

మొదటి షిఫ్ట్​లో పబ్లిక్ అడ్మినిస్ట్రేషన్ అండ్ ఎడ్యుకేషన్ సబ్జెక్టులకు, రెండో షిఫ్ట్​లో ఎకనామిక్స్ / రూరల్ ఎకనామిక్స్ / కోఆపరేషన్ / డెమోగ్రఫీ / డెవలప్​మెంట్ ప్లానింగ్ / డెవలప్​మెంట్ స్టడీస్ / ఎకనామెట్రిక్స్ / అప్లయిడ్ ఎకనామిక్స్ / డెవలప్​మెంట్ ఎకనామిక్స్ / బిజినెస్ ఎకనామిక్స్ / మ్యూజియాలజీ అండ్ కన్జర్వేషన్ సబ్జెక్టులకు పరీక్ష నిర్వహిస్తారు.

ఈ సబ్జెక్టులకు హాజరయ్యే అభ్యర్థులు తమ అడ్మిట్ కార్డులను అప్లికేషన్ నెంబర్, పుట్టిన తేదీ ద్వారా డౌన్​లోడ్ చేసుకోవచ్చు.

యూజీసీ నెట్ అడ్మిట్ కార్డ్ డౌన్​లోడ్​ లింక్​ కోసం ఇక్కడ క్లిక్​ చేయండి.

యూజీసీ నెట్​ అడ్మిట్​ కార్డును ఇలా డౌన్​లోడ్​ చేసుకోండి..

1. ugcnet.nta.ac.in అధికారిక వెబ్సైట్​ని సందర్శించండి.
2. హోమ్ పేజీలో ఇచ్చిన యూజీసీ నెట్ అడ్మిట్ కార్డు డౌన్​లోడ్ లింక్​ని ఓపెన్ చేయాలి.
3. మీ అప్లికేషన్ నెంబరు, పుట్టిన తేదీని నమోదు చేయండి.
4. మీ అకౌంట్లోకి లాగిన్ అయి అడ్మిట్ కార్డును డౌన్​లోడ్ చేసుకోవాలి.

పరీక్ష కేంద్రాలు ఏయే నగరాల్లో ఉంటాయో అభ్యర్థులకు తెలియజేసే సిటీ ఇన్ఫర్మేషన్ స్లిప్పులను కమిషన్ గతంలోనే విడుదల చేసింది.

అడ్మిట్ కార్డులపై అభ్యర్థులు పరీక్ష కేంద్రం చిరునామా, రిపోర్టింగ్ సమయం, పరీక్ష రోజు సూచనలు మొదలైనవి తెలుసుకుంటారు. అడ్మిట్ కార్డుతో పాటు అండర్ టేకింగ్ ఫారం కూడా ఉంటుంది. అభ్యర్థులు ప్రింటెడ్ అడ్మిట్ కార్డులోని అన్ని పేజీలను (అండర్ టేకింగ్​తో సహా) పరీక్షా కేంద్రానికి తీసుకెళ్లాలి.

అడ్మిట్ కార్డు డౌన్​లోడ్ చేసుకోవడంలో ఎవరికైనా ఇబ్బంది ఎదురైనా లేదా, అడ్మిట్ కార్డులోని వివరాల్లో ఏమైనా తప్పులున్నా 011- 40759000 నంబరుకు లేదా ugcnet@nta.ac.in ఈ-మెయిల్​ని సంప్రదించవచ్చు.